డ్యూయల్ రియర్ కెమెరా, భారీ బ్యాటరీతో నోకియా కొత్త స్మార్ట్‌ఫోన్ లాంచ్.. ప్రత్యేకమైన ఫీచర్స్ తెలుసా ?

హెచ్‌ఎండి గ్లోబల్ నోకియా కంపెనీ తాజాగా కొత్త స్మార్ట్‌ఫోన్ నోకియా 1.4 ను విడుదల చేసింది. ఈ ఫోన్ గత ఏడాది మార్చిలో ప్రారంభించిన నోకియా 1.3 కి అప్‌గ్రేడ్ వెర్షన్ గా వస్తుంది. నోకియా 1.3 ఫోన్ లో సింగిల్ రియర్ కెమెరా సెటప్ ఉండగా, నోకియా 1.4 లో డ్యూయల్ రియర్ కెమెరా సెటప్ అందించారు.

S Ashok Kumar

Hyderabad, First Published Feb 4, 2021, 1:30 PM IST | Last Updated Feb 4, 2021, 1:30 PM IST

ఇది కాకుండా నోకియా ఈ ఫోన్‌లో 4000 ఎంఏహెచ్ భారీ బ్యాటరీ కూడా ఇచ్చింది. నోకియా 1.3ఫోన్ 3000 ఎంఏహెచ్ బ్యాటరీతో లాంచ్ చేశారు. నోకియా 1.4 ఈ కొత్త ఫోన్ ఫీచర్స్ గురించి తెలుసుకుందాం ...

నోకియా 1.4 ధర
నోకియా 1.4 ప్రారంభ ధర $ 99 డాలర్లు అంటే ఇండియాలో సుమారు 7,200 రూపాయలు. 1 జీబీ ర్యామ్‌తో 16 జీబీ స్టోరేజ్ లభిస్తుంది. ఈ ఫోన్ 2 జిబి ర్యామ్ 64 జిబి స్టోరేజ్, లేదా 32 జిబి స్టోరేజ్, 3 జిబి ర్యామ్ తో కూడా లభిస్తుంది, అయితే ప్రస్తుతానికి ఇతర వేరియంట్ల ధర, లభ్యత గురించి సమాచారం లేదు.

నోకియా 1.4 స్పెసిఫికేషన్లు
ఈ ఫోన్‌లో డ్యూయల్ సిమ్ సపోర్ట్‌తో ఆండ్రాయిడ్ 10 (గో ఎడిషన్)తో వస్తుంది. ఆండ్రాయిడ్ 11 (గో ఎడిషన్) అప్ డేట్ కూడా చేసుకోవచ్చు. ఈ ఫోన్‌లో 6.51 అంగుళాల హెచ్‌డి ప్లస్ డిస్‌ప్లే, క్వాల్కమ్ 215 ప్రాసెసర్, 3 జిబి ర్యామ్, 64 జిబి వరకు స్టోరేజ్ ఆప్షన్ కూడా ఉంది. ఫోన్ లో డ్యూయల్ రియర్ కెమెరా సెటప్‌ అందించగ, దీనిలో ఒక లెన్స్ 8 మెగాపిక్సెల్స్ కెమెరా, మరొకటి 2 మెగాపిక్సెల్ మాక్రో కెమెరాతో వస్తుంది. అలాగే సెల్ఫీ కోసం 5 మెగాపిక్సెల్ కెమెరా ఇచ్చారు.

మెమరీ కార్డ్ సహాయంతో ఫోన్ స్టోరేజ్ 128 జీబీ వరకు పెంచుకోవచ్చు. ఇది కాకుండా కనెక్టివిటీ కోసం 4జి ఎల్‌టిఇ, వై-ఫై 802.11 బి / జి / ఎన్, బ్లూటూత్ వి 4.2, జిపిఎస్ / ఎ-జిపిఎస్, ఎఫ్‌ఎం రేడియో, మైక్రో యుఎస్‌బి, 3.5 ఎంఎం హెడ్‌ఫోన్ జాక్ ఉన్నాయి. ఫోన్ వెనుక ప్యానెల్‌లో ఫింగర్ ప్రింట్ సెన్సార్ ఉంటుంది. 4000 ఎమ్ఏహెచ్ బ్యాటరీ, 5W ఛార్జింగ్ కు సపోర్ట్ ఇస్తుంది. ఫోన్ బరువు 178 గ్రాములు.