ఏంటీ..! సాంబార్ ఇండ్లీ గోవా టూరిజంనే కుప్పకూలుస్తోందా!!

14

Goa Tourism

 సాంబార్ ఇడ్లీ తమిళనాడులో చాలా ఫేమస్ వంటకం. దీన్ని తమిళులు లొట్టలేసుకుంటూ తింటారు. అయితే ఈ ఇడ్లీని దేశం మొత్తానికి పరిచయం చేసారు తమిళులు... ఇప్పుడు ఎక్కడికి వెళ్లినా టిఫిన్ అనగానే ఇడ్లీ పేరు వినిపిస్తోంది. గోవాలో కూడా సాంబార్ ఇడ్లీ హోటల్లు వెలిసాయి. 

అయితే ఇలా ఇడ్లీ సాంబార్ అమ్మడం వల్ల గోవాకు వచ్చే విదేశీ పర్యాటకులు తగ్గిపోయారని అక్కడి బీజేపీ ఎమ్మెల్యే మైఖేల్ లోబో బాంబు పేల్చారు. ఆయన మాటలు ఇప్పుడు సోషల్ మీడియాలో చర్చనీయాంశంగా మారాయి.

24

కలంగుట్ ప్రాంతంలో జరిగిన విలేకరుల సమావేశంలో మైఖేల్ లోబో మాట్లాడుతూ, సముద్ర తీర ప్రాంతాలకు విదేశీ పర్యాటకుల రాక తగ్గితే అందుకు ప్రభుత్వమే బాధ్యత వహించదని అన్నారు. అక్కడి స్థానిక పాలకులు, వ్యాపారులు, ప్రజలే పర్యాటకులు తగ్గడానికి కారణమని అన్నారు. గోవా ప్రజలు తమ సొంత సముద్ర తీర ప్రాంతాలను ఇతర రాష్ట్రాల వారికి అద్దెకు ఇవ్వడం బాధాకరమని లోబో అన్నారు.

34

గోవాలో ఇడ్లీ సాంబార్ వివాదం

బెంగళూరుకు చెందిన వాళ్లు గోవాకు వచ్చి వడ పావ్ అమ్ముతున్నారు. కొందరు ఇక్కడ ఇడ్లీ సాంబార్ అమ్ముతున్నారు. అందుకే గత రెండేళ్లుగా గోవాకు అంతర్జాతీయ పర్యాటకుల రాక తగ్గిందని ఆయన చెప్పారు. ఇలా గోవాలోకి ప్రవేశించిన ఇతర ఆహార పదార్థాలే రాష్ట్రంలో పర్యాటకుల రాకను ప్రభావితం చేసాయని ఎమ్మెల్యే లోబో పేర్కొన్నారు.

ఇప్పుడు విదేశాల నుంచి వచ్చే భారత పర్యటనకు వచ్చేవారు గోవా కంటే ఇతర ప్రాంతాలకు వెళ్లడానికి ఇష్టపడుతున్నారని అన్నారు. గోవా పర్యాటక శాఖతో పాటు ఇక్కడ వ్యాపారం చేసేవాళ్లు విదేశీ పర్యాటకుల రాక తగ్గడానికి కారణం... వీళ్లు ఈ విషయం తెలుసుకోవాలని అన్నారు. 

44

యుద్ధం కారణంగా రష్యా, ఉక్రెయిన్ దేశాల పర్యాటకులు గోవాకు రావడం లేదని... పూర్వపు సోవియట్ యూనియన్ దేశాల పర్యాటకులు కూడా గోవాకు రావడం ఆపేశారని లోబో అన్నారు. ఇక్కడ మనం ఒక వ్యవస్థను ఏర్పాటు చేయకపోతే పర్యాటక రంగం మరింత వెనక్కి పోతుందని లోబో హెచ్చరించారు. అంతేకాదు గోవాలో ఇడ్లీ సాంబార్ అమ్మడం ఆపేయాలని కూడా ఆయన మాట్లాడారు. ఆయన మాటలకు సోషల్ మీడియాలో మిశ్రమ స్పందన వస్తోంది.