White Hair Problems: చిన్న వయసులోనే జుట్టు తెల్లబడిందా? కారణాలు ఇవే కావొచ్చు..

White Hair Problems: మారుతున్న జీవన శైలీ, చెడు ఆహారపు అలవాట్లు వంటి వివిధ కారణాల వల్ల చిన్నవయసులోనే జుట్టు తెల్లగా మారుతుంది. అయితే కొన్ని చిట్కాలను పాటిస్తే తెల్ల జుట్టు కొన్ని రోజుల్లోనే తిరిగి నల్లగా మారుతుంది.  

White Hair Problems:ఒకప్పుడు తెల్లజుట్టు వయసు మీద పడుతున్న వారిలోనే కనిపించేది. ఇప్పుడు యుక్తవయసు వారు కూడా ఈ తెల్లజుట్టు సమస్యలను ఎదుర్కొంటున్నారు.  దీనికి కారణాలు లేకపోలేదు. మరి ఈ సమస్యను ఎలా అధగమించాలో తెలుసుకుందాం పదండి. 

చిన్నవయసు వారికి కూడా తెల్లజుట్టు ఎందుకు వస్తుంది.. హెయిర్ పిగ్మెంటేషన్ తగ్గితే వెంటనే వెంట్రుకల రంగు మారడం మొదలవుతుంది. అయితే తెల్లజుట్టు రావడానికి ఐదు కారణాలు ఉన్నాయి. అవేంటంటే.. 

జన్యుపరంగా.. చిన్నవయసులోనే తెల్లజుట్టు రావడానికి ఇది కూడా ఒక కారణం కావొచ్చంటున్నారు నిపుణులు. మీ కుంటుంబంలో ఎవరికైనా.. చిన్నవయసులోనే తెల్లవెంట్రుకల సమస్య వచ్చి ఉంటే.. అది మీకు కూడా వచ్చే అవకాశం ఉంది. దీనికి చికిత్సలేదు. ఎందుకంటే ఇది జన్యువుల కారణంగా వచ్చింది కాబట్టి. 

ఒత్తిడి.. ప్రస్తుత కాలంలో ఒత్తిడి కూడా ఒక వ్యాధిగా మారిపోయింది. ఒత్తిడిలేని మనిషి లేడు అనడంలో ఎలాంటి అనుమానం లేదేమో. ఈ ఒత్తిడి కారణంగా నిద్రలేమి సమస్య, అధిక రక్తపోటు, ఆందోళన, ఆకలిలో మార్పులు వంటి ఎన్నో సమస్యలు తలెత్తే అవకాశం ఉంది. ఈ ఒత్తిడి కారణంగా జుట్టు మూల కణాలు బలహీనంగా మారిపోతుంటాయి. దీంతోనే జుట్టు తెల్లబడటం మొదలవుతుందని నిపుణులు చెబుతున్నారు. 

ఆటో ఇమ్యూన్ వ్యాధులు.. ఆటో ఇమ్యూన్ వ్యాధుల మూలంగా కూడా చిన్నవయసులోనే జుట్టు తెల్లబడుతుంది. ఈ ఆటో ఇమ్యూన్ వ్యాధులే బొల్లి లేదా ఆలోపేసియా. ఈ వ్యాధుల కారణంగానే జుట్టు ఇలా తెల్లబడటం మొదలవుతుందని నిపుణులు చెబుతున్నారు. 

బిటమిన్ బి12 లోపం.. మన శరీరంలో విటమిన్ల లోపం ఏర్పడినప్పుడు  కూడా జుట్టు తెల్లబడుతుంది. ముఖ్యంగా విటమిన్ బి12 లోపం వస్తే మాత్రం జుట్టు ఆటోమెటిక్ గా తెల్లగా మారిపోవడం మొదలు పెడుతుంది. ఈ విటమిన్ బి12  జుట్టు పెరుగుదలకు, రంగుకు ఎంతో సహాయపడుతుంది. కాగా ఇది లోపిస్తేనే జుట్టు తెల్లబడుతుంది. 

స్మోకింగ్.. పలు అధ్యయనాల ప్రకారం.. స్మోకింగ్ చేస్తే కూడా జుట్టు తెల్లబడుతుందట. ఎందుకంటే స్మోకింగ్ చేయడం వల్ల సిరలు కుంచించుకుపోతాయి. అలాగే వాటిలో రక్త ప్రవాహం కూడా తగ్గుతుంది. దీంతో జుట్టు మూలాలకు తగినంత పోషణ అందదు. దాంతో జుట్టు తెల్లబడటం మొదలవుతుంది. 

జుట్టు నల్లగా మారాలంటే.. చిన్నవయసులో జుట్టు తెల్లగా మారుతుంటే.. దానికి గల కారణాలను నివారించుకోవాలి. అంటే స్మోకింగ్ మానేయడం, విటమిన్ 12 లోపం జరగకుండా చూసుకుంటే మీ జుట్టు ఆటోమెటిక్ గా తెల్లబడుతుంది. ఈ తెల్లజుట్టును నల్లగా మర్చేందుకు చికిత్స కూడా అందుబాటులో ఉంది.