ఒలింపిక్స్ చరిత్ర‌లో అత్య‌ధిక మెడల్స్ గెలిచిన టాప్-5 అథ్లెట్లు

most Olympic medals winners : యావ‌త్ క్రీడా ప్ర‌పంచం ఎంతో ఆస‌క్తిగా ఎదురుచూస్తున్న పారిస్ ఒలింపిక్స్ 2024 కు స‌ర్వం సిద్ధం చేసింది ఫ్రాన్స్. ఈ మెగా స్పోర్ట్స్ ఈవెంట్ కు పారిస్ వాయవ్య శివారు ప్రాంతమైన కొలోంబెస్ లోని ఈ చారిత్రాత్మక వేదిక 2024 జూలైలో వేదికకావడంతో రెండు ఒలింపిక్ క్రీడలకు ఆతిథ్యం ఇచ్చిన ప్రపంచంలోని అతికొద్ది క్రీడా మైదానాలలో ఒకటిగా చ‌రిత్ర సృష్టించ‌నుంది. 1907 లో నిర్మించిన ఈ స్టేడియం 1924 క్రీడలకు కూడా ప్రధాన వేదికైంది. కాగా, ఒలింపిక్స్ చ‌రిత్ర‌లో అత్య‌ధిక ప‌త‌కాలు సాధించిన అథ్లెట్లను గ‌మ‌నిస్తే.. 

 1. మైఖేల్ ఫెల్ప్స్

ఒలింపిక్స్ చరిత్రలో అత్యధిక పతకాలు సాధించిన అథ్లెట్ మైఖేల్ ఫెల్ప్స్. అమెరికాకు చెందిన ఈ గ్రేట్ స్విమ్మర్ ఒలింపిక్స్ లో స్విమ్మింగ్ లో మొత్తం 28 మెడల్స్ సాధించాడు. ఇందులో 23 బంగారు, 3 వెండి, 2 కంచు పతకాలు ఉన్నాయి. ఇప్పటివరకు 20కి పైగా మెడల్స్ గెలిచిన అథ్లెట్  మైఖేల్ ఫెల్ప్స్ ఒక్కడే కావడం విశేషం. 

2.  లారిసా లాటినినా

ఒలింపిక్స్ చరిత్రలో అత్యధిక పతకాలు గెలిచిన రెండో అథ్లెట్  లారిసా లాటినినా. రష్యాకు చెందిన ఈ స్టార్ అథ్లెట్ జిమ్నాస్టిక్స్ లో మొత్తం 18 ఒలింపిక్ మెడల్స్ గెలుచుకున్నారు. ఇందులో 9 గోల్డ్ మెడల్స్, 5 సిల్వర్ మెడల్స్ ఉన్నాయి. అలాగే, 4 కంచు పతకాలు కూడా సాధించింది. 

3. మారిట్ బ్జోర్గెన్

మారిట్ బ్జోర్గెన్ నార్వే కు చెందిన గ్రేట్ అథ్లెట్. ఈ నార్వేజియన్ క్రాస్ కంట్రీ స్కీయర్ ఒలింపిక్ చ‌రిత్ర‌లో అత్య‌ధిక మెడ‌ల్స్ సాధించిన రెండో మహిళా అథ్లెట్. ఇంటర్నేషనల్ స్కీయింగ్ విభాగంలో మొత్తం 15 ఒలింపిక్ మెడల్స్ గెలుచుకున్నారు. ఇందులో 8 బంగారు పతకాలు, 4 వెండి పతకాలు, 3 కంచు పతకాలు ఉన్నాయి. 

4. నికోలాయ్ ఆండ్రియానోవ్
 
రష్యాకు చెందిన ఈ అథ్లెట్ జిమ్నాస్టిక్స్ లో మొత్తం 15 ఒలింపిక్ మెడల్స్ గెలుచుకున్నాడు. ఇందులో 7 గోల్డ్, 5 సిల్వర్, 3 బ్రాంజ్ మెడల్స్ ఉన్నాయి. 

5. ఓలే ఎయినార్ బ్జోర్ండాలెన్

నార్వేకు చెందిన ఈ స్టార్ అథ్లెట్ ఒలింపిక్ గేమ్స్ చరిత్రలో అత్యధిక మెడల్స్ సాధించిన ఐదో క్రీడాకారుడిగా ఉన్నాడు. బయాథ్లాన్, క్రాస్ కంట్రీ స్కీయింగ్  విభాగంలో మొత్తం 13 ఒలింపిక్ మెడల్స్ గెలుచుకున్నాడు. ఇందులో 8 గోల్డ్ మెడల్స్ ఉన్నాయి. అలాగే, 4 వెండి, ఒక కంచు పతకం కూడా  సాధించాడు.