Christmas 2023: గర్ల్ ఫ్రెండ్ కు ఎలాంటి క్రిస్మస్ గిఫ్ట్ ఇవ్వాలో తెలుసా?

క్రిస్మస్ పండుగను ప్రతిఏడాది ఎంతో ఘనంగా జరుపుకుంటారు. ప్రతి సంవత్సరం డిసెంబర్ 25నే క్రిస్మస్ ను సెలబ్రేట్ చేసుకుంటారు. ఎందుకంటే ఈ రోజే యేసుప్రభు జన్మించారట. అందుకే ఈ రోజు క్రైస్తవులకు ఎంతో ప్రత్యేకమైన, పవిత్రమైన రోజు. అయితే ఈ పండుగ సందర్భంగా ఒకరికొకరు బహుమతులను ఇచ్చుకుంటారు. అయితే చాలా మంది అబ్బాయిలకు తమ గర్ల్ ఫ్రెండ్ కు ఎలాంటి గిఫ్ట్ లు ఇవ్వాలో తెలియదు. అదివ్వాలా? ఇదివ్వాలా? అని ఆందోళన చెందుతుంటారు. మరి ఈ స్పెషల్ డేకు స్పెషల్ గా ఎలాంటి గిఫ్ట్ ను ఇస్తే వారు హ్యాపీగా ఫీలవుతారో తెలుసుకుందాం పదండి. 
 

చాక్లెట్

తక్కువ బడ్జెట్ లో ఏదైనా చిన్న గిఫ్ట్ ఇవ్వాలనుకుంటే మాత్రం మీ గర్ల్ ఫ్రెండ్ కు ఒక చాక్లెట్ ను ఇవ్వండి. ఎందుకంటే అమ్మాయిలకు చాక్లెట్ అంటే చాలా చాలా ఇష్టం. అమ్మాయిలు రోజుకు ఎన్నో చాక్లెట్లను తింటుంటారు. అందుకే ఈ క్రిస్మస్ కు చాక్లెట్ ను ఇవ్వండి. ఈ గిఫ్ట్ వాళ్లకు ఎంతో బాగా నచ్చుతుంది కూడా. 
 

హ్యాండ్ బ్యాగ్ లు

హ్యాండ్ బ్యాగులను వాడని ఆడవారు అస్సలు ఉండరు. కాబట్టి ఈ క్రిస్మస్ వారికి ఎంతో ఇష్టమైన రంగు హ్యాండ్ బ్యాగ్ ను గిఫ్ట్ గా ఇవ్వండి. బయటకు వెళ్లి.. ఆ షాపు, ఈ షాపు తిరిగే ఓపిక లేకుంటే మీరు ఆన్ లైన్ లో వీటిని కొనొచ్చు. ఆన్ లైన్ లో ఎన్నో రకాల బ్రాండ్ హ్యాండ్ బ్యాగులు ఉంటాయి. 
 

గులాబీలు

అమ్మాయిలకు చాలా ఖరీదైన బహుమతులు అక్కర్లేదు. వారిని సంతోషంగా ఉంచే వాటినే ఎక్కువగా కోరుకుంటారు. అందుకే మీరు ఈ క్రిస్మస్ కు వారి ముఖంలో ఆనందాన్ని చూడాలనుకుంటే గులాబీ పువ్వులనే బహుమతిగా ఇవ్వండి. ఈ పువ్వులను చూసిన ఏ అమ్మాయి అయినా సరే ఎంతో సంతోషిస్తుంది. వాళ్ల ముఖంలో ఆ ఆనందాన్ని మీరు కూడా గుర్తిస్తారు. 
 

పెప్పర్ స్ప్రే

మీ గర్ల్ ఫ్రెండ్ ఆఫీసుకు వెళ్తే.. ఆమెకు మీరు పెప్పర్ స్ప్రే ను గిఫ్ట్ గా ఇవ్వొచ్చు. ఎందుకంటే ఆఫీసులో లేట్ అయ్యి రాత్రిళ్లు ఒక్కరే ఇంటికి వెళ్లాల్సి వస్తుంది. అందుకే ఆమె భద్రత కోసం పెప్పర్ స్ప్రేను బహుమతిగా ఇవ్వండి.  అలాగే దానిని ఎప్పుడూ ఆమె దగ్గరే ఉంచుకోమని చెప్పండి.