స్మార్ట్ ఫోన్ బ్యాటరీ లైఫ్ పెంచడానికి ఈ 5 టిప్స్ చాలు.. మళ్లీ మళ్లీ చార్జ్ అవసరం లేదు..

నేడు ప్రతి వ్యక్తి జీవితంలో స్మార్ట్ ఫోన్ (smartphone)ప్రాముఖ్యత పెరిగింది. నిరుద్యోగులకు ఉద్యోగం కోసం మొబైల్ అవసరం అయితే, మరికొందరికి వినోదం కోసం, అలాగే పిల్లలకు ఆన్‌లైన్ చదువుల కోసం. మొబైల్‌తో చాలా మంది పనులు సులువుగా జరిగిపోతున్నాయి, కానీ బ్యాటరీ తక్కువగా ఉండటం వల్ల మొబైల్ ఆఫ్‌లో ఉన్నప్పుడు చాలాసార్లు ఇబ్బందులు ఎదుర్కోవాల్సి వస్తుంది. 

 ఇలాంటి పరిస్థితులలో మీ ఫోన్‌లో బ్యాటరీ పదే పదే తగ్గిపోవడం మీకు ఇబ్బందిగా ఉంటే ఈ వార్త మీ కోసమే. దీనికి సంబంధించిన కొన్ని చిట్కాలను మీకోసం, వీటిని అనుసరించడం ద్వారా మీ ఫోన్‌ను మళ్లీ మళ్లీ ఛార్జింగ్ చేయకుండా ఉండవచ్చు. ఇంకా  మీ ఫోన్ బ్యాటరీ లైఫ్ పెరుగుతుంది. నిజానికి మీ ఫోన్‌లోని చాలా అంశాలు ఎక్కువ బ్యాటరీని వినియోగిస్తాయి. అవి తెలుసుకుంటే ఈ సమస్య నుంచి బయటపడవచ్చు.

ఈ రోజుల్లో స్మార్ట్‌ఫోన్ డిస్‌ప్లేలు పెద్దవిగా, ప్రకాశవంతంగా వస్తున్నాయి. కానీ అవి మీ బ్యాటరీ లైఫ్  ని హరించివేస్తాయి. కాబట్టి మీరు ఫుల్ బ్రైట్ నెస్ తగ్గించుకోవడం మంచిది. మీరు ఆటో-బ్రైట్ నెస్  ఆక్టివేట్ చేస్తే ప్రస్తుత లైటింగ్ ప్రకారం బ్రైట్ నెస్ అడ్జస్ట్ చేస్తుంది. అలాగే మీ ఫోన్ బ్యాటరీని ఆదా చేస్తుంది.

మీ ఫోన్‌లో జి‌పి‌ఎస్ ఫీచర్ అవసరం లేనప్పుడు ఆఫ్ చేసి ఉంచండి. మీరు సెట్టింగ్‌లు > ప్రైవసీ > లొకేషన్ సర్వీస్  ద్వారా లొకేషన్ సేవలను పూర్తిగా ఆఫ్ చేయవచ్చు.  
దీనితో పాటు మీరు మీ ఫోన్‌లోని బ్యాటరీని త్వరగా ఆయిపోకుండా కాపాడుకోవాలనుకుంటే, మీరు మీ ఫోన్‌లోని యాప్స్, ఆపరేటింగ్ సిస్టమ్‌ను అప్ డేట్ లో ఉంచడం ముఖ్యం. దీని కోసం మీరు ఫోన్‌లో ఆటోమేటిక్ యాప్ అప్‌డేట్‌ను  ఆన్ లో ఉంచాలీ.  

మీ  బ్యాటరీ డ్రెయిన్‌ సమయంలో బలమైన ఆయుధాలలో  ఒకటి పవర్ సేవింగ్ మోడ్. దీన్ని ఎనేబుల్ చేయడం ద్వారా ఫోన్ అత్యంత అవసరమైన పనులను మాత్రమే చేయడానికి అనుమతిస్తుంది ఇంకా డౌన్‌లోడ్‌లు, మెయిల్‌లను  వంటి బ్యాక్‌గ్రౌండ్ యాక్టివిటీలను ఆపివేస్తుంది.

అంతేకాకుండా మీరు డివైజ్ ఎయిర్‌ప్లేన్ మోడ్‌లో కూడా ఉంచవచ్చు, ఇది మీ ఫోన్‌లోని అన్ని వైర్‌లెస్ ఫీచర్లను ఆఫ్ చేస్తుంది. ఈ సమయంలో కాల్స్ ఇంకా టెక్స్ట్ మెసేజెస్ రావు. అయినప్పటికీ మీరు వై-ఫై (Wi-Fi)కి కనెక్ట్ చేయవచ్చు.