మీకు కిడ్నీలో రాళ్లు ఉన్నాయా? అయితే ఈ విషయాలను తెలుసుకోవాల్సిందే..!
బయటకు చూపించలేని బాధ ఇది. దీనివల్ల కలిగే నొప్పి ఎలా ఉంటుందో మాటల్లో చెప్పలేం. ఈ సమస్య ఉన్నవారు ఆహారం విషయంలో చాలా జాగ్రత్తగా ఉండాలి. ఎందుకంటే కొన్ని ఆహారాలు కిడ్నీలో రాళ్లను మరింత ఎక్కువ చేస్తాయి.
మూత్రపిండాల్లో రాళ్ళు తీవ్రమైన నొప్పిని కలిగిస్తాయి. మూత్రంలోని కాల్షియం, ఆక్సలేట్, యూరిక్ ఆమ్లం వంటి కొన్ని పదార్థాలు స్ఫటికాలుగా ఏర్పడతాయి. ఈ స్ఫటికాలు కలిసి రాళ్లుగా ఏర్పడతాయి. మూత్రపిండాల్లో రాళ్ళు చిన్న చిన్న ఇసుక రేణువుల నుంచి కొంచెం పెద్ద సైజు రాళ్ల వరకు ఉంటాయి. ఇవి వెనుక వైపు, దిగువ పొత్తికడుపు లేదా గజ్జలో తీవ్రమైన నొప్పిని కలిగిస్తాయి. అలాగే వికారం, వాంతులను కూడా కలిగిస్తాయి. మూత్రపిండాల్లో రాళ్ళు జన్యుపరంగా, ఆహారం, నిర్జలీకరణం వంటి వివిధ కారణాల వల్ల ఏర్పడతాయి.
మూత్రపిండాల్లో రాళ్లను నివారించడానికి ఉత్తమమైన మార్గాలలో ఒకటి ఆరోగ్యకరమైన ఆహారాన్నే తినడం. అయినప్పటికీ.. ఇప్పటికే మూత్రపిండాల్లో రాళ్ళు ఉన్నవారికి.. భవిష్యత్తులో రాళ్ళు ఏర్పడకుండా ఉండటానికి ఒక నిర్దిష్ట ఆహార ప్రణాళిక అవసరమంటున్నారు నిపుణులు. మూత్రపిండాల్లో రాళ్ళు ఉన్నవారు ప్రతి ఆహారాన్ని మితంగా తినాలి. దీనర్థం వీళ్లు వివిధ రకాల ఆహారాలను కలిగున్న సమతుల్య ఆహారాన్ని తినేలా చూసుకోవాలి.
అలాగే పుష్కలంగా నీటిని, ఇతర హెల్తీ ద్రవాలను తాగుతూ హైడ్రేటెడ్ గా ఉండటం చాలా ముఖ్యం. వేడి వాతావరణంలో నివసిస్తుంటే రోజుకు కనీసం 2 నుంచి 3 లీటర్ల నీటిని తప్పకుండా తాగాలి. పాల ఉత్పత్తులు, ఆకుకూరలు, బలవర్థకమైన ఆహారాల ద్వారా తగినంత మొత్తంలో కాల్షియాన్ని తీసుకోవాలి. ఎందుకంటే తక్కువ కాల్షియాన్ని తీసుకోవడం వల్ల మూత్రంలో ఆక్సలేట్ స్థాయిలు పెరుగుతాయి. ఉప్పు, మాంసాలను ఎక్కువగా తీసుకోకూడదు. పండ్లు, కూరగాయలు, తృణధాన్యాలు, లీన్ ప్రోటీన్ అధికంగా ఉండే ఆహారాన్ని తీసుకోవాలి. ప్రాసెస్ చేసిన ఆహారాలు, శుద్ది చేసిన చక్కెరలు, సంతృప్త కొవ్వులు తక్కువగా ఉండే ఆహారాలనే తినాలి. అప్పుడే కిడ్నీ స్టోన్స్ తొందరగా తగ్గిపోతాయి.
kidney stone
మూత్రపిండాల్లో రాళ్ళు ఉన్నవారు మితంగా తినాల్సి ఉంటుంది. అందులో ఆక్సలేట్లు అధికంగా ఉండే ఆకుకూరలు కూడా ఒకటి. అందుకే బచ్చలికూర, ఉల్లిపాయ వంటి కూరగాయలను పెద్ద మొత్తంలో తినకూడదు. ఎందుకంటే ఇవి మూత్రపిండాల్లో రాళ్ళు ఏర్పడటానికి దారితీస్తాయి. ఈ కూరగాయల నుంచి ఆక్సలేట్ ను సమతుల్యం చేయడానికి వాటితో పాటు పాల ఉత్పత్తులను తీసుకోవాలని నిపుణలు చెబుతున్నారు. పాల ఉత్పత్తుల నుంచి వచ్చే కాల్షియం కూరగాయల నుంచి వచ్చే ఆక్సలేట్లను బంధించగలదు. ఇది రాళ్ళు ఏర్పడే ప్రమాదాన్ని తగ్గిస్తుంది.
కిడ్నీ స్టోన్స్ ఉన్నవాళ్లు తినకూడనిన ఆహారాలు
మూత్రపిండాల్లో రాళ్ళు ఉన్నవారు మాంసాహారం, స్వీట్లు, కెఫిన్ ను ఎక్కువగా తీసుకోకూడదు. రెడ్ మీట్ వంటి మాంసాహారం మూత్రంలో యూరిక్ యాసిడ్ స్థాయిలను పెంచుతుంది. ఇది మూత్రపిండాల్లో రాళ్ళు ఏర్పడటానికి కారణమవుతుంది. స్వీట్లు, కెఫిన్ మూత్రంలో కాల్షియం స్థాయిలను పెంచుతాయి. ఇది మూత్రపిండాల్లో రాళ్ళు ఏర్పడటానికి దారితీస్తుంది.
మూత్రపిండాల్లో రాళ్లున్న వారు ఆల్కహాల్ ను ఎక్కువగా తీసుకోవడం సేఫ్ కాదు. ఎందుకంటే ఆల్కహాల్ శరీరాన్ని నిర్జలీకరణం చేస్తుంది. ఇది మూత్రపిండాల్లో రాళ్ళు ఏర్పడటానికి దారితీస్తుంది. మూత్రం చాలా సాంద్రీకృతమైనప్పుడు .. అది రాళ్ళు ఏర్పడటానికి అనుకూలమైన వాతావరణాన్ని సృష్టిస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
