అమెజింగ్ క్రేజ్: 40 రోజుల్లో లక్ష మంది ఈ స్మార్ట్‌వాచ్‌ని కొనుగోలు చేశారు.. రికార్డు బ్రేకింగ్..
ఇండియాలో వేరబుల్స్ మార్కెట్ (wearbles market)వేగంగా వృద్ధి చెందుతోంది. తాజాగా భారతదేశంలో వేరబుల్స్ మార్కెట్ వృద్ధి సంవత్సరానికి 93.8 శాతంగా పెరుగుతోందని ఒక నివేదిక తెలిపింది. సెప్టెంబరు 2021లోనే 10 మిలియన్ ధరించగలిగే గాడ్జెట్‌లు(gadgets) అమ్ముడయ్యాయి.
)
Followఇప్పుడు రియల్ మీ ఇండియాకు చెందిన టెక్ లైఫ్ బ్రాండ్ డిజో సరికొత్త రికార్డు సృష్టించింది. కేవలం 40 రోజుల్లోనే లక్ష మంది డిజో వాచ్ 2 (DIZO Watch 2)ని కొనుగోలు చేశారు. స్మార్ట్‌వాచ్ చరిత్రలో ఒకే మోడల్‌కు ఇదే అతిపెద్ద విక్రయాల రికార్డుగా పేర్కొంది.
)
రియల్ మీ(real me) టెక్‌లైఫ్ బ్రాండ్ డిజో ఈ ఏడాది సెప్టెంబర్‌లో డిజో వాచ్ ప్రోతో పాటు డిజో వాచ్ 2ని భారతదేశంలో ప్రవేశపెట్టింది. రియల్ మీ డిజో వాచ్ 2 ధర రూ. 2,999, అయితే లాంచింగ్ ఆఫర్ కింద రూ. 1,999కి విక్రయించింది. ఇప్పుడు ఎం‌ఆర్‌పి ధరకే విక్రయిస్తున్నారు. రియల్ మీ డిజో వాచ్ 2ని క్లాసిక్ బ్లాక్, గోల్డెన్ పింక్, ఐవరీ వైట్, సిల్వర్ గ్రే కలర్ ఆప్షన్‌లలో కొనుగోలు చేయవచ్చు.
రియల్ మీ డిజో వాచ్ 2 స్పెసిఫికేషన్లు
రియల్ మీ(real me) డిజో వాచ్ 2లో 600 నిట్స్ బ్రైట్ నెస్, 1.69-అంగుళాల డిస్ ప్లే ఉంటుంది. డిస్ప్లేలో 2.5డి గ్లాస్ ఇచ్చారు. దానితో పాటు 20ఎం‌ఎం పట్టీ వస్తుంది. వాచ్ బరువు 52 గ్రాములు. దీనిలో కస్టమైజబుల్ 100 డైనమిక్ ఫెసెస్ ఉంటాయి. సైక్లింగ్, వాకింగ్, రన్నింగ్ వంటి 15 స్పోర్ట్స్ మోడ్‌లు వాచ్‌తో వస్తాయి.
డిజో వాచ్ 2 ని డిజో యాప్‌(dizo app)తో పేర్ చేయవచ్చు,అయితే పేర్ చేసే ముందు ఈ వాచ్ ని రియల్ మీ లింక్ ద్వారా చేయాల్సి ఉంటుంది. 24x7 హార్ట్ రేట్ మానిటర్ తో స్లీప్ ట్రాకింగ్, SpO2 ట్రాకర్ వాచ్‌తో అందుబాటులో ఉంటాయి. ఈ వాచ్‌లో మెన్సురేషన్ ట్రాకర్ కూడా ఉంది ఇంకా బ్రీతింగ్ గైడ్ కూడా ఇచ్చారు. వాచ్ ద్వారా మ్యూజిక్ కాకుండా ఫోన్ కెమెరాను కూడా కంట్రోల్ చేయవచ్చు. డిజో వాచ్ 2 5ATM రేట్ పొందింది ఇంకా 10 రోజుల క్లెయిమ్ బ్యాకప్‌తో 260mAh బ్యాటరీని అందించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
