ఒకేసారి రెండు నార్డ్ సిరీస్ 5జి ఫోన్స్ లాంచ్ చేసిన వన్ ప్లస్.. పెద్ద ర్యామ్‌తో ధర కూడా తక్కువే..

స్మార్ట్ ఫోన్ బ్రాండ్ వన్ ప్లస్ (OnePlus)యూరోప్‌లో రెండు కొత్త  నార్డ్ (Nord)సిరీస్ స్మార్ట్ ఫోన్‌లను లాంచ్ చేసింది, ఇందులో వన్ ప్లస్ నార్డ్ 2టి (OnePlus Nord 2T) 5జి  వన్ ప్లస్ నార్డ్ సి‌ఈ 2 లైట్ (OnePlus Nord CE 2 Lite 5G)ఉన్నాయి.

వన్ ప్లస్ నార్డ్ 2టి  5G 90Hz రిఫ్రెష్ రేట్‌తో 6.43-అంగుళాల AMOLED డిస్‌ప్లేతో వస్తుంది. దీనిలో MediaTek Dimension 1300 ప్రాసెసర్‌ని ఫోన్‌లో అందించారు. వన్ ప్లస్ నార్డ్ సి‌ఈ 2 లైట్  5జి గత నెలలో ఇండియాలో స్నాప్‌డ్రాగన్ 695 ప్రాసెసర్‌తో ప్రవేశపెట్టారు, ఇప్పుడు ప్రపంచవ్యాప్తంగా అందుబాటులోకి వచ్చింది.

ధర
 వన్ ప్లస్ నార్డ్ 2టి  5జి 8జి‌బి ర్యామ్ 128జి‌బి స్టోరేజ్ ధర 399 యూరోలు అంటే దాదాపు రూ. 32,600. అలాగే 12 జీబీ ర్యామ్‌తో 256 జీబీ స్టోరేజ్ ధర 499 యూరోలు అంటే దాదాపు 40,800 రూపాయలు. గ్రే షాడో అండ్ జేడ్ ఫాగ్ కలర్‌లో ఫోన్ కొనుగోలు చేయవచ్చు. వన్ ప్లస్ నార్డ్ సి‌ఈ 2 లైట్ 5జి 6జి‌బి ర్యామ్, 128జి‌బి స్టోరేజ్ ధర 299 యూరోలు 24,450. ఈ ఫోన్ బ్లాక్ డస్క్ అండ్ బ్లూ టైడ్ రంగులలో కొనుగోలు చేయవచ్చు. కంపెనీ 49 యూరోలకు అంటే దాదాపు రూ. 4,000కి వన్ ప్లస్ నార్డ్ బడ్స్ ని కూడా పరిచయం చేసింది. 

 వన్ ప్లస్ నార్డ్ 2టి  5జి స్పెసిఫికేషన్‌లు
వన్ ప్లస్ నార్డ్ 2టి  5జిలో ఆండ్రాయిడ్ 12 ఆధారిత ఆక్సిజన్ OS 12.1 ఉంది. 6.43 అంగుళాల ఫుల్ హెచ్‌డి ప్లస్  డిస్‌ప్లే ఉంది. డిస్ప్లే  రిఫ్రెష్ రేట్ 90Hz, దానితో HDR10+కి సపోర్ట్ ఉంది. డిస్ప్లేకి గొరిల్లా గ్లాస్ 5 ఉంది. MediaTek Dimensity 1300 ప్రాసెసర్‌తో ఫోన్‌లో గరిష్టంగా 12జి‌బి ర్యామ్, 256 జి‌బి స్టోరేజ్ ఉంది. OnePlus Nord 2T 5జిలో మూడు బ్యాక్ కెమెరాలు ఉన్నాయి, ఇందులో ప్రైమరీ లెన్స్ 50-మెగాపిక్సెల్ సోనీ IMX766 సెన్సార్ ఆప్టికల్ ఇమేజ్ స్టెబిలైజేషన్‌తో ఉంటుంది.

రెండవ లెన్స్ 8-మెగాపిక్సెల్ సోనీ IMX355 అల్ట్రా-వైడ్ సెన్సార్. మూడవ లెన్స్ 2-మెగాపిక్సెల్ మోనోక్రోమ్ లెన్స్. సెల్ఫీ కోసం 32-మెగాపిక్సెల్ సోనీ IMX615 సెన్సార్ ఉంది. ఫోన్ 80W SuperVOOC ఫాస్ట్ ఛార్జింగ్‌కు సపోర్ట్ తో 4500mAh బ్యాటరీ ఇచ్చారు. కనెక్టివిటీ కోసం, Wi-Fi 6, బ్లూటూత్ v5.2, NFCతో ఇన్-డిస్ప్లే ఫింగర్ ప్రింట్ సెన్సార్ ఉంది.

వన్ ప్లస్ నార్డ్ సి‌ఈ 2 లైట్ 5G స్పెసిఫికేషన్‌లు
వన్ ప్లస్ నార్డ్ సి‌ఈ 2 లైట్ 5Gలో ఆండ్రాయిడ్ 12 ఆధారిత ఆక్సిజన్‌OS 12.1 ఉంది. అంతేకాకుండా, ఫోన్ 120Hz రిఫ్రెష్ రేట్‌తో 6.59-అంగుళాల ఫుల్ HD ప్లస్ డిస్‌ప్లే ఉంది. దాని మీద గొరిల్లా గ్లాస్ విక్టస్ ఉంది.  స్నాప్‌డ్రాగన్ 695 ప్రాసెసర్‌తో 6జి‌బి వరకు LPDDR4X ర్యామ్, 128జి‌బి స్టోరేజ్ తో పనిచేస్తుంది. 

వన్ ప్లస్ నార్డ్ సి‌ఈ 2 లైట్ 5Gలో మూడు వెనుక కెమెరాలు ఉన్నాయి, ఇందులో ప్రైమరీ లెన్స్ 64 మెగాపిక్సెల్‌లు. రెండవ లెన్స్ 2 మెగాపిక్సెల్ మాక్రో అండ్ మూడవ లెన్స్ 2ఎం‌పి డెప్త్ సెన్సార్. ఇందులో సెల్ఫీ కోసం 16 మెగాపిక్సెల్ కెమెరా ఉంది. ఫోన్ 33W SuperVOOC ఫాస్ట్ ఛార్జింగ్‌కు సపోర్ట్ తో 5000mAh బ్యాటరీని ప్యాక్ చేస్తుంది. కనెక్టివిటీ కోసం, Wi-Fi 6, బ్లూటూత్ v5.2, NFC ఉన్నాయి. ఇందులో ఇన్-డిస్‌ప్లే ఫింగర్ ప్రింట్ సెన్సార్ కూడా ఉంది.