ఏడాదికి ఎన్ని గ్యాస్ సిలిండర్లు వాడవచ్చు? అంతకు మించితే పరిస్థితి అంతేనా?

13

LPG Cylinder

ఒకప్పటి కట్టెల పొయ్యి పోయి ఇప్పుడు ప్రతి ఇంటిలో వంట గ్యాస్ వచ్చింది... ధనిక, పేద తేడాలేకుండా ప్రతి కుటుంబం గ్యాస్ సిలిండర్లు వాడుతున్నారు. గ్యాస్ సిలిండర్ వినియోగాన్ని ప్రోత్సహించేందుకు కేంద్ర ప్రభుత్వం ఉజ్వల యోజన పథకాన్ని అమలు చేస్తోంది. అంతేకాదు వంట గ్యాస్ సిలిండర్లపై కేంద్ర, రాష్ట్ర ప్రభుత్వాలు సబ్సిడీ కూడా ఇస్తున్నాయి. దీంతో వంటగ్యాస్ వినియోగం గణనీయంగా పెరిగింది. 

23

ఇలాంటి పరిస్థితుల్లో ఏడాదికి ఎన్ని గ్యాస్ సిలిండర్లు వాడవచ్చు? ఎక్కువగా వాడితే సబ్సిడి లభించదా? అనే అనుమానాలు చాలామందిలో ఉంటాయి. అయితే కొన్ని కంపనీలు ఏడాదికి 15 కంటే ఎక్కువ సిలిండర్లను వాడేవారికి షాక్ ఇస్తున్నాయనే ప్రచారం జరుగుతోంది. 

ఏడాదికి 15 సిలిండర్లు వాడిన వాళ్లు ఆ తర్వాత సిలిండర్ కోసం రిజిస్టర్ చేసుకుందామంటే కుదరడం లేదట.''ప్రియమైన కస్టమర్... మీ వంట గ్యాస్ సిలిండర్ రిజిస్ట్రేషన్ సాధ్యం కాదు... ఎందుకంటే మీరు ఇప్పటికే ఏడాది కోటా 213 కిలోలు వాడేశారు'' అని మెసేజ్ లు వస్తున్నాయట. 

ఇందులో నిజం ఎంతో తెలియదుగానీ గ్యాస్ ను ఎక్కువగా ఉపయోగించేవారికి ఈ ప్రచారం భయపెడుతోంది. గ్యాస్ కంపనీలే ఈ ప్రచారంపై క్లారిటీ ఇవ్వాలి. 

33

 ఇండియాలో చాలా ఇళ్లల్లో నెలకు ఒక సిలిండర్ చొప్పున, కొన్ని ఇళ్లల్లో నెలకు రెండు సిలిండర్ల వరకు కూడా వాడుతున్నారు. నెలకు ఒక సిలిండర్ అంటే ఏడాదికి 12 సిలిండర్లు వాడతారన్నమాట. నెలకు రెండు అంటే ఏఢాదికి 24 సిలిండర్లు అవసరం అవుతాయి. తాజా ప్రచారం ప్రకారం నెలకు ఒక సిలిండర్ వాడితే పర్వాలేదు... రెండు సిలిండర్లు అవసరమయ్యే వారిలోనే ఆందోళన.