రక్తంలో చక్కెర స్థాయిలు తగ్గాలా? అయితే ఈ తృణధాన్యాలను తప్పక తీసుకోండి..

డయాబెటీస్ ను నియంత్రించడానికి పెద్దగా కష్టపడిపోవక్కర్లేదు. రెగ్యులర్ గా వ్యాయామం చేస్తూ.. తీపి, ఫాస్ట్ ఫుడ్, జంక్ ఫుడ్ కు దూరంగా ఉంటూ.. ఆరోగ్యకరమైన ఆహారాలను తింటే మధుమేహుల ఆరోగ్యానికి ఏ డోకా ఉండదు.  

Diabetes

ఉరుకుల పరుగుల జీవితంలో ఆరోగ్యం గురించి పట్టించుకునే వారు చాలా తక్కువే. ఈ లైఫ్ స్టైల్ వల్లే నేడు ఎంతో మంది ఎన్నో అనారోగ్య సమస్యలతో ఇబ్బంది పడుతున్నారు. ముఖ్యంగా ఈ రోజుల్లో చిన్న వయసు వారు కూడా డయాబెటీస్ తో బాధపడుతున్నారు. టైప్ 2 డయాబెటీస్ కు ప్రధాన కారణం.. నిశ్చల జీవనశైలి, సరైన ఆహారం తీసుకోకపోవడం. నిజానికి డయాబెటీస్ ఒక్కటే వచ్చినట్టు అనిపించినా.. ఇది సోకడం వల్ల ఎన్నో రోగాలు వస్తాయి. ఎందుకంటే ఇది మీ మొత్తం ఆరోగ్యాన్ని ప్రభావితం చేస్తుంది. డయాబెటీస్ పేషెంట్లు ఫుడ్ విషయంలో చాలా జాగ్రత్తగా ఉండాలి. ఏది పడితే అది తింటే రక్తంలో చక్కెర స్థాయిలు బాగా పెరిగిపోతాయి. అందుకే వీళ్లు బ్లడ్ షుగర్ లెవెల్స్ ను పెంచని ఆహారాలనే తినాల్సి ఉంటుంది. అయితే కొన్ని రకాల తృణధాన్యాలు డయాబెటీస్ ను నియంత్రించడానికి ఎంతో సహాయపడతాయి. అవేంటో ఇప్పుడు తెలుసుకుందాం.. 

బార్లీ

బార్లీని ఉదయం బ్రేక్ ఫాస్ట్, మధ్యాహ్న భోజనం, రాత్రి డిన్నర్ అంటూ మూడు పూటలా తినొచ్చు. బార్లీతో చేసిన రొట్టెలను తినడం వల్ల జీవక్రియ మెరుగుపడుతుంది. ఆకలి నియంత్రణలో ఉంటుంది. అంతేకాదు రక్తంలో చక్కెర, ఇన్సులిన్ స్థాయిలు కూడా తగ్గుతాయి. బార్లీలో ఫైబర్ కంటెంట్  పుష్కలంగా ఉంటుంది. ఇది గట్ లో మంచి బ్యాక్టీరియా సంఖ్యను పెంచుతుంది. అలాగే సహాయక హార్మోన్లను విడుదల చేస్తుంది. 

ఓట్స్

ఓట్స్ లో ఫైబర్ పుష్కలంగా ఉంటుంది. ఇది రక్తంలో చక్కెర స్థాయిలను బాగా నియంత్రిస్తుంది. ఒరెగాన్ స్టేట్ యూనివర్శిటీ ప్రకారం.. ఓట్స్ మీడియం జిఎల్ 13 ను కలిగి ఉంటాయి. వండిన అర కప్పు వోట్మీల్ 1 ఔన్సు తృణధాన్యాలకు సమానం. డయాబెటిస్ ను నియంత్రించడానికి ఓట్ మీల్ బెస్ట్ ఫుడ్. ఎందుకంటే వీటిని బ్రేక్ ఫాస్ట్ లో చేర్చుకోవడం చాలా సులువు. 

అమరాంత్ 

పోషకాలు పుష్కలంగా ఉండే రామ్దాన్ ను అమరాంత్ అని కూడా పిలుస్తారు. దీనిలో ప్రోటీన్లు పుష్కలంగా ఉంటాయి. రామ్దానా గ్లూటెన్ లేని ధాన్యం. దీనిలో యాంటీఆక్సిడెంట్లు, యాంటీ ఇన్ఫ్లమేటరీ లక్షణాలు సమృద్ధిగా ఉంటాయి. అందుకే వీటిని మధుమేహులు ఖచ్చితంగా ఆహారంలో చేర్చుకోవాలని నిపుణులు చెబుతున్నారు. వీటిని తీసుకోవడం వల్ల రక్తంలో చక్కెర స్థాయిలు నియంత్రణలో ఉంటాయి.

RAGI

రాగి

రాగులు ఆవాలు లాగా కనిపిస్తాయి.  కానీ వీటిని ఉపయోగించడం వల్ల ఎన్నో వ్యాధులు నయమవుతాయి. ఈ తృణధాన్యంలో మన శరీరాన్ని ఆరోగ్యంగా ఉంచే ఎన్నో పోషకాలుంటాయి. రాగులను తినడం వల్ల  చెడు కొలెస్ట్రాల్ తగ్గుతుంది. ఇది డయాబెటిస్ రోగులకు చాలా సహాయపడుతుంది. అలాగే ఇవి సులువుగా బరువును తగ్గించడంలో ఎఫెక్టీవ్ గా పనిచేస్తాయి. 

బ్రౌన్ రైస్

ఆర్కైవ్స్ ఆఫ్ ఇంటర్నల్ మెడిసిన్ లో ప్రచురించబడిన ఒక అధ్యయనం ప్రకారం.. ప్రతి వారం ఐదు లేదా అంతకంటే ఎక్కువసేర్విన్గ్స్ వైట్ రైస్ ను తినడం వల్ల డయాబెటిస్ వచ్చే ప్రమాదం ఉందని తేలింది. ప్రతి వారం కేవలం రెండు సేర్విన్గ్స్ బ్రౌన్ రైస్ తీసుకోవడం వల్ల డయాబెటీస్ వచ్చే ప్రమాదం తక్కువగా ఉంటుందని నిపుణులు చెబుతున్నారు.  వైట్ రైస్ ను రోజువారీగా తినే దానిలో మూడింట ఒక వంతు బ్రౌన్ రైస్ ను తింటే టైప్ 2 డయాబెటిస్ ప్రమాదం 16 శాతం తగ్గుతుందని డేటా సూచించింది.