ఆడపాదడపా ఉపవాసం మహిళలకు పనిచేయకపోవచ్చు.. దీనివల్ల ఎన్ని ఆరోగ్య సమస్యలొస్తాయో తెలుసా?
అడపాదడపా ఉపవాసం ఉండటం వల్ల బరువు తగ్గుతారని చాలా మంది అనుకుంటారు. ఇది నిజమే అయినప్పటికీ.. దీనివల్ల ఎన్నో అనారోగ్య సమస్యలు వచ్చే ప్రమాదం ఉందని ఆరోగ్య నిపుణులు హెచ్చరిస్తున్నారు.
అందరి శరీరం ఒకేలా ఉండదన్న ముచ్చట అందరికీ తెలుసు. అందుకే అందరికీ అన్ని రకాల ఆహారాలను సానుకూల ప్రభావాలను చూపే అవకాశం లేదంటున్నారు ఆరోగ్య నిపుణులు. ఆడపాదడపా ఉపవాసం గురించి ప్రతి ఒక్కరికీ తెలిసే ఉంటుంది. దీనివల్ల సులువుగా బరువు తగ్గుతారని చాలా మంది దీన్ని ఫాలో అవుతున్నారు. కానీ ఇది అన్ని లింగాలపై సానుకూల ప్రభావం చూపదంటున్నారు నిపుణులు. ముఖ్యంగా ఆడవారికి. అధిక బరువు, ఊబకాయం ఉన్నవారికి ఈ అడపాదడపా ఉపవాసం సానుకూల ఫలితాలను ఇచ్చినప్పటికీ.. దీనిని ఫాలో అయినా ఆడవారికి మాత్రం ఇది ప్రతికూల ఫలితాలను ఇచ్చిందని కనుగొన్నారు. అవేంటో ఇప్పుడు తెలుసుకుందాం..
ఆకలి
అడపాదడపా ఉపవాసం ప్రధాన లోపాలలో ఆకలి ఒకటి. ఇది ఆకలి కోరికలను బాగా పెంచుతుంది. ముఖ్యంగా ఉపవాసం ఉన్న సమయంలో. ఈ ఉపవాసం సమయంలో ఆహారానికి కట్టుబడి ఉండటం కష్టం. దీనివల్ల మీరు అతిగా తింటారు.
పోషక లోపాలు
కొన్ని కాలాల్లో ఆహారాన్ని తీసుకోవడాన్ని పరిమితం చేయడం వల్ల మీ శరీరానికి అవసరమైన అన్ని పోషకాలు అందవు. అందుకే మీరు తీసుకునే ఆహారంలో వివిధ రకాల పోషకాలు ఉండేట్టు చూసుకోవాలి.
శక్తి స్థాయిలు తగ్గడం
అడపాదడపా ఉపవాసం శరీర శక్తి స్థాయిలు తగ్గించడానికి దారితీస్తుంది. ముఖ్యంగా ఉపవాస సమయంలో.. దీనివల్ల సరిగ్గా వ్యాయామం చేయలేరు. ఇతర శారీరక శ్రమలను కూడా చేయలేరు.
అందరికీ తగినది కాదు
అడపాదడపా ఉపవాసం ప్రతి ఒక్కరికీ అనుకూలంగా ఉండకపోవచ్చంటున్నారు నిపుణులు. ముఖ్యంగా కొన్ని అనారోగ్య సమస్యలు ఉన్నవారికి. గర్భవతులు లేదా పాలిచ్చే తల్లులకు ఇది ప్రతికూల ప్రభావాలను చూపెడుతుంది. కొత్త ఆహారం లేదా వ్యాయామాలను ప్రారంభించే ముందు ఆరోగ్య నిపుణుల సలహా తీసుకోవడం చాలా ముఖ్యం.
బరువు తగ్గకపోవచ్చు
అడపాదడపా ఉపవాసం వల్ల మొదట్లో కాస్త బరువు తగ్గొచ్చు. కానీ ఇది దీర్ఘకాలికంగా బరువును తగ్గిస్తుందా? లేదా? అనే దానిపై స్పష్టత లేదు. అడపాదడపా ఉపవాసంలో ఉన్నవారు.. దీనిని మానేసిన తర్వాత మళ్లీ బరువు పెరుగుతారని కొన్ని అధ్యయనాలు కనుగొన్నాయి.
అతిగా తినే ప్రమాదం
అడపాదడపా ఉపవాసం ముఖ్య ఉద్దేశం కేలరీల తీసుకోవడం పరిమితం చేయడం. కానీ ఇలా తినడం వల్ల మీరు అతిగా తినే ప్రమాదం ఉందని నిపుణులు చెబుతున్నారు. ఇది ప్రయోజనాలకు బదులుగా బరువు పెరగడానికి దారితీయొచ్చు.