రేపు విద్యాసంస్థలకు సెలవు ... ఎందుకో తెలుసా?

బంగాళాఖాతంలో ఏర్పడిన అల్పపీడనం వాయుగుండంగా మారింది. ఇది పశ్చిమ-వాయువ్య దిశగా కదులుతూ తుఫానుగా బలపడే అవకాశం ఉంది. ఈ తుఫానుకు ఫెంగల్ అని పేరు పెట్టారు. ఈ తుఫాను తమిళనాడు తీరానికి చేరుకుంటూ తీర ప్రాంతాల్లో భారీ వర్షాలు కురిపించవచ్చు.

మయిలాడుతురై, తిరువారూర్, నాగపట్నం, కారైకల్ జిల్లాల్లో రానున్న 24 గంటల్లో భారీ వర్ష సూచనతో రెడ్ అలర్ట్ జారీ చేశారు.

తిరువళ్లూర్, కాంచీపురం, చెన్నై, చెంగల్పట్టు, విల్లుపురం, పుదుచ్చేరి, కడలూరు, అరియలూర్, తంజావూర్, పుదుక్కొట్టై, శివగంగ, రామనాథపురం జిల్లాల్లో కూడా భారీ నుంచి అతి భారీ వర్షాలు కురిసే అవకాశం ఉంది. కడలూరు, మయిలాడుతురై జిల్లాల్లో రేపు అత్యంత భారీ వర్షాలు, తిరువళ్లూర్ నుంచి పుదుక్కొట్టై వరకు ఉత్తర తీర జిల్లాల్లో భారీ నుంచి అతి భారీ వర్షాలు కురుస్తాయని వాతావరణ శాఖ హెచ్చరించింది.

కడలూరు జిల్లాలో రేపు భారీ వర్ష సూచనతో రెడ్ అలర్ట్ జారీ చేసారు. ప్రస్తుతం ఈ జిల్లాలో భారీ వర్షం కురుస్తోంది. దీంతో  రేపు జిల్లాలోని అన్ని స్కూళ్లు, కాలేజీలకు సెలవు ప్రకటించారు.

భారీ వర్షాల కారణంగా పుదుచ్చేరి, కారైకల్‌లో కూడా రేపు (బుధవారం) స్కూళ్లు, కాలేజీలకు సెలవులు ప్రకటించారు.