హెల్త్ సెంటర్ లో మహిళా ఉద్యోగుల మందు పార్టీ.. వైరల్
బెలగామ్ జిల్లా గోకాక్ తాలుకాలోని సింధికూర్ బేటా గ్రామంలో ఈ ప్రాథమిక ఆరోగ్య కేంద్రం ఉంది.
అదొక ప్రాథమిక ఆరోగ్య కేంద్రం. అనారోగ్యంతో వచ్చే వారికి వైద్యం చేయాల్సిన ప్రదేశం. అలాంటి చోట ఇద్దరు మహిళా ఉద్యోగులు మందు పార్టీ చేసుకున్నారు. మందు తాగుతూ.. స్మోకింగ్ చేస్తూ ఎంజాయ్ చేశారు. దీనికి సంబంధించిన ఫోటోలు, వీడియోలు ఇప్పుడు నెట్టింట వైరల్ గా మారాయి.
ఈ సంఘటన కర్ణాటక రాష్ట్రంలోని సిందికూర్ పేట ప్రమైమరీ హెల్త్ కేర్ సెంటర్ లో చోటుచేసుకోగా... ఈ ఘటనకు సంబంధించిన పూర్తి వివరాలు ఇలా ఉన్నాయి.
బెలగామ్ జిల్లా గోకాక్ తాలుకాలోని సింధికూర్ బేటా గ్రామంలో ఈ ప్రాథమిక ఆరోగ్య కేంద్రం ఉంది.
స్టాఫ్ నర్స్ శైలక, కాంటాక్ట్ స్టాఫ్ మెంబర్ మరో యువతితో కలిసి మందు పార్టీ చేసుకున్నారు.
మద్యం సేవిస్తూ.. సిగరేట్ తాగుతూ పార్టీ చేసుకున్నారు.
ఈ ఫోటోలు సోషల్ మీడియాలో వైరల్ అయ్యాయి.
ఈ ప్రాథమిక ఆరోగ్య కేంద్రం 24గంటలు తెరిచే ఉంటుంది. కాగా.. ఆ స్టాఫ్ నర్స్ మద్యం సేవించి వైద్యం అందించినట్లు ఆరోపణలు కూడా వస్తున్నాయి.
కాగా... ఆ ఇద్దరు యువతులపై చర్యలు తీసుకోవాలని స్థానికులు డిమాండ్ చేస్తున్నారు.