21 ముఖాల రుద్రాక్ష గురించి విన్నారా? ధర, లాభాలు తెలిస్తే షాక్ అవుతారు

మీకు తెలుసా.. పరమ శివుడికి ఎంతో ఇష్టమైనవి రుద్రాక్షలు. ఇవి ఆ రుద్రుడి కళ్ల(అక్షాలు) నుంచి ఉద్భవించాయట. అందుకే వీటిని రుద్రాక్షలు అంటారు. ఇవి అనేక రకాల ముఖాలను కలిగి ఉంటాయి. మనందరం ఎక్కువగా పంచముఖి రుద్రాక్షలను ఎక్కువగా చూస్తుంటాం. అయితే 21 ముఖాలున్న రుద్రాక్ష కూడా ఉందని మీకు తెలుసా? ఆ రుద్రాక్ష గురించి మరిన్ని వివరాలు ఇక్కడ తెలుసుకుందాం. 

అత్యంత అరుదైన రుద్రాక్షలలో ఒకటి. దీనికి అద్భుతమైన ఆధ్యాత్మిక, ఔషధ గుణాలు ఉన్నాయి. ఈ రుద్రాక్షను ధరించడం వల్ల అదృష్టం, సంపద, కీర్తి, ఆనందం లభిస్తాయని నమ్ముతారు. అంతేకాక 21 ముఖాల రుద్రాక్ష అనేక శక్తులను కలిగి ఉంటుందని పురాణాల్లో ఉంది. 

* ప్రాతినిధ్యం(Representation)..
21 ముఖాల రుద్రాక్ష కుబేరుడు ప్రతీకగా చెబుతారు. కుబేరుడు సంపద, భౌతిక సౌఖ్యం, ధనాన్ని ప్రసాదిస్తాడు. అంటే ధనాన్ని ప్రసాదించే దేవతకు ప్రతిరూపమని నమ్మకం. అందువల్ల ఈ రుద్రాక్షను ధరించడం ధనం, అదృష్టం, వ్యాపారంలో విజయాలను అందిస్తుందని నమ్ముతారు. దీన్ని ధరించడం వల్ల ధన సంబంధిత ఇబ్బందులు తొలగిపోతాయని భక్తులు నమ్ముతారు. 

* లాభాలు(Benefits)..
* 21 ముఖాల రుద్రాక్ష ప్రధానంగా ధనాన్ని ఆకర్షిస్తుందట. సంపద కలిగించడంలో సహకరిస్తుందని విశ్వాసం. ఇది ఆర్థిక స్థిరత్వాన్ని కల్పిస్తుంది. 
* వ్యాపారంలో విజయం, అభివృద్ధిని కలిగిస్తుంది. వ్యాపార, పెట్టుబడులలో ఆశించిన ఫలితాలను వస్తాయి.
* జీవితంలో ఎదురయ్యే పెద్ద సమస్యలను పరిష్కరించడానికి, స్నేహసంబంధాలు, కుటుంబ సమస్యలను తగ్గించడానికి ఈ రుద్రాక్ష ధరించడం మంచిదని నమ్ముతారు.
* ఇది యోగ సాధకులు, గురువులు, ఆధ్యాత్మిక సాధకులు ధరిస్తే గొప్ప ఆధ్యాత్మిక ప్రగతి సాధించడానికి సహకరిస్తుంది.
* ఈ రుద్రాక్ష ధరించడం శారీరక ఆరోగ్యం మెరుగుపడడంతో పాటు మానసిక ప్రశాంతత లభిస్తుంది. 

* ధారణ విధానం(How to Wear)
* 21 ముఖాల రుద్రాక్ష ధరించే ముందు శుద్ధి చేయాలి. దీన్ని శివుడు లేదా కుబేరుడి ఆశీస్సులతో శుద్ధి చేసి ధరిస్తారు.
* రుద్రాక్షను ధరించేటప్పుడు "ఓం కుబేరాయ నమః" లేదా "ఓం నమః శివాయ" మంత్రాన్ని జపించడం మంచిది. 
* దీనిని సాధారణంగా మెడలో ధరించవచ్చు లేదా చేతికి బ్రాస్‌లెట్‌గా ధరించవచ్చు.

* వెల(Cost)..
21 ముఖాల రుద్రాక్ష చాలా అరుదైనది. కాబట్టి దీని ధర చాలా ఎక్కువగా ఉంటుంది. దీని క్వాలిటీపై ఆధారపడి ధరలు మారుతూ ఉంటాయి. మార్కెట్‌లో సుమారు రూ. 3 లక్షల నుంచి రూ.10 లక్షల వరకు ఈ రుద్రాక్ష ధర ఉంటుంది.

* ముఖ్యమైన జాగ్రత్తలు(Precautions)
21 ముఖాల రుద్రాక్ష ధరిస్తే దాన్ని శుభ్రంగా ఉంచాలి. దాన్ని శుద్ధి చేసిన తరువాత మాత్రమే ధరించాలి. ప్రతి రోజూ ధరించడం వల్ల దీని శక్తిని ఉపయోగించవచ్చు. రుద్రాక్షను ధరిస్తున్నప్పుడు మానసిక, శారీరక, ఆహార నియమాలు పాటించడం శ్రేయస్కరం. పాటించకపోయినా ఎటువంటి దోషాలు ఉండవు. అయితే నిష్ఠగా ఉండటం వల్ల రుద్రాక్ష పవర్‌ను సరిగ్గా ఉపయోగించుకోగలుగుతాం. 

రుద్రాక్ష చెట్లు ఎక్కడ ఉంటాయి..
భారతదేశంలో రుద్రాక్ష చెట్లు ప్రధానంగా  హిమాలయ పర్వత ప్రాంతాలు, గంగా నదీ పరివాహక ప్రాంతాలలో కనిపిస్తాయి. అంతేకాకుండా నేపాల్, ఉత్తరాఖండ్, హిమాచల్ ప్రదేశ్, సిక్కిం, అస్సాం ప్రాంతాలలో విస్తృతంగా లభిస్తాయి. ప్రపంచంలో ఉత్తమ రుద్రాక్షలు నేపాల్‌ ప్రాంతంలో లభిస్తాయి. హరిద్వార్, రిషికేష్ ప్రాంతాల్లో రుద్రాక్ష చెట్లు కనిపిస్తాయి. దక్షిణ భారతదేశంలో కేరళ, కర్ణాటక వంటి రాష్ట్రాల్లో కొన్ని రుద్రాక్ష చెట్లు ఉన్నాయి. రుద్రాక్ష చెట్లు సాధారణంగా 3,000 మీటర్ల ఎత్తు వరకు ఉన్న పర్వత ప్రాంతాలలో, తక్కువ ఉష్ణోగ్రతలు ఉన్న ప్రాంతాల్లో పెరుగుతాయి.

* ఏ కోరికైనా నెరవేరడానికి 21 ముఖాల రుద్రాక్ష
సకల శుభకార్యాలు, ధనసమృద్ధి, ఆరోగ్యం, మానసిక ప్రశాంతత, ఆధ్యాత్మిక పరిణితి అందించే దివ్యమైన రుద్రాక్ష 21 ముఖాల రుద్రాక్ష. ఇది అధికంగా వ్యాపారవేత్తలు, ఆధ్యాత్మిక సాధకులు ధరిస్తుంటారు.