దంతాల గురించి మనకు తెలియని విషయాలు ఇన్ని ఉన్నాయా?
దంతాలు ఏం పని చేస్తాయి? అంటే ఏం చేప్తారు. హా ఏముంది ఫుడ్ ను నమలడానికే కదా అన్నది అంటరు కదా. అది నిజమే. కానీ మన దంతాల గురించి మనకు ఎన్నో విషయాలు తెలియవు. వీటి గురించి తెలుసుకుంటే ముక్కున వేలేసుకోకుండా ఉండలేరు.
teeth
మన దంతాలు మూడు పొరలతో తయారవుతాయన్న ముచ్చట మీకు తెలుసా? అవును ఎనామెల్, డెంటిన్, నరాలతో మన పళ్లు తయారువుతాయి. దంతాల బయటి పొర ఎనామెల్. ఈ ఎనామెల్ ప్రధానంగా ఖనిజాలతో తయారవుతుంది. నిజానికి ఎనామెల్ లో దాదాపు 96% ఖనిజాలు ఉంటాయి. ఇది ఎముక కంటే గట్టిగా ఉంటుంది. అలాగని గట్టివాటిని కొరికారంటే దంతాలు దెబ్బతింటాయి.
దంత ఫలకంలో 300కు పైగా ఎన్నో రకాల జాతుల బ్యాక్టీరియా ఉంటుందన్న ముచ్చట మీకు తెలుసా? అవును ఇది సగటు సంఖ్య మాత్రమే. అంటే ఇంతకంటే ఎక్కువ కూడా ఉండొచ్చు. బ్రష్ చేయడం, ఫ్లోస్ చేయడం, మౌత్ వాష్ తో ఈ బ్యాక్టీరియాను చంపొచ్చు. ఒకవేళ మీరు నోటిని సరిగ్గా క్లీన్ చేయకుంటే మీకు ఎన్నో వ్యాధులు వస్తాయి.
ఈ విషయం తెలిస్తే నవ్వుతారేమో.. వ్యక్తి రోజుకు సగటున 48 సెకన్లు మాత్రమే పళ్లు తోముకోవడానికి సమయాన్ని కేటాయిస్తాడు తెలుసా? అవును మీరు బ్రష్ చేసిన ప్రతిసారీ ఒక గంటపాటు తోముతున్నట్టు అనిపించొచ్చు. కానీ మీరు పళ్లు తోముకోవడానికి గడిపే సమయం మాత్రం కేవలం 48 సెకన్లు మాత్రమేనని తాజా పరిశోధనలో తేలింది. నోరు శుభ్రంగా ఉండాలంటే మాత్రం కనీసం 2 నిమిషాలైనా దంతాలను తోమాలని దంతవైద్యులు సిఫార్సు చేస్తున్నారు.
టూత్ బ్రష్ పై క్యాప్ పెట్టే అలవాటు మీకుందా? అయితే ఇప్పటి నుంచి మార్చుకోండి. ఎందుకంటే తేమతో కూడిన వాతావరణంలో బ్యాక్టీరియా పేరుకుపోతుంది. ఇది ఎన్నో దంత సమస్యలను కలిగిస్తుంది. మీరు మౌత్ వాష్ ఉపయోగిస్తుంటే టూత్ బ్రష్ వెంట్రుకలను అప్పుడప్పుడు మౌత్ వాష్ తో కడగడం మంచిది.
ప్రతి నలుగురు అమెరికన్లలో ముగ్గురికి ఏదో ఒక రకమైన పీరియాంటల్ చిగుళ్ల వ్యాధి ఉందని సర్వేలు వెల్లడిస్తున్నాయి. అంటే యూఎస్ జనాభాలో 75% మందికి ఒక రకమైన చిగుళ్ల చికాకు, రక్తస్రావం వంటి సమస్యలు ఉన్నాయి. 35 ఏండ్లు పైబడిన వారిలో దంతాలు కోల్పోవడానికి చిగుళ్ల వ్యాధే ప్రధాన కారణమంటున్నారు నిపుణులు. కానీ చిగుళ్ల వ్యాధిని నివారించవచ్చు. నియంత్రించవచ్చు.
brushing
మొట్టమొదటి అధికారిక టూత్ బ్రష్ వాణిజ్య ప్రకటన 1938 లో చేయబడింది. 1938కి ముందు ప్రజలు ఏం కొనేవారో మీరు ఆలోచించండి. మొదటి టూత్ పేస్ట్ ను 1908 లో ప్రవేశపెట్టారు. ఇది టూత్ బ్రష్ కంటే 30 సంవత్సరాల ముందు. మరో షాకింగ్ విషయం ఏమిటంటే.. మొదటి టూత్ పేస్ట్ ను అభివృద్ధి చేయడానికి వారికి 17 సంవత్సరాల కాలం పట్టింది.
1948లో చైనాలో గుర్రాలు, పందులు వెంట్రుకలను ఉపయోగించి తొలి టూత్ బ్రష్ ను తయారు చేశారు. రెండో ప్రపంచ యుద్ధం తర్వాత ఎక్కువ మంది జనాలు వాణిజ్య ఉత్పత్తుల వైపు మొగ్గు చూపారు. అందుకే టూత్ బ్రష్ ల గురించి విస్తృతంగా ప్రచారం చేస్తున్నారు.
సగటు స్త్రీ రోజుకు 62 సార్లు నవ్వుతుంది. కానీ సగటు పురుషుడు రోజుకు 8 సార్లు మాత్రమే నవ్వుతాడు తెలుసా? మనం ప్రతిరోజూ నవ్వడానికి ఎన్నో కండరాలను ఉపయోగిస్తాం. మనం నవ్వడానికి తక్కువ కండరాలను, ముఖం తిప్పడానికి ఎక్కువ కండరాలను ఉపయోగిస్తారు.
