వర్షాకాలంలో ఎలాంటి నగలు ధరించాలంటే..

First Published Jul 20, 2021, 2:43 PM IST

ఆకాశం మేఘావృతమై ఉండి.. చినుకు, చినుకు సందడి చేస్తుంటే.. ఆ సందడి మీ జ్యూయలరీలో కూడా కనిపించాలి. దీనికోసం నీలిరంగు ఆభరణాలను ఎంచుకోవాలి.

వర్షాకాలం మీ డ్రెస్సింగ్ లో మార్పులు తీసుకువస్తుంది. ట్రెంచ్ కోట్ లు, లాంగ్ బూట్లతో పాటు మీ యాక్సెసరీలో కూడా మార్పులు వస్తాయి. వర్షానికి తడవకుండా.. తడిచినా పాడవకుండా, అదే సమయంలో ట్రెండీగా ఉండాలంటే.. మీ డ్రెస్సింగ్ తో పాటు జ్యుయలరీలోనూ మార్పులు చేయాలి.

ఈ వర్షాకాలంలో మీ ఫ్యాషన్ కు తగ్గట్టుగా.. ట్రెండీగా ఎలాంటి జ్యుయలరీ వేసుకోవాలో తెలుసుకోవాలంటే ఇది చూడండి..

పెద్ద వెడల్పైన గాజులు : మీ డెనిమ్ డ్రెస్ కు సూట్ అయ్యేలా రెగ్యులర్ గా మెటల్ వాచ్ పెట్టుకుంటే వర్షాకాలానికి సూట్ అవ్వదు. అది వాటర్ ఫ్రూఫ్ అయినా సరే. అందుకే వర్షాకాలంలో మీ యాక్సెసరీ కూడా బాగా కనిపించాలంటే చంకీగా ఉండే వెడల్పాటి గాజులు వేసుకోండి.

సాధారణంగా వర్షాకాలంలో ఫంక్షన్లకు వెళ్లాలనుకుంటే... ఆభరణాల విషయంలో చాలా జాగ్రత్తగా ఉండాల్సి వస్తుంది. వర్షాకాలంలో మెడను పట్టేసి ఉంచే చోకర్స్ అస్సలు పనికిరావు. ఇక దీంతో పాటు పొడవైన, ఫాన్సీ నెక్లెస్ లు కూడా అంతగా బాగుండవు.

నెక్లెస్ లలో ని రాళ్లమీద నీరు పడడం వల్ల వాటికి డ్యామేజ్ కావడమే కాకుండా మెరుపును కోల్పోతాయి. అందుకే, ఫాన్సీ నెక్‌పీస్‌కి బదులుగా, పొడవైన చెవి రింగులు లేదా లాంగ్ డ్రాప్స్ వాడండి.

మామూలుగా బైటికి వెళ్లేప్పుడు చిన్న స్టడ్స్ పెట్టుకుంటున్నట్లైతే వీటికి బదులుగా కూడా వేలాడే చెవిపోగులు పెట్టుకోవడం వల్ల బాగుంటుంద.

ఆకాశం మేఘావృతమై ఉండి.. చినుకు, చినుకు సందడి చేస్తుంటే.. ఆ సందడి మీ జ్యూయలరీలో కూడా కనిపించాలి. దీనికోసం నీలిరంగు ఆభరణాలను ఎంచుకోవాలి. ఫాన్సీ బ్లూ లాకెట్టు లేదా అందమైన, నీలిరంగు స్టుడ్స్ ను పెట్టుకోండి.

ముందుగానే చెప్పుకున్నట్టు చోకర్స్ ఈ సీజన్ కు సూట్ కావు కాబట్టి.. లాంగ్ పెండెంట్లు వాడడం మంచింది.

లాకెట్ తో మరో సౌకర్యం ఏంటంటే.. ప్రయోజనం ఏంటంటే.. ఇది నెక్లెస్ లాగా నేరుగా చర్మంతో టచ్ లో ఉండదు. మీ దుస్తుల మీద వేలాడుతూ అద్భుతమైన లుక్ ను అందిస్తుంది. ఇంకా చెప్పాలంటే మీ లుక్ ను మార్చేస్తుంది.

చినుకు పడుతుంటే.. దాని తుంపర్లకు రిఫ్లెక్షన్ ఇస్తూ.. ఇంద్రధనుస్సులా మెరిసిపోయే వజ్రంకంటే అద్భుతమైన యాక్సెసరీ ఇంకోటి ఉండదు. వజ్రం నీటిలో తడవడం వల్ల మెరుపును కోల్పోదు. మసకబారదు. కాబట్టి వర్షాకాలానికి సరైన జ్యుయలరీ ఇదే.