ఇంట్లో చీమలు, దోమలు, బొద్దికలు, ఈగలు ఎక్కువయ్యాయా? ఇలా చేస్తే మీ ఇంట్లో ఇవి ఒక్కటికూడా ఉండవ్

ఇంటిని ఎంత శుభ్రంగా ఉంచుకున్నా ఏదో ఒక మూలన బొద్దింకలు, చీమలు, దోమలు లేదా మరేదైనా పురుగులు ఉంటాయి. కానీ ఇవన్నీ ఎన్నో వ్యాధులకు కారణమవుతాయి. నిజానికి ఇవన్నీ పర్యావరణానికి చాలా అవసరం. కానీ ఇండ్లలో ఉంటే లేనిపోని రోగాలు వస్తాయి. ఇల్లు కూడా నీట్ గాఅనిపించదు. అందులోనూ ఈగలు ఎన్నోరోగాలను మోసుకొస్తాయి. అందుకే వీటిని ఇంట్లోకి రానీయకూడదు.  అందుకే చాలా మంది ఇంట్లో పురుగులు ఉండకుండా పురుగుల మందు పిచికారి చేస్తుంటారు. దీనివల్ల కీటకాలన్నీ పారిపోతాయి. కానీ మన ఆరోగ్యం మాత్రం దెబ్బతింటుంది. 

ఇంట్లో బొద్దింకలు, చీమలు, దోమలు, ఈగలే కాకుండా చెద పురుగులు, బెడ్ బగ్స్ కూడా మనల్ని చాలా ఇబ్బంది పెడుతుంటాయి. పురుగుల మందు పిచికారి చేయకుండా చాలా సింపుల్ గా వీటిని ఇంట్లోనుంచి వెళ్లగొట్టొచ్చు. అదెలాగో ఇప్పుడు తెలుసుకుందాం పదండి. 

వెల్లుల్లి 

ప్రతి ఒక్కరి వంటింట్లో వెల్లుల్లి ఖచ్చితంగా ఉంటుంది. అయితే దీన్ని ఫుడ్ లోనే కాకుండా కీటకాలను తరిమికొట్టడానికి కూడా ఉపయోగించొచచు. 

వెల్లుల్లితో ఏం చేయాలంటే?

1 వెల్లుల్లి రెబ్బ, 1 చిన్న ఉల్లిపాయను తీసుకుని తురమండి. లేదా ప్యూర్ గా తయారు చేయండి. ఇప్పుడు దీంట్లో 1 టీస్పూన్ నల్ల మిరియాల పొడి వేసి బాగా కలపండి. తర్వాత దీంట్లో 1 లీటర్ నీళ్లు పోసి కనీసం 2 గంటల పాటు అలాగే ఉంచండి. 2 గంటల తర్వాత ఈ మిశ్రమాన్ని వడగట్టి స్ప్రే బాటిల్ లో పోయండి. దీంట్లో మీరు కావాలనుకుంటే 1 టీస్పూన్ ఆలివ్ ఆయిల్ ను కూడా కలపొచ్చు. ఇది మీ ఇష్టం. కానీ ఆలివ్ నూనె కొన్ని రకాల కీటకాలపై ఎక్కువ ప్రభావాన్ని చూపుతుంది. ఇప్పుడు ఈ మిశ్రమాన్ని పురుగులున్న ప్రదేశంలో స్ప్రే చేయండి. రాత్రిపూట చల్లి ఉదయాన్నే ఇంటిని  భాగా శుభ్రం చేసుకుంటే సరిపోతుంది. అయితే పిల్లలు ఇక్కడ ఆడుకోకుండా చూడాలి. 
 

ఫుడ్ దగ్గర ఈగలు వాలకుండా ఏం చేయాలి? 

చాలా మటుకు ఈగలు ఫుడ్ దగ్గరే ఎక్కువగా వాలుతుంటాయి. ఇవి వాలకుండా ఉండాలంటే ఒక గాజు గిన్నెలో ఆపిల్ సైడర్ వెనిగర్, 2 టీస్పూన్ల డిష్ వాష్ లిక్విడ్ ను బాగా కలపండి. ఆపిల్ సైడర్ వెనిగర్ ఆపిల్ వాసన వస్తుంది. దీంతో కీటకాలు దాని దగ్గరకు వస్తాయి. అయితే డిష్ వాష్ ద్రవం రసాయనం అవి అక్కడే చనిపోతాయి. ఈ పద్ధతి చాలా ఎఫెక్టీవ్ గా పనిచేస్తుంది. 
 

చీమలు, బొద్దింకలు బయటకు పోవాలంటే? 

ఇంట్లో చీమలు, బొద్దింకలు అంత సులువుగా బయటకు పోవు.  అయితే మీరు వీటిని చాలా సులువుగా బయటకు పోగొట్టే మార్గం ఒకటి ఉంది.బోరాక్స్, బేకింగ్ సోడాతో ఇవి ఇంట్లో ఒక్క క్షణం లేకుండా చేయొచ్చు. ఇందుకోసం బోరాక్స్, బేకింగ్ సోడాను బ్రెడ్ ముక్కలతో మిక్స్ చేసి చీమలు,  బొద్దింకలు ఎక్కువగా వచ్చే ప్రదేశాలలో ఉంచండి. ఇది మనుషులకు ప్రమాదకరం కాదు. కానీ ఇది బొద్దింకలు చనిపోయేలా చేస్తుంది. కానీ ఇది ఇంట్లో ఉన్న పెంపుడు జంతువులకు చాలా ప్రమాదకరం. అందుకే ఇక్కడికి అవి రాకుండా చూసుకోవాలి. 
 

దోమల బెడద 

ఎండాకాలంలో దోమల బెడద ఎక్కువగా ఉంటుంది. అయితే వీటిని ఒక సింపుల్ పద్దతిలో ఇంట్లోకి రాకుండా చేయొచ్చు. ఇందుకోసం మీరు చేయాల్సిందల్లా థాయ్ లెమన్ గ్రాస్ ను నీటిని కలిపి 24 గంటలు అలాగే ఉంచాలి. తర్వాత దీన్ని స్ప్రే బాటిల్లో పోసి ఉపయోగించాలి. అయితే మీరు దీన్ని మీ చేతులు, కాళ్లకు అంటించుకోకూడదు.