జియో ఫోన్ నెక్స్ట్ కి పోటీగా శామ్‌సంగ్.. దేనిలో బ్బెస్ట్ ఫీచర్స్ ఉన్నాయంటే ?

మీరు ఈ‌ఎం‌ఐలో ఫోన్‌ను కొనుగోలు చేస్తే రీఛార్జ్ చేయవలసిన అవసరం లేదు, ఎందుకంటే రీఛార్జ్ ప్లాన్ ఈ‌ఎం‌ఐ మొత్తంలో  కలిపి ఉంటుంది. తాజాగా శామ్‌సంగ్ ఇండియా  కొత్త స్మార్ట్‌ఫోన్ శామ్‌సంగ్ గెలాక్సీ ఏ03 కోర్‌ని భారతీయ మార్కెట్లో విడుదల చేసింది, అయితే ఈ ఫోన్ జియో ఫోన్ నెక్స్ట్‌కి పోటీగా తీసుకొచ్చారు. గెలాక్సీ  ఏ03 కోర్ ధర రూ. 7,999 మరోవైపు జియో ఫోన్ నెక్స్ట్ ధర రూ. 6,499. ఈ రెండు ఫోన్‌ల ధరలో రూ.1,500 తేడా ఉంది. అయితే మీరు ఏ ఫోన్ కొనుగోలు చేయాలో ఏ ఫోన్ బెస్ట్ డీల్ అవుతుందో చూద్దాం..
 

జియో ఫోన్ నెక్స్ట్ vs శామ్‌సంగ్ గెలాక్సీ ఏ03 కోర్: స్పెసిఫికేషన్‌లు

శామ్‌సంగ్ గెలాక్సీ ఏ03 కోర్ HD+ రిజల్యూషన్‌తో 6.5-అంగుళాల ఇన్ఫినిటీ  V డిస్‌ప్లే, Unisoc SC9863A ప్రాసెసర్, 2జి‌బి ర్యామ్, 32జి‌బి స్టోరేజ్‌ని పొందుతుంది, అలాగే 1టి‌బి వరకు స్టోరేజ్ విస్తరించుకోవచ్చు. ఈ ఫోన్ ఆండ్రాయిడ్ గో ఎడిషన్‌తో పరిచయం చేసింది.

జియో ఫోన్ నెక్స్ట్ ఫోన్ గొరిల్లా గ్లాస్ 3 రక్షణతో 5.45-అంగుళాల HD+ డిస్‌ప్లే, Qualcomm Quadcore QM 215 ప్రాసెసర్, 2 జి‌బి ర్యామ్ తో 32జి‌బి స్టోరేజ్ ఉంది, మెమరీ కార్డ్ సహాయంతో 512జి‌బి వరకు పెంచుకొవచ్చు.

 జియో ఫోన్ నెక్స్ట్ vs శామ్‌సంగ్ గెలాక్సీ ఏ03 కోర్: కెమెరా

గెలాక్సీ ఏ03 కోర్ కోసం సింగిల్ బ్యాక్ అండ్  ఫ్రంట్ కెమెరా ఉంది. గెలాక్సీ ఏ03 కోర్ f/2.0 ఎపర్చర్‌తో 8-మెగాపిక్సెల్ బ్యాక్ కెమెరా లభిస్తుంది. ముందువైపు 5 మెగాపిక్సెల్ కెమెరా ఉంటుంది. బ్యాక్ కెమెరాతో ఫ్లాష్ లైట్ అందించారు. 

 జియో ఫోన్ నెక్స్ట్ ఫోన్‌లో 13 మెగాపిక్సెల్ బ్యాక్ కెమెరా అండ్ 8 మెగాపిక్సెల్ ఫ్రంట్ కెమెరా ఉన్నాయి. ఫోన్‌లో డ్యూయల్ సిమ్ సపోర్ట్ ఉంది, దీనిలో నానో సిమ్ సపోర్ట్ అందించారు.

జియో ఫోన్ నెక్స్ట్ vs శామ్‌సంగ్ గెలాక్సీ ఏ03 కోర్: బ్యాటరీ

ఈ శామ్‌సంగ్ ఫోన్ లో 5000mAh బ్యాటరీ ఉంది. ఫోన్‌లో ఫాస్ట్ ఛార్జింగ్ సపోర్ట్ ఉండదు. కనెక్టివిటీ కోసం 4జి ఎల్‌టి‌ఈ, సింగిల్ బ్యాండ్ Wi-Fi 802.11 b/g/n, Wi-Fi డైరెక్ట్, బ్లూటూత్ v4.2, 3.5mm హెడ్‌ఫోన్ జాక్, జి‌పి‌ఎస్, ఛార్జింగ్ పోర్ట్ అండ్ GLONASS ఉన్నాయి.

జియో ఫోన్ నెక్స్ట్ లో 3500mAh బ్యాటరీ  లభిస్తుంది. కనెక్టివిటీ కోసం వై-ఫై, బ్లూటూత్ వంటి ఆప్షన్లు ఉన్నాయి. హాట్‌స్పాట్ సౌకర్యం కూడా కల్పించారు. మొదటి సిమ్ ఇంటర్నెట్ కోసం ఉపయోగించబడుతుంది. రెండవ సిమ్ కాల్స్ చేయడానికి మాత్రమే ఉపయోగించబడుతుంది. సామ్‌సంగ్ ఫోన్‌లలో అలాంటివి లేదు.