బ్రెస్ట్ క్యాన్సర్ కేసులు పెరుగుతున్నయ్.. ఈ జాగ్రత్తలు తీసుకుంటే ప్రమాదం తగ్గుతుంది..
20, 30 ఏండ్ల నుంచే లైఫ్ స్టైల్ లో కొన్ని ఛేంజెస్ చేస్తే రొమ్ము క్యాన్సర్ ప్రమాదాన్ని చాలా వరకు తగ్గించుకోవచ్చంటున్నారు నిపుణులు. అవేంటంటే..
మన వరకు వస్తేనే సమస్య ఎలాంటిదన్న ముచ్చట తెలుస్తుంది. అంతవరకు అదెంత.. చిన్న సమస్యే అని తేలిగ్గా తీసిపారేస్తుంటారు. అందులో రొమ్ము క్యాన్సర్ ఒకటి. ఈ రొమ్ము క్యాన్సర్ ఆడవారికే ఎక్కువగా వస్తుంది. అందుకే ఆడవారు దీని విషయంలో చాలా జాగ్రత్తగా ఉండాలి. కానీ చాలా మంది మనకు వస్తుందా అని కూల్ గా ఉంటారు. తాజా అధ్యయనాల ప్రకారం.. రొమ్ము క్యాన్సర్ 50 ఏండ్ల కంటే ముందే వచ్చే ప్రమాదం ఉంది. వారసత్వంగా వచ్చే క్యాన్సర్ ప్రమాదాన్ని ఏం చేసినా తగ్గించుకోలేం. కానీ జీవన శైలి కారణంగా వచ్చే రొమ్ము క్యాన్సర్ ముప్పు నుంచి తప్పించుకోవచ్చు. ఇందుకోసం 20, 30 ఏండ్ల నుంచే మీ జీవన శైలిలో కొన్ని మార్పులు చేసుకోవాలి. రొమ్ము క్యాన్సర్ వచ్చే ప్రమాదాన్ని తగ్గించడానికి మన లైఫ్ స్టైల్ లో ఎలాంటి మార్పులు చేసుకోవాలో తెలుసుకుందాం..
ఆరోగ్యకరమైన ఆహారం, బరువు
బరువుకు, రొమ్ము క్యాన్సర్ ప్రమాదానికి దగ్గరి సంబంధం ఉందని పలు పరిశోధనలు చెబుతున్నాయి. శరీరంలో కొవ్వు ఎక్కువగా ఉండటం వల్ల కలిగే మంట కణితి పెరుగుదలను ప్రోత్సహిస్తుంది. అలాగే శరీరంలోని క్యాన్సర్ కణాలకు సహాయపడుతుంది కూడా. అందుకే బరువు పెరగకుండా తగిన జాగ్రత్తలు తీసుకోవాలి. ఇందుకోసం తాజా, ఆరోగ్యకరమైన ఆహారాలను తీసుకోవాలి.
తల్లి పాలివ్వడం
పిల్లలకు రెండు సంవత్సరాలకు పైగా పాలివ్వడం వల్ల రొమ్ము క్యాన్సర్ ప్రమాదం స్వల్పంగా తగ్గుతుందని చాలా పరిశోధనలు వెల్లడించాయి. తల్లి పాలివ్వడం వల్ల ప్రతి సంవత్సరం 4.3 శాతం క్యాన్సర్ ప్రమాదం తగ్గుతుందట.
సకాలంలో ప్రసవం
30 సంవత్సరాలకు ముందే ప్రెగ్నెన్సీ, నిర్థీత సమయానికే డెలివరీ వల్ల కూడా చాలా వరకు రొమ్ము క్యాన్సర్ ప్రమాదం తగ్గుతుందని పలు పరిశోధనలు స్పష్టం చేశాయి. సాధారణంగా 30 ఏండ్ల తర్వాత మొదటి బిడ్డకు జన్మనివ్వడం లేదా మొత్తమే గర్భం దాల్చని మహిళలలే రొమ్ము క్యాన్సర్ బారిన ఎక్కువగా పడతారట. సరైన వయసులో గర్భం దాల్చడం, బహుల గర్భధారణలు రొమ్ము క్యాన్సర్ ప్రమాదాన్ని తగ్గిస్తాయని నిపుణులు చెబుతున్నారు.
=
మద్యం, ధూమపానం
అతిగా ఆల్కహాల్ ను తాగడం, స్మోకింగ్ ఎక్కువగా చేయడం వల్ల రొమ్ము క్యాన్సర్ ప్రమాదం చాలా పెరుగుతుందని నిపుణులు చెబుతున్నారు. ఆల్కహాల్ ను తగ్గించే.. స్మోకింగ్ ను మొత్తమే మానేయడం లేదా ఈ రెండు అలవాట్లను పూర్తిగా వదిలేస్తే క్యాన్సర్ వచ్చే ప్రమాదం చాలా వరకు తగ్గుతుంది.
వ్యాయామం
ఒక వ్యక్తి సంపూర్థ శరీరక ఆరోగ్యాన్ని, మానసిక ఆరోగ్యాన్ని వ్యాయామం ద్వారే పొందుతాడు. శారీరక శ్రమ బ్రెస్ట్ క్యాన్సర్ ప్రమాదాన్ని ఎలా తగ్గిస్తుంది..? ఎంత మేరకు తగ్గిస్తుందన్న విషయం స్పష్టంగా తెలియనప్పటికీ.. వ్యాయామం బ్రెస్ట్ క్యాన్సర్ ప్రమాదాన్ని 20 నుంచి 40 శాతం తగ్గిస్తుందని పరిశోధనలు వెల్లడిస్తున్నాయి.