మీరు టాటా సంస్థలో ఉద్యోగం చేయాలనుకుంటున్నారా? ఇదే అద్భుత అవకాశం

భారతీయ యువతకు టాటా గ్రూప్ గుడ్ న్యూస్ తెలిపింది. సెమి కండక్టర్లు, ఎలక్ట్రిక్ వాహనాలు, బ్యాటరీలతో పాటు సంబంధిత రంగాల్లో టాటా సంస్థ భారీ పెట్టుబడులకు సిద్దమైంది... ఈ నేపథ్యంలో భారీ ఉద్యోగాల భర్తీ చేపట్టనున్నట్లు టాటా సన్స్ ఛైర్మన్ ఎన్ చంద్రశేఖరన్ ప్రకటించారు. రాబోయే ఐదారేళ్లలో ఏకంగా ఐదు లక్షల ఉద్యోగాలను భర్తీ చేయనున్నట్లు ఆయన తెలిపారు. 

టాటా సన్స్ ఛైర్మన్ ఇంకా ఏమన్నారంటే : 

ఇవాళ (అక్టోబర్ 15, మంగళవారం) దేశ రాజధాని న్యూడిల్లీలో ఇండియన్ ఫౌండేషన్ ఆఫ్ క్వాలిటీ మేనేజ్ మెంట్ (IFQM) సదస్సు ఏర్పాటుచేసారు. ఇందులో దేశంలోని దిగ్గజ సంస్థలైన టాటా సన్స్,  టివిఎస్ మోటార్స్, సన్ ఫార్మా, మదర్సన్ గ్రూప్, భారత్ ఫోర్జ్,బోయింగ్ ఇండియా, బయోకాన్ కంపనీల  ఛైర్మన్లు పాల్గొన్నారు. 

కేవలం లాభాలు మాత్రమే చూసుకుకోవడం కాదు... భారతదేశ వ్యాపార రంగంలో క్వాలిటీ, ఇన్నోవేషన్ ను పెంపొందించేందుకు ఈ IFQM కృషిచేస్తోంది. ఇందుకోసం ప్రముఖ కంపనీల ప్రతినిధులంతా ఒక్కచోటికి చేరి ప్రత్యేక సదస్సులు ఏర్పాటుచేస్తారు. ఇలా ప్రస్తుతం న్యూడిల్లీలో ఈ సదస్సు జరుగుతోంది. 

ఇందులో టాటా సన్స్ ఛైర్మన్ ఎన్ చంద్రశేఖరన్ కూడా పాల్గొన్నారు. ఈ క్రమంలోనే ఆయన టాటా సన్స్ లక్ష్యాలను తెలియజేసారు... రాబోయే ఐదేళ్లలో ఏ రంగంలో తమ సంస్థ భారీగా పెట్టుబడులు పెట్టనుందో, ఈ క్రమంలో ఎన్ని లక్షల ఉద్యోగాలను భర్తీ చేయనున్నారో టాటా సన్స్ ఛైర్మన్ వివరించారు.

ఇక ప్రస్తుతం దేశంలో మ్యానుఫ్యాక్ఛరింగ్ రంగాల్లో క్వాలిటీ పెంచుకోవాల్సిన అవసరం వుందన్నారు. ఇందుకోసం నైపుణ్యం కలిగిన ఉద్యోగులు చాలా అవసరం అన్నారు. ప్రస్తుతం టాటా సన్స్ వివిధ రంగాల్లో పెట్టుబడులకు సిద్దమయ్యింది... కాబట్టి ఆ రంగాల్లో నైపుణ్యం కలిగిన ఉద్యోగుల భర్తీకి సిద్దమైందని అన్నారు.

ప్రస్తుతం ప్రతినెల 1 మిలియన్ ప్రజలు వర్క్ ఫోర్స్ లోకి వస్తున్నారని... దీన్ని 100 మిలియన్స్ కు తీసుకెళ్లడమే లక్ష్యంగా పెట్టుకున్నామని టాటా సన్స్ ఛైర్మన్ తెలిపారు. భారీ యువశక్తితో భారత్ ప్రపంచానికే మానవ వనరుల రాజధానిగా మారిందని చంద్రశేఖరన్ తెలిపారు. 

వికసిత భారత్ తో మారిన పరిస్థితి : 

మోదీ సర్కార్ 'వికసిత భారత్' పేరుతో చేస్తున్న ప్రయత్నాలు దేశాన్ని అభివృద్ది దిశగా నడిపిస్తున్నాయని అన్నారు. దీంతో ఇండియా ముందు అనేక అవకాశాలు వున్నాయన్నారు. కేవలం ఆర్థిక వృద్ది మాత్రమే కాదు ఉద్యోగ అవకాశాలు పెరుగుతున్నాయని అన్నారు. తద్వారా సామాజిక సమానత్వం పెరిగి జీవన ప్రమాణాలు పెరుగుతున్నాయన్నారు. 

ఆర్థిక వృద్ది ఎంత వేగంగా జరుగుతుందో అదే స్థాయిలో ఉద్యోగాల వృద్ది సాగుతోందని టాటా సన్స్ ఛైర్మన్ తెలిపారు.  ప్రస్తుతం దేశం ముందు చాలా మంచి అవకాశాలున్నాయి...  ప్రపంచ స్థాయికి వెళ్లాలంటే మాత్రం నాణ్యతతో కూడిన ఉత్పత్తులు, సేవలు అందించాల్సిన అవసరం వుందన్నారు టాటా సన్స్ ఛైర్మన్. 

కేంద్ర మంత్రి అశ్విని వైష్ణవ్ ఏమన్నారంటే : 

ఇక ఈ IFSQ సదస్సులో కేంద్ర మంత్రి అశ్విని వైష్ణవ్ కూడా పాల్గొన్నారు.  ఈ సందర్భంగా ఆయన మాట్లాడుతూ...  సమ్మిళిత వృద్ది లక్ష్యంగా మోదీ సర్కార్ పనిచేస్తోందని అన్నారు. అందులో భాగంగానే విద్యా ప్రమాణాలు పెంచేందుకు అంతర్జాతీయ స్థాయి సదుపాయాలతో ఐఐటి, ఎయిమ్స్, యూనివర్సిటీలను సంఖ్య పెంచుతున్నట్లు తెలిపారు.

ప్రస్తుతం భారత్ చాలా వేగంగా అభివృద్ది చెందుతోందని... ఇందుకు మొబైల్ ఫోన్స్ ఎగుమతిలో టాప్ కు చేరడమే ఉదాహరణ అని కేంద్ర మంత్రి పేర్కొన్నారు. ఇలా అన్ని రంగాల్లోనూ దేశం అభివృద్ది దిశగా అడుగులు వేయాల్సిన అవసరం వుందన్నారు కేంద్ర మంత్రి అశ్విని వైష్ణవ్.