Ashada Masam: ఆషాఢ మాసంలో చేతులకు గోరింటాకు ఎందుకు పెట్టుకోవాలి..?
హిందూ మతంలో గోరింటాకును అదృష్టం, శ్రేయస్సుకు చిహ్నంగా భావిస్తారు. ఆషాఢ మాసంలో ఈ గోరింటాకు పెట్టడం వల్ల శుభప్రదంగా పరిగణిస్తారు.
ఆషాఢంలో గోరింటాకు..
పదహార అలంకారాలలో చేతులకు గోరింటాకు వాడటం కూడా ఒకటి. చేతులకు గోరింటాకు పెట్టుకోవడం వల్ల ఆనందం, అదృష్టం పెరుగుతుందని నమ్ముతారు. ఈ ఆకు.. ఆకుపచ్చరంగులో ఉంటుంది. ఇది జాతకంలో బుధ గ్రహాన్ని కూడా బలంగా ఉంచుతుందని నమ్ముతారు.ప్రతి పండుగ రోజున, పెళ్లి కాని అమ్మాయిల నుంచి వివాహిత స్త్రీల వరకు అందరూ తమ చేతులు, కాళ్లకు గోరింటాకు పెట్టుకుంటూ ఉంటారు. అయితే, అన్ని నెలల్లో ఆషాఢం పెట్టుకోవడానికి, ఆషాఢ మాసంలో గోరింటాకు పెట్టుకోవడానికి తేడా ఉంది. ఈ ఆకుకీ, ఆషాఢ మాసానికి చాలా దగ్గరి సంబంధం ఉంది.
ఆషాఢ మాసంలో గోరింటాకు పెట్టుకుంటే ఏమౌతుంది?
హిందూ మతంలో గోరింటాకును అదృష్టం, శ్రేయస్సుకు చిహ్నంగా భావిస్తారు. ఆషాఢ మాసంలో ఈ గోరింటాకు పెట్టడం వల్ల శుభప్రదంగా పరిగణిస్తారు. పాజిటివిటీ కూడా పెరుగుతుంది. జీవితంలో ఆనందం తీసుకువస్తుంది. గోరింటాకు చేతులకు ఎంత ఎర్రగా పండితే, అంత ఎక్కువ అదృష్టం లభిస్తుందని నమ్ముతారు.
గ్రహాలతోనూ గోరింటాకుకు సంబంధం...
జోతిష్య శాస్త్రం ప్రకారం, గోరింటాకు కొన్ని గ్రహాలకు సంబంధించినది. దీనిని చేతులకు పెట్టుకోవడం వల్ల గ్రహాల ప్రతి కూల ప్రభావాలను తగ్గించడంలో, పాజిటివ్ ఎనర్జీ పెంచడంలో సహాయపడుతుంది. గోరింటాకును సహజంగా అంగారక గ్రహం, శుక్రుడికి సంబంధించినదిగా పరిగణిస్తారు. ఈ రెండు గ్రహాలు.. జీవితంలో ప్రేమ, పెళ్లి, అందం, సంతోషంతో సంబంధం కలిగి ఉంటాయి.
ఆషాఢ మాసంలో మారే వాతావరణం..
గోరింటాకు కు ప్రతికూల శక్తిని తొలగించి సానుకూల శక్తిని తీసుకువచ్చే శక్తి ఉందని నమ్ముతారు. ఆషాఢ మాసంలో మారుతున్న వాతావరణం కారణంగా, కొంతమంది చిరాకు లేదా ప్రతికూలంగా మారవచ్చు, అటువంటి పరిస్థితిలో, మెహందీ వేసుకోవడం వల్ల మనస్సు ప్రశాంతంగా, సానుకూలంగా ఉంటుంది.ఆషాఢ మాసంలో గోరింటాకు పెట్టుకోవడం వల్ల వివాహిత స్త్రీలకు పిల్లలు పుట్టే అవకాశం ఉంటుందని నమ్ముతారు. వారి వైవాహిక జీవితంలో ప్రేమ, సామరస్యాన్ని కాపాడుతుంది. ఇది భార్యాభర్తల మధ్య సంబంధాన్ని బలోపేతం చేయడంలో కూడా సహాయకరంగా పరిగణిస్తారు. ఈ నెలలో భార్యాభర్తలిద్దరూ గోరింటాకు పెట్టుకుంటే.. వైవాహిక జీవితంలోని కష్టాలు తొలగిపోతాయి.
ఆషాఢ మాసంలో గోరింటాకు పెట్టుకోవడం కూడా శుభప్రదంగా పరిగణిస్తారు. ఎందుకంటే ఈ నెలలో విష్ణువును పూజించే ఆచారం ఉంది. విష్ణువుకు సమర్పించే ఏకైక అలంకరణ మెహందీ. ఇది విష్ణువును సంతోషపరుస్తుంది. విష్ణుమూర్తి ఆశీస్సులు లభిస్తాయి.
ఆషాఢ మాసంలో ఏమి దానం చేయాలి?
ఆషాఢ మాసంలో.. పేదలకు దుస్తులు, అవసరం అయిన వారికి గొడుగు, ఆహార ధాన్యాలు, బెల్లం, ఉప్పు, గోధుమలు, రాగి-కంచు, నీటి కుండ మొదలైన వాటిని దానం గా ఇస్తే.. మంచి జరుగుతుందని నమ్ముతారు.
