ఇంట్లోకి ఈగలు రాకూడదంటే ఏం చేయాలి?

ఇండ్లలో ఈగలు ఉండటం చాలా కామన్. వానాకాలం, చలికాలంతో పోలిస్తే ఎండాకాలంలోనే ఈగలు ఇంట్లోకి ఎక్కువగా వస్తుంటాయి. ఈ ఈగలు తినే ఆహారాలపై వాలుతాయి. ఇంట్లో ఎక్కడ పడితే అక్కడ వాలుతుంటాయి. వీటి వల్ల చిరాకే కాదు ఎన్నో వ్యాధులు కూడా వస్తాయి. ఇవి రాకుండా ఉండేందుకు ఎన్నో చేస్తుంటారు. అయినా ఈగలు రావడం మాత్రం ఆగదు. అసలు ఈగలు రాకుండా ఉండేందుకు ఏం చేయాలో ఇప్పుడు తెలుసుకుందాం పదండి. 
 

ఈగలను తరిమికొట్టే మొక్కలు ఇవి

మన ఆరోగ్యంతో పాటుగా పర్యావరణాన్ని కాపాడే  మొక్కలు, చెట్లు ఎన్నో ఉన్నాయి. కొన్ని మొక్కలతో మనం ఇంట్లోకి ఒక్క ఈగ రాకుండా చేయొచ్చు. అవి ఏమేమి మొక్కలో ఇప్పుడు తెలుసుకుందాం పదండి. 
 

లావెండర్ మొక్క

లావెండర్ మొక్క నుంచి వచ్చే సువాసన చాలా బాగుంటుంది. ఈ వాటన మీ ఇంటికి కూడా ప్రయోజనకరంగా ఉంటుంది. అవును కీటకాలను తరిమికొట్టడంలో ఈ మొక్క చాలా ఎఫెక్టీవ్ గా పనిచేస్తుంది. బాల్కనీలో లావెండర్ మొక్కను నాటితే మీ ఇంట్లోకి ఒక్క ఈగ కూడా రాదు. అలాగే మీ ఇళ్లు కూడా అందంగా కనిపిస్తుంది. 
 

బంతిపూల మొక్క

చాలా మంది గార్డెన్ లో బంతిపూల మొక్కను ఖచ్చితంగా నాటుతుంటారు. బంతిపూలు అందంగా ఉంటాయి. వీటిని దేవుడి పూజకు, ఇంటి అలంకరణకు బాగా ఉపయోగిస్తుంటారు. ఈ పువ్వులు గార్డెన్ ను అందంగా చేయడంతో పాటుగా మనకు ఎన్నో ప్రయోజనాలను కూడా అందిస్తుంది. అవును ఈ మొక్కలుంటే ఆ చుట్టుపక్కలకు ఒక్క ఈగా కూడా రాదు. ఈ మొక్కలు కీటకాలను తరిమికొడతాయి. బంతిపూలు ఏడాది పొడవునా పూస్తాయి. 

లెమన్ గ్రాస్

లెమన్ గ్రాస్ ను టీ రుచిని పెంచడానికి ఎక్కువగా ఉపయోగిస్తుంటారు. ఈ మొక్కను పెంచడానిక మీరు పెద్దగా కష్టపడాల్సిన అవసరం లేదు. అలాగే దీనిని తక్కువ స్థలంలో కూడా పెంచొచ్చు. ఈ లెమన్ గ్రాస్ మన ఆరోగ్యానికే కాదు.. కీటకాలను తరిమికొట్టడానికి కూడా ఉపయోగపడుతుంది. ఈ మొక్క ఉంటే మీ ఇంట్లోకి ఈగలు వచ్చే అవకాశమే లేదు. 
 

రోజ్మేరీ

రోజ్మేరీ మొక్కలు దోమలు, ఈగలు, ఇతర కీటకాలను రాకుండా చేయడంలో చాలా ఎఫెక్టీవ్ గా పనిచేస్తాయి. రోజ్మేరీ ఒక మొక్క. దీని వాసన ఈగలు, దోమలు రెండింటినీ ఇంటి నుండి దూరంగా ఉంచుతుంది.