శుభవార్త: త్వరలోనే వారికి ఉచితంగా విండోస్ 11ఓఎస్ అప్ డేట్.. ఇప్పుడు కొత్త స్టార్ట్ మెను, ఐకాన్స్ చూడవచ్చు..

అమెరికన్ మల్టీ నేషనల్ కంపెనీ మైక్రోసాఫ్ట్ జూన్ 24న విండోస్  కొత్త వెర్షన్‌ను విడుదల చేయబోతోంది. ప్రస్తుతానికి కొత్త విండోస్ పేరు గురించి అధికారిక సమాచారం లేదు, అయితే కొత్త విండోస్ కోసం విండోస్ 11 అని పేరు పెట్టాలని భావిస్తున్నారు. 

 మైక్రోసాఫ్ట్ సీఈఓ, చైర్మన్ సత్య నాదెల్ల చీఫ్ ప్రొడక్ట్ ఆఫీసర్ పనోస్ పనాయ్ కొత్త విండోస్ లాంచ్ కార్యక్రమంలో పాల్గొంటారు. ఈ కార్యక్రమం జూన్ 24న రాత్రి 8.30 గంటలకు జరుగుతుంది. ఈ కొత్త ఓ‌ఎస్ లో యూజర్ ఇంటర్‌ఫేస్‌లో చాలా మార్పులు చూడవచ్చు. కొత్త విండోస్  కోడ్ నేం సన్ వ్యాలీ అని సూచించారు.  విండోస్ 8.1 వినియోగదారులకు విండోస్ 11 అప్ డేట్ ఉచితంగా లభిస్తుందని  ఒక నివేదికలో పేర్కొంది. అయితే విండోస్ 11 గురించి పూర్తి వివరాలు తెలుసుకుందాం...
 

ఇన్ఫర్మేషన్ అండ్ ప్రాడక్ట్ కీ 
విండోస్ 11 అప్ డేట్ విండోస్ 10 వినియోగదారులకు మాత్రమే కాకుండా విండోస్ 7 ఇంకా విండోస్ 8.1 వినియోగదారులకు కూడా అందుబాటులో ఉంటుందని ఎక్స్‌డిఎ డెవలపర్స్ నివేదిక పేర్కొంది. మైక్రోసాఫ్ట్ ఒకవేళ నిజంగా ఇలా చేస్తే కొత్త విండోస్ వినియోగదారుల సంఖ్య గణనీయంగా పెరుగుతుంది. ఎక్స్‌డిఎ డెవలపర్స్ నివేదికలో విండోస్ 11  ప్రాడక్ట్ కాన్ఫిగరేషన్ కీలను కూడా ప్రస్తావించింది, దీని ఆధారంగా విండోస్ 7 ఇంకా విండోస్ 8.1 కూడా  అప్ డేట్ పొందుతాయని తెలిపింది.

ఈ అప్‌గ్రేడ్ కోసం విండోస్ 8 యూజర్లు మొదట విండోస్ 8.1 కి అప్‌గ్రేడ్ అవ్వాల్సి ఉంటుందని, ఆ తర్వాతే విండోస్ 11 కి అప్‌డేట్ లభిస్తుందని నివేదిక పేర్కొంది. స్టాట్‌కౌంటర్  డేటా ప్రకారం, విండోస్ 10 తర్వాత ప్రపంచంలో అత్యధికంగా ఉపయోగించే ఆపరేటింగ్ సిస్టమ్ విండోస్ 7. విండోస్ 7 మార్కెట్ వాటా 15.52 శాతం కాగా, విండోస్ 8.1 వాటా  3.44 శాతం, విండోస్ 8 మార్కెట్ వాటా 1.27 శాతం.

విండోస్ 11లో ప్రత్యేకత ఏమిటి
విండోస్ 11లో కొత్త  ఐకాన్స్, యానిమేషన్లు, కొత్త స్టార్ట్ మెను, టాస్క్‌బార్ లేఅవుట్ చూడవచ్చు. అంతేకాకుండా కొత్త విండోస్‌తో కంపెనీ యాప్‌ను కూడా రి-ఆరెంజ్ చేయవచ్చు, ఇది మల్టీ మానిటర్ల నుండి ప్రయోజనం పొందుతుంది. ఇంకా ఎక్స్‌బాక్స్ ఆటో హెచ్‌డిఆర్ సపోర్ట్, బ్లూటూత్ ఆడియోను ఇందులో మెరుగుపరచవచ్చు. మైక్రోసాఫ్ట్ కొత్త యాప్ స్టోర్‌పై  కూడా పనిచేస్తోంది. 

ఈసారి కంపెనీ క్లౌడ్ బేస్డ్ విండోస్‌ను ప్రవేశపెట్టవచ్చని  చెబుతున్నారు. దీని  పెద్ద ప్రయోజనం ఏమిటంటే సంస్థ  ఈ సర్వీస్ చందా ఆధారితంగా ఉంటుంది, దీని వలన చాలా లాభం ఉంటుంది.
 

అంతేకాకుండా క్లౌడ్ బేస్డ్ కావడంతో మైక్రోసాఫ్ట్ ఆఫీస్ అండ్ ఎక్స్‌బాక్స్ వంటి గేమ్స్ తో ఎటువంటి సమస్య ఉండదు. మూడవ ప్రయోజనం ఏమిటంటే కంపెనీ  అజూర్ క్లౌడ్ కంప్యూటింగ్ ప్లాట్‌ఫామ్‌ను బాగా ఉపయోగించుకోగలుగుతుంది.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి