Mahashivaratri 2025: మహాశివరాత్రి ఎందుకు జరుపుకుంటారో తెలుసా?

శివుడికి ఎంతో ఇష్టమైన రోజు మహా శివరాత్రి. ఈ పండగను ప్రజలు ఏటా భక్తిశ్రద్ధలతో జరుపుకుంటారు. కానీ శివరాత్రిని ఎందుకు జరుపుకుంటారు. దాని వెనుక కారణాలెంటో చాలామందికి తెలీదు. ఇంతకీ ఈ పండుగను ఎందుకు చేసుకుంటారో ఇక్కడ చూద్దాం.

శివుడికి ఎంతో ప్రీతికరమైన రోజు మహా శివరాత్రి. ఈ పండగను ప్రజలు భక్తిశ్రద్ధలతో జరుపుకుంటారు. ఈ ఏడాది శివరాత్రి ఫిబ్రవరి 26న వస్తుంది. ఆ రోజు శివాలయాలకు వెళ్లి పూజలు చేయడం ఆనవాయితీ. కానీ ఈ పండుగ ఎందుకు చేసుకుంటామో చాలామందికి తెలియదు. మరి మహాశివరాత్రి ఎందుకు జరుపుకుంటున్నాం? కారణాలేంటో ఇక్కడ తెలుసుకుందాం.

రెండు కారణాలు:

ప్రతి ఏటా ఫాల్గుణ మాసం కృష్ణపక్ష చతుర్దశి నాడు మహాశివరాత్రి వస్తుంది. శివుడిని ప్రసన్నం చేసుకోవడానికి ప్రజలు ఉపవాసం ఉంటారు. ఆ రోజు ప్రధాన శివాలయాల్లో భక్తుల రద్దీ ఉంటుంది. మహాశివరాత్రి ఎందుకు జరుపుకుంటారనే దానిపై చాలా నమ్మకాలున్నాయి. ఈ పండుగకు సంబంధించిన రెండు నమ్మకాల గురించి ఇక్కడ తెలుసుకుందాం.

జ్యోతిర్లింగ రూపంలో

శివపురాణం ప్రకారం, ఒకసారి బ్రహ్మ, విష్ణువుల మధ్య ఎవరు గొప్పా? అనే వాదన వచ్చింది. ఈ వాదన జరుగుతుండగా, అక్కడ అగ్ని రూపంలో ఒక పెద్ద శివలింగం ప్రత్యక్షమైంది. ‘ఈ శివలింగం చివరను కనుగొన్నవారే గొప్పవారు’ అని అశరీరవాణి వినిపించింది.

చివరను కనుగొనడానికి విష్ణువు జ్యోతిర్లింగం అడుగు భాగానికి, బ్రహ్మ పైభాగానికి వెళ్లారు. చాలా ఏళ్లు ప్రయత్నించినా ఇద్దరూ జ్యోతిర్లింగం చివరను కనుగొనలేకపోయారు. కానీ విష్ణువుతో బ్రహ్మ అబద్ధం చెప్పాడు. ‘నేను ఈ జ్యోతిర్లింగం చివరను కనుగొన్నాను.’ అని.

శివుడి దర్శనం

అప్పుడు అక్కడ మహాదేవుడు ప్రత్యక్షమై, ‘ఈ జ్యోతిర్లింగం నా రూపం’ అన్నాడు. బ్రహ్మ అబద్ధం చెప్పడంతో శివుడు అతన్ని పూజించకూడదని శపించాడు. సత్యం చెప్పిన విష్ణువును ప్రశంసించాడు.

శివుడు, ‘ఫాల్గుణ మాసం కృష్ణపక్ష చతుర్దశి నాడు నన్ను పూజించేవారికి అకాల మరణ భయం ఉండదు’ అని చెప్పాడు. అప్పటి నుంచి మహాశివరాత్రి జరుపుకుంటున్నారు.

శివ, పార్వతి కల్యాణం

చాలా చోట్ల మహాశివరాత్రిని శివుడు, పార్వతి కల్యాణంగా జరుపుకుంటారు. ఫాల్గుణ మాసం కృష్ణపక్ష చతుర్దశినాడే శివపార్వతుల కల్యాణం జరిగిందని నమ్మకం. ఈ రోజున రాత్రంతా మేలుకొని శివుడిని పూజిస్తే దంపతుల బంధం బలపడుతుంది. కుటుంబంలో ఆనందం, ఆరోగ్యం, ఆర్థిక ప్రగతి, ఐశ్వర్యం కలుగుతాయని నమ్మకం.