Kushinagar Tragedy:ప్రమాదం తర్వాత.. ఖుషీనగర్ లో విషాద ఛాయలు..!

బావి పూజ కోసం కొందరు మహిళలు డప్పులు, మజీరా పట్టుకుని బావి గుట్టపైకి ఎక్కారు. కొంతమంది అమ్మాయిలు కూడా అక్కడికి చేరుకుని సరదాగా గడపడం మొదలుపెట్టారు. 

ఉత్తరప్రదేశ్‌లోని ఖుషీనగర్‌లో బుధవారం రాత్రి హృదయ విదారక ప్రమాదం జరిగింది. ఈ ప్రమాదం తర్వాత.. ఆ గ్రామంలో విషాద ఛాయలు అలుముకున్నాయి. నిన్న మొన్నటి వరకు పెళ్లి ముహూర్తాలు జరిగిన ఇంట ఆడవాళ్ళు డ్యాన్స్, పాటలతో ఆనందోత్సవాలు జరుపుకోగా, నేడు శోకసంద్రం తో నిండి ఉంది.

 ప్రజల కన్నీళ్లు ఆగడం లేదు. వివాహ సన్నాహాల నడుమ పూజా కార్యక్రమంలో మహిళలు బావి గట్టుపై కట్టిన పలకలపై కూర్చున్నట్లు తెలియజేద్దాం. మహిళలు స్లాబ్‌పై నృత్యం చేశారని కొందరు అంటున్నారు. ఆపై స్లాబ్ విరిగిపోవడంతో మహిళలు, బాలికలు బావిలో పడిపోయారు. ఈ ప్రమాదంలో 13 మంది చనిపోయారు. దాదాపు 30 మంది గాయపడ్డారు, వారిలో కొందరి పరిస్థితి విషమంగా ఉంది. మృతుల్లో ఏడాదిన్నర పిల్లల నుంచి వృద్ధ మహిళల వరకు ఉన్నారు. ఖుషీనగర్‌లోని నెబువా నౌరంగియా పోలీస్ స్టేషన్ పరిధిలో రాత్రి 9.30 గంటల ప్రాంతంలో ఈ ప్రమాదం జరిగింది. ఈ ఘటన తర్వాత ఉద్వేగభరితమైన చిత్రాలను మీరూ చూడండి...

పెళ్లి ఆనందం చెల్లాచెదురైన ఆ ఇంటిదే ఈ చిత్రం. అక్కడికక్కడే ఉన్న ప్రజలు తెలిపిన వివరాల ప్రకారం.. పసుపుతో మత్తికోడ్వ ఆచారం చేసేందుకు మహిళలు బయటకు వచ్చారు. దారి పొడవునా ఎక్కువగా డ్యాన్స్ చేసి పాడారు. ఇక్కడ గుడి-బావి మొదలైన వాటికి దారి తీసే ఆచారం జరుగుతుంది. తద్వారా ఊరేగింపు ఆటంకాలు లేకుండా అమ్మాయి ఇంటికి చేరుకుంటుంది. అయితే ఈ ఆచారం ప్రమాదానికి కారణమైంది.

బావి పూజ కోసం కొందరు మహిళలు డప్పులు, మజీరా పట్టుకుని బావి గుట్టపైకి ఎక్కారు. కొంతమంది అమ్మాయిలు కూడా అక్కడికి చేరుకుని సరదాగా గడపడం మొదలుపెట్టారు. ఎక్కువ బరువు పడటంతో  బావి స్లాబ్  నేల మట్టమైంది. ఆ సమయంలో 35 మంది స్లాబ్‌పై ఉండటం గమనార్హం.ఈ బరువును భరించలేక స్లాబ్ విరిగిపోయింది.

ఈ ప్రమాదంలో స్లాబ్ విరిగిపోవడంతో 25 మంది మహిళలు బావిలో పడిపోయారు. కొందరు అమ్మాయిలు, మహిళలు వెంటనే కిందకు దూకేశారు. దీంతో వారు ప్రమాదం నుంచి బయటపడ్డారు.రాత్రి చీకటిగా ఉండడంతో ఎవరికీ ఏమీ కనిపించలేదు. కేకలు విని చుట్టుపక్కల వారు పరుగులు తీసి తాళ్ల సహాయంతో బావిలో దిగారు. 5 మంది అక్కడికక్కడే మృతి చెందారు. 8 మందిని సజీవంగా బయటకు తీశారు కాని వారు ఆసుపత్రికి చేరుకునేలోపే మరణించారు.

ప్రమాదం జరిగిన తర్వాత అంబులెన్స్‌కు 87 సార్లు ఫోన్ చేసినా 2 గంటల తర్వాత వచ్చింది. అయితే అంతకుముందే పోలీసులు ఘటనా స్థలానికి చేరుకుని సహాయక చర్యలు చేపట్టారు. పెళ్లి ఊరేగింపుగా రావాల్సిన ఇల్లు ఇప్పుడు శవాలతో ఉండటం గమనార్హం.

కాగా.. ప్రభుత్వం  మృతుల బంధువులకు నష్టపరిహారం ప్రకటించింది. పీఎం రిలీఫ్ ఫండ్ నుంచి 2-2 లక్షలు, గాయపడిన వారికి 50 వేలు, మృతుల కుటుంబాలకు 2 లక్షలు, జిల్లా నుంచి క్షతగాత్రులకు 50-50 వేలు అందజేస్తారు. 

బావి ప్లాట్‌ఫాం బలహీనంగా ఉందని చెబుతున్నారు. బావి స్లాబ్‌పైకి మహిళలు , పిల్లలను ఎక్కడానికి కూడా ప్రజలు నిషేధించారు, కానీ ఎవరూ పట్టించుకోలేదు.

దీంతో పెళ్లి ఇంట్లో శోకసంద్రం నెలకొంది. పెళ్లి ఏర్పాట్ల మధ్య జరిగిన ఈ ప్రమాదం గ్రామం మొత్తాన్ని విషాదంలో ముంచెత్తింది. పూజా సామాగ్రి వగైరా ఇంట్లో అక్కడక్కడ పడి ఉంది.