తినడానికి వచ్చిన సింహనికి.. చుక్కలు చూపించాడు..

నీఫ్‌ కేకలు విన్నస్నేహితులు రైనర్‌ వాన్‌ బ్రాండీస్‌, టొమాలెట్స్‌ సెటబోష్ లు తమ ప్రాణాలను పణంగా పెట్టి సింహంతో పోరాడారు. చెట్టు కొమ్మలను విసురుతూ, చేతికందిన వస్తువులను విసురుతూ దాన్ని బెదరగొట్టే ప్రయత్నం చేశారు. అయినా సింహం ఏం మాత్రం బెదరలేదు. నీఫ్ ను వదలలేదు. 

ఇక ఇలా అయ్యేలా లేదనుకున్నాడు నీఫ్.. తానే ఎదురుదాడికి దిగాడు. సింహం మొహం మీద పిడిగుద్దులు కురిపించాడు. దానికి ఊపిరిఆడకుండా చేశాడు.

ఈ ఎదురుదాడితో రెచ్చిపోయిన సింహం కోపంతో అతడి తలను నోట కరుచుకునేందుకు ప్రయత్నించింది. కానీ నీఫ్ చాకచక్యంగా తప్పించుకున్నాడు. 

ఈ పెనుగులాటలో అతడి మోచేతిని మాత్రం తన కోర పళ్లతో కొరకడంతో తీవ్ర గాయమైంది. అయినా సరే నీఫ్‌, అతడి స్నేహితులు ధైర్యంగా సింహంతో పోరాడి దాన్ని అక్కడ నుంచి పారిపోయేలా చేశారు. 

తీవ్ర గాయాలతో ప్రాణాలతో బతికి బయటపడ్డ నీఫ్‌ ఆస్పత్రిలో చేరాడు. అక్కడ అతడి మోచేతి ఎముకలు విరిగినట్లు తెలిసింది. డిసెంబర్‌ 7న జరిగిన ఈ ఘటన ఆలస్యంలోకి వెలుగులోకి వచ్చింది. సింహాంతో పోరాడిన నీఫ్‌ను జనాలు ధైర్యశాలి అని మెచ్చుకుంటున్నారు.