ఈ విషయం తెలిస్తే క్యాబేజీని తినకుండా అస్సలు ఉండలేరు

పండ్లు, కూరగాయలు మన ఆరోగ్యానికి చాలా చాలా మంచివి. కానీ కొన్ని రకాల కూరగాయలు మాత్రం రుచికి తక్కువగా, ఆరోగ్యానికి ఎక్కువ ప్రయోజనకరంగా ఉంటాయి. అందులో క్యాబేజీ ఒక్కటీ. క్యాబేజీని తినడం వల్ల ఎన్నో అనారోగ్య సమస్యలు తగ్గిపోతాయి.  

క్యాబేజీని ఎన్నో రకాల వంటల్లో ఉపయోగిస్తుంటారు. నూడుల్స్, మంచురియా వంటి వాటిలో ఎక్కువగా వాడుతుంటారు. క్యాబేజీ వల్ల వంటలు టేస్టీగా అవుతాయి. కానీ క్యాబేజీ కూర అంత టేస్టీగా కాదు. కానీ ఇది మన ఆరోగ్యానికి చేసే మేలు అంతా ఇంతా కాదు. ఎందుకంటే దీనిలో యాంటీ ఆక్సిడెంట్లు, యాంటీ ఇన్ఫ్లమేటీరీ లక్షణాలుంటాయి. దీనిలో పీచుపదార్థాలు, రైబోఫ్లేవిన్, ఫోలేట్, విటమిన్ సి, థయామిన్, విటమిన్ బి6, మెగ్నీషియం, నియాసిన్, కాల్షియం, భాస్వరం, ఇనుము, పొటాషియం, జింక్ వంటి పోషకాలు పుష్కలంగా ఉంటాయి. ఇవి ఎన్నో అనారోగ్య సమస్యలను తగ్గిస్తాయి. క్యాబేజీ తినడం వల్ల ఎలాంటి ప్రయోజనాలు కలుగుతాయో ఇప్పుడు తెలుసుకుందాం.. 

క్యాబేజీ ప్రయోజనాలు

క్యాబేజీ మన  ఆరోగ్యానికి ప్రయోజనకరంగా ఉంటుంది. ఈ క్యాబేజీలు ఆకుపచ్చ, ఎరుపు, ఊదా రంగుల్లో ఉంటాయి. ఒక్కో రంగు క్యాబేజీ ప్రత్యేకమైన ఆరోగ్య ప్రయోజనాలను కలిగి ఉంటాయి. 

మధుమేహులకు మంచిది

డయాబెటీస్ పేషెంట్లకు క్యాబేజీ మంచి ప్రయోజనకరంగా ఉంటుంది. ఎందుకంటే క్యాబేజీ ఇన్సులిన్ స్థాయిలను పెంచడానికి, రక్తంలో చక్కెర స్థాయిలను నియంత్రించడానికి సహాయపడుతుంది. క్యాబేజీని తింటే మధుమేహుల రక్తంలో చక్కెర స్థాయిలను పెరిగే అవకాశమే ఉండదు. 

జీర్ణక్రియకు మంచిది

క్యాజేజీ జీర్ణక్రియకు ఎంతో మేలు చేస్తుంది. ఈ కూరగాయలో ఎక్కువ మొత్తంలో ఫైబర్ కంటెంట్ ఉంటుంది. ఇది జీర్ణక్రియ పనితీరును మెరుగుపరుస్తుంది. క్యాబేజీలో పుష్కలంగా ఉండే పాలీఫెనాల్స్, ఆంథోసైనిన్స్ లు జీర్ణ సమస్యలను తగ్గించడానికి సహాయపడుతుంది. 

heart

గుండెకు మేలు

క్యాబేజీ గుండెను ఆరోగ్యంగా ఉంచడానికి కూడా సహాయపడుతుంది. దీనిలో ఉండే యాంటీ ఆక్సిడెంట్లు గుండెను రక్షించడానికి సహాయపడతాయి. క్యాబేజీని తరచుగా తింటే గుండెకు సంబంధించిన వ్యాధులొచ్చే ప్రమాదం చాలా వరకు తగ్గుతుందని నిపుణులు చెబుతున్నారు. గుండె కూడా ఆరోగ్యంగా ఉంటుంది. 

రోగనిరోధక శక్తి పెరుగుతుంది

క్యాబేజీలో విటమిన్ సి పుష్కలంగా ఉంటుంది. ఇది మన శరీర రోగనిరోధక శక్తిని పెంచేందుకు సహాయపడుతుంది. అలాగే ఎన్నో వ్యాధులను పోరాడే శక్తిని ఇస్తుంది. చలికాలంలో క్యాబేజీని తిగడం వల్ల దగ్గు, జలుబువంటి సీజనల్ వ్యాధులు వచ్చే అవకాశం తగ్గుతుంది. 

weight loss

బరువు తగ్గేందుకు సహాయపడుతుంది

క్యాబేజీలో ఉండే గుణాలు బరువు తగ్గడానికి కూడా సహాయపడతాయి. ఈ కూరగాయలో ఉండే ఫైబర్ కంటెంట్ వెయిట్ లాస్ కు ఉపయోగపడుతుంది. దీన్ని తినడం వల్ల ఆకలి నియంత్రణలో ఉంటుంది. అలాగే కడుపు  ఎక్కువ సేపు నిండుగా ఉంటుంది. బరువు తగ్గేందుకు క్యాబేజీని సలాడ్ లో చేర్చుకోవచ్చు.