ఆపిల్ ఐఫోన్ 14 అండ్ 15 అప్ డేట్.. ఈ ఫీచర్స్ మిమ్మల్ని మరింత ఆకట్టుకుంటాయి..
అమెరికన్ స్మార్ట్ ఫోన్ తయారీ దిగ్గజం ఆపిల్(apple) ఐఫోన్ కొత్త సిరీస్ గురించి ఎన్నో ఊహాగాలను ఇంటర్నెట్ లో వైరల్ అవుతున్నాయి. అయితే ఇంతవరకు ఐఫోన్ (iphone)పెద్ద మెగాపిక్సెల్ కెమెరాను చూడలేదు, కానీ ఇప్పుడు ఆపిల్ మెగాపిక్సెల్ గేమ్లో చేరడానికి ఉన్నట్లు కనిపిస్తోంది.
తాజాగా ఐఫోన్ 14 ఇంకా ఐఫోన్ 15లను 48 మెగాపిక్సెల్ బ్యాక్ కెమెరాతో విడుదల చేయనున్నట్లు సమాచారం. ప్రస్తుతం ఐఫోన్లో 12 మెగాపిక్సెల్ కెమెరా అందుబాటులో ఉంది.
ఐఫోన్ 15 లాంచ్ 2023లో జరగనుంది. ఈ ఫోన్తో పెరిస్కోప్ లెన్స్ కూడా ఇవ్వవచ్చు. ఇంకా కెమెరాలో ఎన్నో కొత్త ఫీచర్లతో కూడా అందించనుంది. ఐఫోన్ 14 కెమెరాను కూడా చాలా మార్పులతో పరిచయం చేయవచ్చు.
ఆపిల్ విశ్లేషకుడు మింగ్-చి కువో రాబోయే ఐఫోన్ గురించి ఈ సమాచారాన్ని అందించారు. ఐఫోన్ 14ను 48 మెగాపిక్సెల్ కెమెరాతో విడుదల చేయనున్నట్లు ఆయన తెలిపారు. ఐఫోన్ 14లో 8కె వీడియో రికార్డింగ్ కూడా అందుబాటులో ఉంటుంది. ప్రస్తుతం ఐఫోన్ 13 సిరీస్లో 4కె వీడియో రికార్డింగ్ సౌకర్యం ఉంది.
ఈ లెన్స్ ఐఫోన్ 14 ప్రో మోడల్లో మాత్రమే అందుబాటులో రానున్నప్పటికి, కొత్త ఐఫోన్ 48 మెగాపిక్సెల్ కెమెరాతో లాంచ్ అవుతుందని విశ్లేషకుడు జెఫ్ పు చెప్పారు. ఇతర మోడల్లు 12-మెగాపిక్సెల్ లెన్స్తో వస్తాయి.
ఆపిల్ ఇటీవల భారతదేశంలో ఐఫోన్ 13 సిరీస్ ట్రయల్ ఉత్పత్తిని ప్రారంభించింది. త్వరలో ఐఫోన్ 13 సిరీస్ వాణిజ్య ఉత్పత్తిని కూడా ప్రారంభం కానుంది. భారతదేశంలో తయారు చేసిన ఐఫోన్ 13 భారతదేశంలో కాకుండా ఇతర దేశాలలో విక్రయించనుంది. ఈ ఫోన్ ఎగుమతులు ఫిబ్రవరి 2022లో ప్రారంభమవుతుంది, అయినప్పటికీ భారతదేశంలో iPhoneని ఉత్పత్తి చేసే Apple లేదా Foxconn ఈ నివేదికపై ఇంకా ఎటువంటి అధికారిక ప్రకటన చేయలేదు.
ఆపిల్ అన్ని మోడల్ ఫోన్లను భారతదేశంలోనే తయారు చేసి ఎగుమతి చేయాలని లక్ష్యంగా పెట్టుకున్నట్లు ఒక నివేదిక పేర్కొంది. ప్రస్తుతం, ఐఫోన్ 13 మోడల్లు 20-30 శాతం మాత్రమే భారతదేశం నుండి ఎగుమతి అవుతున్నాయి.