ఇమ్యూనిటీ పవర్ తక్కువుంటే లేనిపోని రోగాలొస్తయ్.. ఇది పెరగాలంటే ఈ విటమిన్లను తీసుకోండి
రోగనిరోధక వ్యవస్థ మెరుగ్గా ఉండటానికి ఆరోగ్యకరమైన ఆహారాన్ని తీసుకోవడం చాలా ముఖ్యమంటున్నారు నిపుణులు. అయితే ఇమ్యూనిటీ పవర్ ను పెంచడానికి కొన్ని రకాల పోషకాలు చాలా అవసరపడతాయి. వీటిని ఆహారం ద్వారే తీసుకోవాల్సి ఉంటుంది.
immunity
కోవిడ్ -19 రాకతో రోగనిరోధక శక్తి ప్రాముఖ్యత బాగా పెరిగింది. ఎందుకంటే రోగనిరోధక శక్తి తక్కువగా ఉంటే కరోనా తొందరగా సోకడమే కాదు ఎన్నో అనారోగ్య సమస్యలు కూడా వస్తుంటాయి. రోగనిరోధక వ్యవస్థ సరిగ్గా పనిచేయడానికి ఆరోగ్యకరమైన ఆహారం చాలా అవసరం. అయితే కొన్ని రకాల పోషకాలు ఇమ్యూనిటీని బాగా పెంచుతాయి. అయితే వీటిని ఆహారాల ద్వారే పొందాలి.
పోషకాహారం రోగనిరోధక శక్తిని బలోపేతం చేస్తుందని నిపుణులు చెబుతున్నారు. పోషకాహార లోపం వల్ల రోగనిరోధక శక్తి తగ్గుతుందని ఎన్నో అధ్యయనాలు వెల్లడిస్తున్నాయి. విటమిన్ సి, విటమిన్ డి లేదా జింక్ లు తక్కువగా ఉంటే శరీరంలో మంట పెరుగుతుంది. సంక్రమణ ప్రమాదం పెరుగుతుంది. మీ రోగనిరోధక శక్తిని శారీరక శ్రమ, ఒత్తిడి, వయస్సు వంటివి కూడా మీ రోగనిరోధక ఆరోగ్యాన్ని ప్రభావితం చేస్తాయి. ఇంతకీ రోగనిరోధక శక్తిని ఎలాంటి విటమిన్లు పెంచుతాయో ఇప్పుడు తెలుసుకుందాం..
విటమిన్ సి
రోగనిరోధక వ్యవస్థను మెరుగుపర్చడంలో విటమిన్ సి ఎంతో ఉపయోగపడుతుంది. విటమిన్ సి ఒక శక్తివంతమైన యాంటీఆక్సిడెంట్. ఇది తెల్ల రక్త కణాల ఉత్పత్తిని ప్రోత్సహిస్తుంది. ఇది ఇన్ఫెక్షన్ నుంచి రక్షిస్తుంది. విటమిన్ సి యాంటీఆక్సిడెంట్ స్థాయిలను పెంచుతుంది. అలాగే రక్తపోటును తగ్గిస్తుంది. సయాటికా నుంచి రక్షిస్తుంది. ఇనుము శోషణను మెరుగుపర్చడంతో పాటుగా రోగనిరోధక శక్తిని పెంచడం నుంచి గుండె జబ్బులు, చిత్తవైకల్యం ప్రమాదాన్ని తగ్గించడం వంటి ఎన్నో ఆరోగ్య ప్రయోజనాలను కలిగిస్తుంది.
విటమిన్ ఇ
విటమిన్ ఇ మన శరీరం అంటువ్యాధులతో పోరాడటానికి సహాయపడుతుంది. రోగనిరోధక వ్యవస్థ పనితీరును మెరుగుపరిచే ముఖ్యమైన పోషకాలలో ఇది ఒకటి. ఒక రకమైన తెల్ల రక్త కణాలు మెరుగ్గా పనిచేయడానికి కూడా సహాయపడతాయని పరిశోధనలు చెబుతున్నాయి. బాదం, వేరుశెనగ, విత్తనాలు, పాలకూర, మామిడి, కివి పండ్లలో విటమిన్ ఇ పుష్కలంగా ఉంటుంది.
విటమిన్ ఎ
విటమిన్ ఎ కూడా మన శరీరానికి ఎన్నో విధాలా మేలు చేస్తుంది. విటమిన్ ఎ కడుపు, ప్రేగులు, శ్వాసకోశ వ్యవస్థ, నోరు, చర్మాన్ని ఆరోగ్యంగా ఉంచుతుంది. ఈ విటమిన్ అంటు వ్యాధులతో పోరాడటానికి సహాయపడుతుంది. విటమిన్ ఎ నారింజ, పసుపు, ఆకు కూరలలో కనిపించే బీటా కెరోటిన్ విటమిన్ ఎ కు అద్భుతమైన మూలం. ఇది కళ్లను కూడా ఆరోగ్యంగా ఉంచుతుంది.
zinc
జింక్
జింక్ లో యాంటీ ఇన్ఫ్లమేటరీ, యాంటీఆక్సిడెంట్ లక్షణాలు పుష్కలంగా ఉంటాయి. జింక్ రోగనిరోధక వ్యవస్థ, జీవక్రియకు సహాయపడుతుంది. అలాగే గాయలను తొందరగా నయం చేయడానికి సహాయపడుతుంది. రుచి, వాసన తెలుసుకోవడానికి జింక్ చాలా ముఖ్యమైనది.
ఇనుము
రోగనిరోధక శక్తిని నియంత్రించడానికి ఇనుము ఎంతో సహాయపడుతుందని పరిశోధనలు చెబుతున్నాయి. ఇనుము మన కణాలకు ఆక్సిజన్ ను తీసుకెళ్లడానికి సహాయపడుతుంది. ఇది రోగనిరోధక కణాల పనితీరుకు ముఖ్యమైన ఎంజైమ్. మీ శరీరంలో తగినంత ఇనుము లేకపోతే మీ రక్త నాళాల ద్వారా ఆక్సిజన్ ను తీసుకెళ్లడానికి మీ శరీరం తగినంత హిమోగ్లోబిన్ ను ఉత్పత్తి చేయదు. ఇది రక్తహీనతకు దారితీస్తుంది.