వావ్..అమెజింగ్ : ఒకవేళ ఇది నిజమైతే ఐఫోన్ 14 ఈ ఫీచర్ తో లాంచ్ కావొచ్చు..

అంతేకాకుండా ఐఫోన్ 13 సిరీస్‌తో గరిష్ట స్టోరేజ్ సంబంధించి ఆపిల్ మరో పెద్ద మార్పు చేసింది. ఐఫోన్ 13 సిరీస్‌తో ఆపిల్ 1 టిబి వరకు స్టోరేజ్  ఆప్షన్ ఇచ్చింది, అంటే ఇప్పటి వరకు ఏ ఫోన్‌లలో కూడా అందుబాటులో లేని అత్యధిక స్టోరేజ్ ఆప్షన్.

ఐఫోన్ 13 సిరీస్ సేల్ తరువాత ఇప్పుడు ఐఫోన్ 14 సిరీస్ గురించి వార్తలు రావడం ప్రారంభించాయి. ఐఫోన్ 14 సిరీస్ 2 టి‌బి స్టోరేజ్‌ ఆప్షన్ తో అందిస్తుందని ఒక  కొత్త నివేదికలో పేర్కొనబడింది. టెక్నాలజీ వెబ్‌సైట్ మైడ్రైవర్స్ ఈ విషయాన్ని ఒక నివేదికలో పేర్కొంది. ఐఫోన్ 14 ప్రో మోడల్‌లో మాత్రమే 2 టిబి స్టోరేజ్ అందుబాటులో ఉంటుందని పేర్కొంది.

తాజాగా ఆపిల్ 1 టి‌బి వరకు స్టోరేజ్ ఆప్షన్ ట్రెండ్‌ని ప్రారంభించింది, రానున్న రోజుల్లో ఇతర కంపెనీలు కూడా వాటి స్మార్ట్‌ఫోన్‌లలో ఇంత ఎక్కువ స్టోరేజ్‌తో అందించవచ్చు, అయితే ఇక్కడ ఒక స్మార్ట్‌ఫోన్‌కి ఎందుకు అంత స్టోరేజ్ అవసరం అనే పెద్ద ప్రశ్న వస్తోంది.  ఏంటంటే ? నిజానికి 4కే వీడియో రికార్డింగ్ ఆప్షన్ ఇప్పుడు బడ్జెట్ స్మార్ట్‌ఫోన్‌లలో కూడా అందుబాటులో ఉంది. 

ఐఫోన్ 13 ప్రోలో 30fps కోసం 4కే ProRes రికార్డింగ్‌తో పరిచయం చేశారు, దీనికోసం 256 జి‌బి స్టోరేజ్ ఇచ్చారు. 128 జి‌బి మోడల్‌లో అయితే ఈ ఫీచర్ 30fps వద్ద 1080 పిక్సెల్‌ల ఉంటుంది.  హై క్వాలిటీ వీడియో రికార్డింగ్ కారణంగా స్మార్ట్‌ఫోన్‌లో ఎక్కువ స్టోరేజ్ ఇవ్వబడుతుంది.