జుట్టు చిక్కులు ఎందుకు పడుతుందో తెలుసా? జుట్టు చిక్కు పడొద్దంటే ఇలా చేయండి
కొందరి జుట్టు పదేపదే చిక్కులు పడుతుంది. ఇక ఈ చిక్కులు తీసేటప్పుడు జుట్టంతా ఊడిపోతుంది. అసలు జుట్టు చిక్కులు ఎందుకు పడుతుందంటే?
చాలా మంది జుట్టు చిక్కులు ఎక్కువగా పడుతుంది. జడ అల్లకుండా కొద్దిసేపు వదిలేసినా.. చిక్కులు పడుతుంటుంది. ఈ చిక్కులను తీయడం చాలా కష్టం. ఈ చిక్కుల వల్ల జుట్టు తెగిపోవడంతో పాటుగా రాలుతుంది కూడా. చిక్కులు మరీ ఎక్కువగా పడితే నెత్తి నొప్పి పెడుతుంది. చిక్కులు ఎక్కువగా పడే వారి వెంట్రుకలు మూలాల నుంచి బలహీనంగా మారుతాయి. ఇది జుట్టు రాలడానికి దారితీస్తుంది. అసలు జుట్టు ఎందుకు చిక్కుపడుతుంది? దీన్ని ఎలా తగ్గించుకోవచ్చో ఇప్పుడు తెలుసుకుందాం..
పొడిబారడం, తేమ లేకపోవడం
డ్రైనెస్, నిర్జలీకరణం బారిన పడ్డ జుట్టే ఎక్కువగా చిక్కులు పడుతుంది. మీ జుట్టుకు తేమ లేనప్పుడు బయటి క్యూటికల్ పొర కఠినంగా మారుతుంది. దీనివల్ల వెంట్రుకలు, చిక్కుకున్న జుట్టు మధ్య ఎక్కువ ఘర్షణ ఏర్పడుతుంది. సహజంగా పొడి లేదా దెబ్బతిన్న జుట్టు ఉన్నవారిలో ఇది సర్వ సాధారణం.
ఏం చేయాలి: జుట్టును హైడ్రేట్ గా, తేమగా ఉంచడానికి కండీషనర్, లీవ్-ఇన్ ట్రీట్మెంట్, ఆయిల్ ను ఉపయోగించాలి. డీప్ కండిషనింగ్ చికిత్స జుట్టు తేమను పునరుద్ధరించడానికి పనిచేస్తుంది. ఇది మీ జుట్టును ఆరోగ్యంగా చేయడానికి సహాయపడుతుంది.
పొడవాటి జుట్టు
పొడవాటి జుట్టు మరింత సులభంగా చిక్కులుపడుతుంది. ఎందుకంటే జుట్టు పొడవుగా ఉంటే వెంట్రుకలు ఒకదానితో ఒకటి ముడిపడి చిక్కులు పడతాయి. పొడవాటి జుట్టు చీలిపోయి కింద నుంచి గరుకుగా ఉంటే జుట్టు ఎక్కువగా చిక్కులు పడుతుంది.
hair care
ఏం చేయాలి: డబుల్ హెయిర్ ను తొలగించడానికి, వెంట్రుకల ఆరోగ్యాన్ని కాపాడుకోవడానికి మీ జుట్టును క్రమం తప్పకుండా కత్తిరించండి. అలాగే గేమ్స్ ఆడేటప్పుడు లేదా నిద్రపోతున్నప్పుడు పొడవాటి జుట్టును కట్టండి. ఇది చిక్కులను తగ్గించడానికి సహాయపడుతుంది.
కర్లీ హెయిర్
కర్లీ హెయిర్ చాలా ఈజీగా చిక్కులు పడుతుంది. ఇది చాలా సహజం. కర్లీ హెయిర్ పదేపదే చిక్కులు పడుతుంది. కర్లీ హెయిర్ ను ఎక్కువగా దువ్వకూడదు. వీలైతే జుట్టుకు నూనె రాసుకోవాలి.
curly hair
ఏం చేయాలి: చిక్కులు పడ్డ జుట్టును సున్నితంగా దువ్వాలి. ఇందుకోసం కర్లీ హెయిర్ కోసం ప్రత్యేకంగా రూపొందించిన వెడల్పాటి దంతాల దువ్వెన లేదా బ్రష్ ను ఉపయోగించండి. ఈ చిక్కులు తొందరగా పోవడానికి లీవ్-ఇన్ కండీషనర్ లేదా డీటాంగ్లింగ్ స్ప్రేని వర్తించండి.