మన దేశంలో ఫీజ్‌లో cheapest.. చదువులో best స్కూల్స్ ఇవి..

ప్రైవేటు స్కూళ్లలో భారీ ఫీజులు.. ప్రభుత్వ పాఠశాలల్లో సరిగా పాఠాలు చెబుతారో లేదో అన్న సందేహాలు.. ఈ పరిస్థితుల్లో పిల్లలను ఎక్కడ జాయిన్‌ చేయాలో అని పేరెంట్స్‌ తెగ ఆలోచించేస్తారు. అయితే కార్పొరేట్‌ స్కూళ్లకంటే చాలా బాగా టీచింగ్‌ చేసే ప్రభుత్వ స్కూళ్లు ఉన్నాయని మీకు తెలుసా.. పదండి.. వాటి గురించి తెలుసుకుందాం.. 

దేశవ్యాప్తంగా అనేక కార్పొరేట్‌, ప్రైవేటు స్కూళ్లు ఉన్నప్పటికీ ప్రభుత్వ పరంగా జవహర్‌ నవోదయ, సైనిక్‌ స్కూల్‌, కేంద్రీయ విద్యాలయాలు ఉత్తమమైన చదువు, చక్కని నడవడిక, మంచి అలవాట్లు నేర్పిస్తూ విద్యా బోధన చేస్తున్నారు. ఇక్కడ చదివిన పిల్లలు అన్ని విషయాల్లో టాలెంటెండ్‌గా మారి చదువు పూర్తి చేసుకొని వస్తున్నారు. ఆవిధంగా ఆ పాఠశాలల్లో తరగతులు నిర్వహిస్తున్నారు మరి..

సైనిక్ స్కూల్

సైనిక్‌ స్కూళ్లు ముఖ్యంగా నేషనల్ డిఫెన్స్ అకాడమీ(NDA) , ఇండియన్ నేవల్ అకాడమీ (INA) లో ప్రవేశానికి విద్యార్థులను విద్యాపరంగా, మానసికంగా సిద్ధం చేయడంతో పాటు శారీరకంగా ఫిట్‌గా ఉంచడం సైనిక్ స్కూల్స్ ప్రాథమిక లక్ష్యం. ఇప్పటివరకు ఉన్న సమాచారం మేరకు దేశవ్యాప్తంగా 33 సైనిక్‌ స్కూళ్లు ఉన్నాయి. సీబీఎస్‌సీ సిలబస్‌లో పాఠాలు చెబుతారు. 6 నుంచి 9 వ తరగతిలో చేరడానికి ఏటా ప్రవేశ పరీక్ష నిర్వహిస్తారు. ఈ పాఠశాలలో కనుక మీ పిల్లలకు అడ్మీషన్‌ దొరికితే వారి జీవితం మారిపోయినట్లే. ఎంతో ప్రతిభావంతులుగా చదువు పూర్తి చేసుకొని పిల్లలు తిరిగి వస్తారు అనడంలో అతిశయోక్తి లేదు. 

కేంద్రీయ విద్యాలయం

1963లో కేంద్రీయ విద్యాలయాలను అప్పటి కేంద్ర ప్రభుత్వం దేశవ్యాప్తంగా ఏర్పాటు చేసింది. ముఖ్యంగా ఆర్మీ, రక్షణ వ్యవస్థల్లో పనిచేసే ఉద్యోగుల పిల్లల చదువుల కోసం వీటిని ఏర్పాటుచేసింది. దేశవ్యాప్తంగా 1081 స్కూళ్లు ఉన్నాయి. వీటిని సామాన్య ప్రజల పిల్లలను కూడా చేర్చవచ్చు. ఒక చిన్న ప్రవేశ పరీక్ష నిర్వహిస్తారు. ఎంపికైతే 1నుంచి 12వ తరగతి వరకు నాణ్యమైన విద్య అందిస్తారు. ఇక్కడ 1 నుంచి 8వ తరగతి వరకు ఫ్రీగా చదువు చెబుతారు. 9 నుంచి 12 వరకు నామమాత్రంగా రూ.200, రూ.300, రూ.400 తీసుకుంటారు. ఇక్కడ కనుక మీ పిల్లలను చేర్చితే నాణ్యమైన విద్యతో పాటు ప్రభుత్వ రంగ సంస్థల్లో ఉద్యోగాలు సంపాదించే అవకాశం ఎక్కువ ఉంటుంది. 

జవహర్ నవోదయ విద్యాలయం

గ్రామీణ ప్రాంతాల్లో ఉండే ప్రతిభావంతులైన విద్యార్థులకు నాణ్యమైన విద్యను అందించేందుకు జవహర్ నవోదయ విద్యాలయాలను కేంద్ర ప్రభుత్వం 1986లోనే వీటిని ఏర్పాటు చేసింది. ఈ పాఠశాలలు దేశవ్యాప్తంగా ప్రతి జిల్లాలోనూ ఉన్నాయి. ఒక్క తమిళనాడులోనే జవహర్‌ విద్యాలయాలు లేవు. ఇందులో చేరాలంటే ప్రవేశ పరీక్ష రాయాల్సి ఉంటుంది. సీబీఎస్‌సీ సిలబస్‌ ఉంటుంది. 6 నుంచి 10వ తరగతి వరకు క్లాసులు నిర్వహిస్తారు. 6,7,8 తరగతులు ఫ్రీగా చదువు చెబుతారు. 9,10 తరగతులకు మాత్రం నామ మాత్రంగా 600 ఫీజు తీసుకుంటారు. ఇక్కడ డిజిటల్‌ టెక్నాలజీని ఉపయోగించి స్మార్ట్‌ క్లాసెస్‌ నిర్వహిస్తారు. స్మార్ట్‌బోర్డ్ , ల్యాప్‌టాప్‌లు, టాబ్లెట్‌లు , Wi-Fi కనెక్టివిటీ, పవర్ బ్యాకప్‌తో వినూత్నంగా తరగతులు చెబుతారు. అందువల్ల ఇది మీ పిల్లలకు ఎంతో మంచి స్కూల్‌ అవుతుంది.