5జి స్మార్ట్ ఫోన్స్ వచ్చేస్తున్నాయి.. 20వేలలోపు ఉన్న బెస్ట్ బడ్జెట్ స్మార్ట్‌ఫోన్స్ ఇవే..

భారతదేశంలో 5జి స్మార్ట్‌ఫోన్‌ల క్రేజ్ ఎంత వేగంగా పెరుగుతోందంటే ఒక సంవత్సరం క్రితం భారతదేశంలో 5జి స్మార్ట్‌ఫోన్‌ల ధర రూ. 40,000 పరిధిలో ఉండేది, కానీ ఇప్పుడు రూ .16వేలకి పెరిగింది. 

లావా అండ్ మైక్రోమ్యాక్స్ వంటి దేశీయ కంపెనీలు మినహా అన్ని కంపెనీలు 5జి స్మార్ట్‌ఫోన్‌లను మార్కెట్‌లో ప్రవేశపెట్టాయి, అయితే 5జి నెట్‌వర్క్ భారతదేశంలో వాణిజ్యపరంగా ఇంకా ప్రారంభించలేదు. మీరు కూడా 5జి అంటే ఫ్యూచర్ రెడీ స్మార్ట్‌ఫోన్ కొనాలనుకుంటే మీ బడ్జెట్ రూ. 20వేల వరకు ఉంటే ఈ లోపు ఐదు 5జి స్మార్ట్‌ఫోన్‌ల గురించి మీకోసం...

పోకో ఎం3 ప్రొ 5జి

పోకో నుండి వస్తున్న ఈ 5జి ఫోన్ ప్రారంభ ధర రూ .14,499. ప్రస్తుతం ఈ స్మార్ట్ ఫోన్ భారత మార్కెట్లో చౌకైన 5జి స్మార్ట్‌ఫోన్. పోకో ఎం3ప్రో 5జిలో ఆండ్రాయిడ్ 11 ఆధారిత ఎంఐయుఐ 12 ఉంది. ఈ ఫోన్ 1080x2400 పిక్సెల్స్ రిజల్యూషన్‌తో 6.5-అంగుళాల ఫుల్ హెచ్‌డి ప్లస్ డిస్‌ప్లే, డిస్‌ప్లే రిజల్యూషన్ 90Hz, మీడియాటెక్ డైమెన్సిటీ 700 ప్రాసెసర్, 6జి‌బి ర్యామ్, 128జి‌బి వరకు స్టోరేజ్,  కార్నింగ్ గొరిల్లా గ్లాస్ గ్రాఫిక్స్ కోసం మాలి- G57 జి‌పి‌యూ ఇచ్చారు. పోకో ఎం3 ప్రో 5జిలో ట్రిపుల్ రియర్ కెమెరా సెటప్ దీని ప్రైమరీ లెన్స్ 48 మెగాపిక్సెల్స్ ఎపర్చరు f/1.79, రెండవ లెన్స్ 2 మెగాపిక్సెల్ మాక్రో, మూడవ లెన్స్ 2 మెగాపిక్సెల్ డెప్త్ సెన్సార్, సెల్ఫీ కోసం 8 మెగాపిక్సెల్ కెమెరా ఇచ్చారు.

రియల్‌మీ నార్జో 30 5జి

రియల్‌మీ నార్జో 30 5జి 1080x2400 పిక్సెల్‌ల రిజల్యూషన్‌తో 6.5-అంగుళాల ఫుల్ హెచ్‌డి ప్లస్ డిస్‌ప్లే, రిఫ్రెష్ రేట్ 90Hz, మీడియాటెక్ డైమెన్సిటీ 700 ప్రాసెసర్, గ్రాఫిక్స్ కోసం ఏ‌ఆర్‌ఎం Mali-G57 MC2 జి‌పి‌యూ, 4జి‌బి ర్యామ్, 128జి‌బి స్టోరేజ్, ట్రిపుల్ రియర్ కెమెరా సెటప్, దీని ప్రైమరీ లెన్స్ 48 మెగాపిక్సెల్స్, దీని అపర్చర్ f/1.8 ఫోన్ 5000mAh బ్యాటరీ, 18W క్విక్ ఛార్జ్‌కు సపోర్ట్ చేస్తుంది.

ఒప్పో ఏ53ఎస్ 5జి

ఈ ఒప్పో స్మార్ట్‌ఫోన్ అండ్రాయిడ్ 11 ఆధారిత కలర్ ఓ‌ఎస్ 11.1 పై రన్ అవుతుంది. 6.52-అంగుళాల హెచ్‌డి ప్లస్ ఎల్‌సి‌డి డిస్‌ప్లే, మీడియాటెక్ డైమెన్సిటీ 700 ప్రాసెసర్ 8జి‌బి ర్యామ్, 128జి‌బి స్టోరేజ్, ఇంటర్నల్ మెమరీ కార్డ్ సహాయంతో 1టి‌బి  వరకు పెంచుకోవచ్చు. ఫోటోగ్రఫీ పరంగా 13ఎం‌పి ప్రైమరీ కెమెరా, 2ఎం‌పి మాక్రో కెమెరా, 2ఎం‌పి డెప్త్ సెన్సార్ ఇచ్చారు. అలాగే సెల్ఫీ కోసం ముందు భాగంలో 8ఎం‌పి  కెమెరా, 5,000mAh బ్యాటరీ, 10W ఫాస్ట్ ఛార్జింగ్‌కు సపోర్ట్ చేస్తుంది.

రెడ్‌మి నోట్ 10టి 5జి

రెడ్‌మి నోట్ 10టి 5జి 4జి‌బి ర్యామ్, 64జి‌బి స్టోరేజ్ వేరియంట్ ధర ఇప్పుడు రూ .14,999. 6జి‌బి ర్యామ్, 128జి‌బి స్టోరేజ్ మోడల్ ధర రూ .16,999కి పెరిగింది, ఇంతకు ముందు రూ .16,499గా ఉంది. రెడ్‌మి నోట్ 10టి 5జి 6.5 అంగుళాల ఫుల్ హెచ్‌డి ప్లస్ డిస్‌ప్లే, మీడియాటెక్ డైమెన్సిటీ 700 ప్రాసెసర్, 6జి‌బి ర్యామ్, 128జి‌బి వరకు స్టోరేజ్, డిస్‌ప్లే కార్నింగ్ గొరిల్లా గ్లాస్, గ్రాఫిక్స్ కోసం మాలి- G57 జి‌పి‌యూ ఇచ్చారు. రెడ్‌మి నోట్ 10టి 5జిలో ట్రిపుల్ రియర్ కెమెరా సెటప్‌ ఉంది, ఇందులో ప్రైమరీ లెన్స్ 48 మెగాపిక్సెల్స్. కనెక్టివిటీ కోసం డ్యూయల్ సిమ్, 5జి, 4జి, ఎన్‌ఎఫ్‌సి, డ్యూయల్ బ్యాండ్ వై-ఫై, బ్లూటూత్ వి5.1, జి‌పి‌ఎస్, 3.5ఎం‌ఎం ఆడియో జాక్, యూ‌ఎస్‌బి టైప్-సి పోర్ట్,  5000mAh బ్యాటరీ, 18W ఫాస్ట్ ఛార్జింగ్‌కు సప్పోర్ట్ చేస్తుంది. బాక్స్‌లో 22.5W ఛార్జర్ అందుబాటులో ఉంటుంది.

రియల్‌మీ 8 5జి

రియల్‌మీ 8 5జి ప్రారంభ ధర ఇంతకు ముందు రూ .13,999 గా ఉంది, ఇప్పుడు రూ .15,499 కి పెరిగింది. రియల్‌మీ 8 5జిలో అండ్రాయిడ్ 11 ఆధారిత రియల్‌మీ యూ‌ఐ 2.0 ఉంది. అంతే కాకుండా 1080x2400 పిక్సెల్‌ల రిజల్యూషన్‌తో 6.5-అంగుళాల ఫుల్ హెచ్‌డి ప్లస్ డిస్‌ప్లే, రిఫ్రెష్ రేట్ 90Hz, డిస్‌ప్లే కోసం డ్రాగన్‌ట్రెయిల్ గ్లాస్ ప్రొటెక్షన్, ఫోన్‌లో మీడియాటెక్ డైమెన్సిటీ 700 ప్రాసెసర్, ఏ‌ఆర్‌ఎం మాలి- G57 ఎం‌సి2 జి‌పి‌యూ, 8జి‌బి LPDDR4x ర్యామ్ ఉన్నాయి. మీరు వర్చువల్ ర్యామ్ కూడా పొందుతారు.