ఏడిస్తే ఏమౌతుందో తెలిస్తే ఆశ్చర్యపోతారు

కష్టాలొచ్చినప్పుడు, బాధలొచ్చినప్పుడు, ఏమీ చేయలేని నిస్సాహాయ స్థితిలో ఉన్నప్పుడు ఆటోమెటిక్ గా కంట్లోంచి నీళ్లు బయటకు వస్తూనే ఉంటాయి. ఏడుపే ఇందుకు కారణం.  కానీ ఏడిస్తే అసలు ఏమౌతుందని ఎప్పుడైనా ఆలోచించారా? 

crying

సుఖదు:ఖాలు, నవ్వు, ఏడుపు చాలా కామన్. ప్రతి ఒక్కరి జీవితంలో ఇవి ఖచ్చితంగా ఉంటాయి. భావోద్వేగాలకు అనుగుణంగా నవ్వుతాం, ఏడుస్తాం, ఆనందిస్తాం, బాధపడతాం. మనం సంతోషంగా ఉన్నప్పుడు నవ్వుతాం,  బాధైనప్పుడు ఏడుస్తాం. నవ్వు మన మనసును తేలిక పరుస్తే, ఏడుపు మనసులోని దుఃఖాన్ని బయటకు పంపుతుంది. బాధైనప్పుడు ఏడవడం కామన్. కానీ ఈ ఏడుపును ఆపుకోవడం మాత్రం చాలా కష్టం. కొంతమంది ఏడవడానికి సిగ్గుపడుతుంటారు. ముఖ్యంగా మగవారు. మగవారు ఏడవకూడదని ఆడవాళ్లే ఏడవాలని అంటుంటారు. ఆడవాళ్లైనా, మగవారైనా బాధ వచ్చినప్పుడు కంట్లోంచి నీళ్లు రావడం సహజం. 

కానీ కన్నీళ్లు మీ ఆరోగ్యానికి ఎంత మేలు చేస్తాయో తెలుసా? అవును ఏడుపు వల్ల మన ఆరోగ్యానికి ఎన్నో ప్రయోజనాలు కలుగుతాయి. మన శరీరం అనుభూతులకు ప్రతిస్పందించినప్పుడు, కన్నీటి గ్రంథి నుంచి వచ్చే నీటిని ఏడుపు అంటాం. కంట్లోంచి నీళ్లు రావడం వల్ల ఒకటి కాదు రెండు కాదు ఎన్నో ఆరోగ్య ప్రయోజనాలు కలుగుతాయి. ఏడుపు శారీరక, మానసిక ప్రయోజనాలు కలుగుతాయి. 

ఏడుపు వల్ల శరీరానికి కలిగే ప్రయోజాలేంటి? 

మనసును శాంతపరుస్తుంది

ఏడుపు కొంతమందిపై ఓదార్పు ప్రభావాన్ని చూపుతుందని నిపుణులు చెబుతున్నారు. ఎందుకంటే ఇది మీ పారాసింపథెటిక్ నాడీ వ్యవస్థను సక్రియం చేస్తుంది. అలాగే విశ్రాంతి, జీర్ణక్రియ, పునరుద్ధరణను మెరుగుపరుస్తుంది.  కన్నీళ్లు ఎండార్ఫిన్లను విడుదల చేస్తాయి. ఇవి మన శరీరం సహజ నొప్పి నివారణలుగా పనిచేస్తాయి. 

నొప్పి నుండి ఉపశమనం

ఏడుపు తర్వాత మన శరీరం విడుదల చేసే ఎండార్ఫిన్లు శారీరక, భావోద్వేగ నొప్పి నుంచి ఉపశమనం కలిగిస్తాయి. ఏడుపు నొప్పిని తగ్గించుకోవడానికి సహాయపడుతుంది. అలాగే విశ్రాంతిని ప్రోత్సహిస్తుంది. స్ట్రెస్ ను తగ్గిస్తుంది. అందుకే ఎవరైనా నొప్పితో బాధపడుతూ ఏడుస్తుంటే వారిని ఆపకండి. ఎవ్వరైనా ఏడుస్తుంటే ఒంటరిగా ఉండాలని కోరుకుంటారు. 

man crying

మంచి నిద్రకు దోహదం చేస్తుంది.

మనసులోని ఆలోచనలు, బాధలు ఎంత ఎక్కువగా ఉంటే అంత తక్కువ నిద్ర వస్తుంది. బాధలు మనల్ని నిద్రపట్టకుండా చేస్తాయి. కానీ ఏడుపు ఒత్తిడిని తగ్గించి మీరు ప్రశాంతంగా పడుకోవడానికి సహాయపడుతుంది.