బంగారు పూత, వజ్రాలు పొదిగిన ప్రపంచంలోనే అత్యంత కాస్ట్లీ ఐఫోన్ ఉపయోగిస్తున్న నీతా అంబానీ..? ఇందులో నిజం ఏంటి..
ప్రపంచంలోనే అత్యంత ధనవంతుడు, బిలియనీర్ ముఖేష్ అంబానీ భార్య నీతా అంబానీ లగ్జరీ లైఫ్ స్టయిల్ కి ప్రసిద్ధి. ఆమె దగ్గర ఎంతో విలువ చేసే చీరలు, హ్యాండ్‌బ్యాగులు, ఆక్సెసోరిస్ ఉన్నాయి. దీనికి తోడు నీతా అంబానీ ప్రపంచంలోనే అత్యంత ఖరీదైన ఐఫోన్‌ను కూడా సొంతం చేసుకున్నట్లు ప్రచారం... అయితే ఇందులో ఎంత వరకు నిజం ఉంది ?
అత్యంత విలాసవంతమైన లైఫ్ స్టయిల్ ఆస్వాదించే బిలియనీర్ ముఖేష్ అంబానీ అతని భార్య నీతా అంబానీ ప్రపంచంలోని అత్యంత రిచ్ బిజినెస్ కపుల్స్ లో ఒకరు. భారతదేశంలోని అత్యంత ఖరీదైన ఇంట్లో నివసించడమే కాకుండా నీతా అంబానీ ప్రపంచంలోనే అత్యంత ఖరీదైన ఐఫోన్‌ను కూడా సొంతం చేసుకున్నట్లు పుకార్లు వచ్చాయి.
నివేదికల ప్రకారం, ముఖేష్ అంబానీ భార్య నీతా అంబానీ ప్రపంచంలోనే అత్యంత ఖరీదైన ఫోన్‌ను ఉపయోగిస్తున్నారు. ఈ ఫోన్ ప్రపంచంలోనే అత్యంత ఖరీదైన యాపిల్ ఐఫోన్. బంగారం పూతతో ఈ ఐఫోన్‌పై వజ్రాలు పొదిగినట్లు సమాచారం.
నీతా అంబానీ ఫోన్ ఫాల్కన్ సూపర్నోవా ఐఫోన్ 6 పింక్ డైమండ్ మొబైల్ అని గతంలో పలు వార్తా నివేదికలు పేర్కొన్నాయి. ఈ ఫోన్ విలువ 48.5 మిలియన్ డాలర్లు, అంటే భారత కరెన్సీలో రూ. 403 కోట్లు అని నివేదికలు చెబుతున్నాయి.
ఫాల్కన్ సూపర్నోవా ఐఫోన్ 6 పింక్ డైమండ్ అనేది కంపెనీ ఫాల్కన్ సూపర్నోవా ద్వారా కస్టమ్-బిల్ట్ చేసిన అత్యంత ఖరీదైన ఐఫోన్. ఈ ఫోన్ 24-క్యారెట్ బంగారం ఇంకా ప్లాటినం పొరతో పూసిన స్టాండర్డ్ ఐఫోన్ 6.
అంతే కాదు, గోల్డ్ ఐఫోన్ వెనుక భాగంలో భారీ పింక్ డైమండ్ పొందుపరచబడింది. దింతో ఫోన్ మరింత ఆకర్షణీయంగా అలాగే కాస్ట్లీ గా కనిపిస్తుంది.
నీతా అంబానీ ప్రపంచంలోనే అత్యంత ఖరీదైన మొబైల్ ఫోన్‌ను ఉపయోగించడం లేదని, ఫాల్కన్ సూపర్నోవా ఐఫోన్ పింక్ డైమండ్ అనేది పుకార్లు, అబద్ధం అని కొన్నాళ్ల క్రితం రిలయన్స్‌ వర్గాలు ధృవీకరించాయి.
ప్రస్తుతం నీతా అంబానీ ఏ ఫోన్‌ని ఉపయోగిస్తుందో వెల్లడించలేదు, అయితే ఆమె ఐఫోన్ లేటెస్ట్ అండ్ అప్ డేటేడ్ వెర్షన్‌ను ఉపయోగిస్తుందని భావిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
