Tulsi Plant: నాటకుండానే మీ ఇంట్లో తులసి మొక్క పెరిగిందా? ఇది దేనికి సంకేతమూ తెలుసా?
Tulsi Plant: మీరు నాటకుండానే మీ ఇంట్లో తులసి మొక్క పెరిగిందా? అలా మొక్క పెరగడం దేనిని సూచిస్తుంది? శుభమా? అశుభమా? ఆ మొక్కను ఏం చేయాలో మీకు తెలుసా? దానిని ఏ దిక్కులో పెంచాలి?
Tulsi plant
హిందూ సంప్రదాయం ప్రకారం, తులసి మొక్కను అత్యంత పవిత్రమైనదిగా పరిగణిస్తారు. ఇంట్లో తులసి మొక్కను పెంచడం వల్ల కుటుంబంలో శాంతి, సంతోషం, సానుకూల వాతావరణం నెలకొంటుందని నమ్ముతారు. అంతేకాదు.. సాక్షాత్తు లక్ష్మీదేవి తులసి తులసిలో కొలువై ఉంటుందని.. ఈ మొక్క ఇంట్లో ఉంటే.. సంపదకు లోటు ఉండదని భావిస్తారు. అలాంటి తులసి మొక్క మీరు నాటకుండానే.. ఇంట్లో అనుకోకుండా ఎప్పుడైనా పెరిగిందా? అలా పెరగడం శుభమేనా? దీని అర్థం ఏంటో ఇప్పుడు తెలుసుకుందాం...
1.దైవ అనుగ్రహం...
వాస్తు శాస్త్రం ప్రకారం, మీ ఇంట్లో తులసి మొక్క దానంతట అదే పెరిగితే మీపై దైవానుగ్రహం ఉందని అర్థం. మీ ఇంట్లో పాజిటివ్ ఎనర్జీ ఎక్కువగా ఉందని అర్థం. సంతోషంగా ఉన్న ఇంట్లో మాత్రమే తులసి మొక్క బాగా పెరుగుతుంది. అంతేకాదు.. ఆ మొక్క పెరిగే కొద్దీ మీ కుటుంబంలో సంతోషం, సంపద పెరుగుతాయని అర్థం
ఆర్థిక లాభం...
ఇంటికి ఉత్తరం లేదా తూర్పు దిక్కులో తులసి మొక్క పెరగడాన్ని ఆర్థిక పురోగతికి సంకేతంగా భావిస్తారు. అకస్మాత్తుగా మీ చేతికి డబ్బు రావడానికి సంకేతంగా భావిస్తారు. వ్యాపారాల్లో మంచి లాభాలు అందుకుంటారు.
కుటుంబంలో శుభవార్త..
మీ ఇంటి పెరట్లో తులసి మొక్క పెరిగితే.. త్వరలో మీరు శుభవార్త వినబోతున్నారని అర్థం. అంటే, మీ ఇంట్లో ఏదైనా శుభకార్యం జరగడమూ, బిడ్డ పుట్టడం లాంటివి జరిగే అవకాశం ఉంది.
తులసి మొక్కను ఏ దిక్కుల్లో పెంచాలి...?
1.తూర్పు దిశ...
వాస్తు శాస్త్రం ప్రకారం, తులసిని నాటడానికి తూర్పు దిశ అత్యంత పవిత్రమైనదిగా పరిగణిస్తారు.ఈ దిక్కుల్లో మొక్క ఉన్నప్పుడు సూర్య కిరణాలు తులసి ఆకులపై పడతాయి. మొక్క పచ్చగా ఉంటుంది. అందుకే, ఈ దిశలో మొక్క పెంచడం చాలా శుభప్రదం
2.ఈశాన్య దిశ...
తులసి మొక్కను పెంచడానికి మరో పవిత్రమైన దిశ ఈశాన్యం. ఈ దిశలో తులసి మొక్క పెంచితే.. ఇంట్లో పాజిటివ్ ఎనర్జీ పెరుగుతుంది. కుటుంబ సభ్యుల మధ్య సామరస్యాన్ని, మానసిక ప్రశాంతతను పెంచుతుంది. ఇంట్లో సంపద కూడా పెరుగుతుంది.
ఆగ్నేయ దిశ..
ఈ దిశ కూడా తులసి మొక్క పెంచడానికి చాలా పవిత్రమైనది. ఆర్థిక సమస్యలు ఎదుర్కొంటున్న వారు.. ఈ ఆగ్నేయ దిశలో తులసి మొక్కను పెంచడం వల్ల మంచి ఆదాయం పెరుగుతుంది. ఆ సమస్యలన్నీ తీరిపోతాయి.
