చెవులే లేని పాములు ఎలా వినగలుగుతాయబ్బా? పాముల గురించి ఎవరికీ తెలియని కొన్ని నిజాలు

పాములంటేనే భయపడి చచ్చేవాళ్లు చాలా మందే ఉంటారు. నిజానికి పాములు చాలా విషపూరితమైనవి. కానీ ఇవి ఒక రహస్యమైన, అద్భుతమైన జీవి. పాముల గురించి మనకు తెలియని విషయాలు ఎన్నో ఉన్నాయి. అవేంటో తెలుసుకుందాం పదండి. 

పాములు ఫోన్లలోనే కాకుండా.. రియల్ గా చూసిన వాళ్లు చాలా మంది ఉంటారు. పాములంటే కొంతమందికి  చచ్చేంత భయం ఉంటుంది. ఎందుకంటే ఈ పాము కాటు అంత డేంజర్ కాబట్టి. ప్రపంచ వ్యాప్తంగా ఎంతో మంది పాముకాటుతో చనిపోతున్నారు. నిజానికి పాములు ఊరికే మనుషులను కాటేయవన్నది నిజం.

వాటి దారికి మనం అడ్డుగా వెళితేనే మనపై దాడిచేస్తాయి. అయితే పాములు చిన్న కదలికను కూడా చాలా స్పష్టంగా వినగలుగుతాయి. అందుకే చెవులు బాగా వినిపించే వారిని నీవి పాము చెవులు అని అంటుంటారు. నిజానికి పాములకు చెవులే ఉండవు. ఈ విషయం చాలా మందికి తెలిసి ఉంటుంది.

కానీ అవి శబ్దాలను ఎలా వినగలుగుతాయనేదే పెద్ద ప్రశ్న. అసలు పాములకు ఎలా వినిపిస్తాయో ఇప్పుడు తెలుసుకుందాం పదండి.

పాములు వింటాయా?

నిజానికి పాములకు బాహ్య చెవులు మొత్తమే ఉండవు. కానీ లోపలి చెవులు మాత్రం ఉంటాయట. అందుకే పాములు ప్రతి శబ్ధాన్ని వినగలుగుతాయి. పాముల లోపలి చెవి ధ్వని ప్రకంపనలను గుర్తించగలదు. మానవులు 20 నుంచి 20 వేల హెర్ట్జ్ శబ్దాలను వినగులుగుతారు. అయితే పాములు మాత్రం 200 నుంచి 300 హెర్ట్జ్ శబ్దాలను వినగలుగుతాయి తెలుసా? 

భూమి ప్రకంపనలను వింటాయి

పాములు దవడ ఎముకల ద్వారా భూమి ప్రకంపనలను గుర్తిస్తాయట. పాముల దవడ ఎముక ఈ ప్రకంపనలను లోపలి చెవికి ప్రసారం చేస్తుంది. ఇది ధ్వనిని గుర్తించడానికి సహాయపడుతుంది. మీకు తెలుసా? పాములకు అసలే వినడబడదు. కానీ ఇవి వాటి నాలుకతోనే కమ్యూనికేట్ చేస్తాయి. 

పాము చర్మం ప్రత్యేకం

పాములు తమ చర్మం నుంచే శబ్దాన్ని వినగలుగుతాయి. ఈ శబ్దం వాటి మెదడుకు వెళుతుంది. పాముల్లో ఉండే ఈ గుణాల వల్ల వాటిపై ఎవరు దాడి చేస్తున్నారో అవి ఈజీగా తెలుసుకోగలుగుతాయి. 

అన్ని పాములు గుడ్లు పెట్టవు

అవును.. సరీసృపాలు క్షీరదాల కంటే చాలా భిన్నంగా ఉంటాయన్న సంగతిని స్కూళ్లోనే తెలుసుకుని ఉంటారు. ఎందుకంటే పాములు పిల్లలను కనకుండా గుడ్లు పెడతాయి. ఇది అందరికీ తెలిసిందే. కానీ సుమారు 70% పాములు మాత్రమే గుడ్లు పెడతాయట. మిగతా పాములు గుడ్లను పెట్టవు.

ముఖ్యంగా చల్లని వాతావరణంలో నివసించే పాములు గుడ్లు పెట్టకుండా పిల్లలను కంటాయి.  ఎందుకంటే గుడ్లు చల్లని వాతావరణంలో మనుగడ సాగించవు.

పాములకు కనురెప్పలు ఉండవు

పాములెందుకు అంత భయంకరంగా ఉంటాయని ఎప్పుడైనా ఆలోచించారా?ఇందుకు అసలైన కారణం వాటికి కనురెప్పలు లేకపోవడమే. అవును పాములకు కనురెప్పలు ఉండవు. వీటివల్ల అవి ఎప్పుడూ కళ్లు తెరిచే ఉంచుతాయి. అలాగే నిద్రపోతున్నప్పుడు కూడా వాటి కండ్లు తెరిచే ఉంటాయి.

అయితే వాటి కళ్లను రక్షించడానికి కనురెప్పలు లేకపోవడం వల్ల అవి ప్రతి కంటికి సన్నని పొరను కలిగి ఉంటాయి. ఈ పొరను 'బ్రిల్' అని అంటారు.  జర్మన్ భాషలో దీనికి అద్దాలు అని అర్థం.

snakes

పాములు నాలుకతో వాసన చూస్తాయి

పాములకు కూడా మనుషుల లాగే ముక్కు రంధ్రాలు ఉంటాయి. కానీ అవి వాసన చూడటానికి  ఉపయోగించవు.  పాములు నాలుకతోనే వాసన చూస్తాయి. పాములకు అద్బుతమైన వాసన చూసే లక్షణం ఉంటుంది. అందుకే  "స్టీరియోలో వాసన" అని కూడా వర్ణించబడింది.