గ్యాస్ సిలిండర్ ఎక్కువ రోజులు రావాలంటే ఏం చేయాలో తెలుసా?

రోజువారీ జీవితంలో రోజు రోజుకీ నిత్యావసర వస్తువుల ధరలు పెరిగిపోతున్నాయి. ఈ ధరలు పెరుగుతుంటే.. వాటిని కొనడం మధ్యతరగతి ప్రజలకు చాలా కష్టంగా  మారింది. వచ్చే సంపాదనకు ఖర్చులకు పొంతన ఉండటం లేదు. అందుకే.. చాలా మందికి జీవనం  చాలా కష్టంగా మారుతోంది. ఇలా ధరలు పెరుగుతున్న వాటిిలో గ్యాస్ సిలిండర్లు కూడా ఉన్నాయి. చలికాలంలో మనం గ్యాస్ వాడకం కాస్త ఎక్కువగా ఉంటుంది. ఎందుకంటే.. ఈ సమయంలో మనకు వేడి వేడి ఆహారం తినాలనే కోరిక చాలా ఎక్కువగా కలుగుతుంది. ఇది మంచిదే కానీ గ్యాస్ త్వరగా అయిపోతుంది. అలా కాకుండా.. ఎక్కువ రోజులు గ్యాస్ రావాలంటే ఏం చేయాలో ఇప్పుడు చూద్దాం...

ప్రపంచవ్యాప్తంగా పెట్రోలియం ఉత్పత్తులకు డిమాండ్ పెరగడంతో గ్యాస్ సిలిండర్ ధరలు పెరుగుతున్నాయి. ఎంత తక్కువగా వాడినా త్వరగా అయిపోతుందనే భయం గృహిణుల్లో ఉంటుంది. చలికాలంలో గ్యాస్ రెండు నెలలు పైగా రావాలంటే ఏం చేయాలో ఈ కథనంలో తెలుసుకుందాం.

గ్యాస్ ఆదా చేయడానికి గృహిణులు చాలా చిట్కాలు పాటిస్తారు. పప్పు, బియ్యం ముందుగా నానబెట్టడం, ఒకేసారి వంట చేయడం వంటివి. అయినా కొంతమందికి నెలలోనే గ్యాస్ అయిపోతుంది. గ్యాస్ సిలిండర్ ఎక్కువ కాలం ఉండాలంటే కొన్ని చిట్కాలు ఇక్కడ ఇస్తున్నాం...

నానబెట్టి వండండి: ధాన్యాలు ఉడకడానికి ఎక్కువ సమయం పడుతుంది, గ్యాస్ ఎక్కువగా ఖర్చవుతుంది. బియ్యం, పప్పు వంటివి వండే ముందు గంటసేపు నానబెడితే త్వరగా ఉడుకుతాయి. ముఖ్యంగా మంచినీటిలో నానబెడితే పప్పు త్వరగా ఉడుకుతుంది. ఉప్పునీటిలో త్వరగా ఉడకవు.

గ్యాస్ సిలిండర్ ఎక్కువ కాలం ఉండాలంటే ముందుగా గ్యాస్ బర్నర్ శుభ్రంగా ఉంచుకోవాలి. ప్రతి మూడు నెలలకొకసారి బర్నర్ సర్వీసింగ్ చేయించాలి. బర్నర్ శుభ్రంగా ఉందో లేదో మంట రంగు చూసి తెలుసుకోవచ్చు. మంట పసుపు, నారింజ, ఎరుపు రంగులో ఉంటే బర్నర్‌లో సమస్య ఉందని అర్థం. వెంటనే సర్వీసింగ్ చేయించండి. అప్పుడు గ్యాస్ వృధా కాకుండా ఉంటుంది.

ప్రెషర్ కుక్కర్ వాడండి: చలికాలంలో  గ్యాస్ ఆదా చేయడానికి, వంట చేసేటప్పుడు మూత లేని పాత్రలు వాడకుండా ప్రెషర్ కుక్కర్ వాడండి. బియ్యం, పప్పు, కూర త్వరగా ఉడుకుతాయి. గ్యాస్ కూడా తక్కువగా ఖర్చవుతుంది. వంట త్వరగా అయిపోతుంది.

వంట పాత్రలు ఆరబెట్టాలి: సాధారణంగా వంట పాత్రలు పొయ్యి మీద పెట్టే ముందు ఆరబెడతాం. కానీ, కొన్ని గృహిణులు పాత్రలు కడిగిన వెంటనే తడిగా ఉన్నప్పుడే పొయ్యి మీద పెడతారు. తడి పాత్రలు త్వరగా వేడెక్కవు కాబట్టి గ్యాస్ ఎక్కువ ఖర్చవుతుంది. పాత్రలను బాగా తుడిచి ఆరబెట్టిన తర్వాతే పొయ్యి మీద పెట్టండి. వర్షాకాలంలో గ్యాస్ సిలిండర్ ఎక్కువ కాలం ఉంటుంది.

కొంతమంది ఫ్రిజ్ నుండి వస్తువులు తీసి వెంటనే వంటలో వాడతారు. ఇది తప్పు. గ్యాస్ ఎక్కువ ఖర్చవుతుంది. ఫ్రిజ్ నుండి తీసిన వస్తువులను గంటసేపు గది ఉష్ణోగ్రతలో ఉంచి, తర్వాత వంటలో వాడండి.

కొంతమంది పొయ్యిని సన్నని మంట మీద పెట్టి వంట చేస్తారు. చలికాలంలో ఇలా చేయకూడదు. ఉష్ణోగ్రత తక్కువగా ఉండటం వల్ల వంటకు ఎక్కువ సమయం పడుతుంది. గ్యాస్ వృధా అవుతుంది.