ఎయిడ్స్ ఎలా వస్తుందో తెలుసా?

World AIDS Day 2023: ఎయిడ్స్ కు చికిత్సే లేదు. కానీ మందులతో దీన్ని నియంత్రించొచ్చు. వ్యాధి పురోగతిని నిరోధించొచ్చు. కానీ ప్రపంచ వ్యాప్తంగా ఎయిడ్ బారిన పడి ఎంతో మంది చనిపోతున్నారు. దీనిమీద ప్రజలకు అవగాహన కల్పించడానికి ప్రతి ఏడాది డిసెంబర్ 1 న ఎయిడ్ డేను జరుపుకుంటారు.  

world aids day

World AIDS Day 2023: ఎయిడ్స్ ను అక్వైర్డ్ ఇమ్యునో డెఫిషియెన్సీ సిండ్రోమ్ అంటారు. హెచ్ఐవి బారిన పడిన వ్యక్తి ఎయిడ్స్ బారిన పడతాడు. ఈ రోగం రోగనిరోధక శక్తిని బలహీనపరుస్తుంది. రోగనిరోధక శక్తి బలహీనపడటంతో వీళ్లకు ప్రాణాంతక అంటువ్యాధులు వస్తాయి. క్యాన్సర్ల బారిన పడే ప్రమాదముంది. ఈ ఎయిడ్స్ వ్యాధిని పూర్తిగా తగ్గించే చికిత్స లేదు. ఈ వ్యాధికి కారణమయ్యే వైరస్ జీవితాంతం ఆ వ్యక్తి శరీరం లోపలే ఉంటుంది. అసలు ఈ వ్యాధి ఎందుకు వస్తుందో  ఇప్పుడు తెలుసుకుందాం పదండి. 

హెచ్ఐవి ఎలా వ్యాప్తి చెందుతుంది? 

హెచ్ఐవీ సోకడానికి ఎన్నో కారణాలు ఉన్నాయి. అంటే ఈ వైరస్ సోకిన వ్యక్తుల రక్తం, వీర్యం లేదా యోని స్రావాలు మీ శరీరంలోకి ప్రవేశిస్తే మీరు దీని బారిన పడతారు. 

శృంగారంలో పాల్గొనడం వల్ల.. 

సెక్స్ ద్వారా కూడా మీకు హెచ్ఐవీ, ఎయిడ్స్ వచ్చే అవకాశం ఉంది. అంటే ఈ వ్యాధి సోకిన భాగస్వామితో మీరు యోని, ఆనల్ లేదా ఓరల్ సెక్స్ లో పాల్గొన్నప్పుడు.. వారి రక్తం, వీర్యం లేదా యోని స్రావాలు మీ శరీరంలోకి ప్రవేశిస్తాయి. దీంతో మీకు ఎయిడ్స్ వస్తుంది. అలాగే నోటి పుండ్లు లేదా కన్నీళ్ల ద్వారా కూడా ఈ వైరస్ మీ శరీరంలోకి ప్రవేశిస్తుంది. ఇవి కొన్నిసార్లు లైంగిక చర్య సమయంలో పురీషనాళం లేదా యోనిలో అభివృద్ధి చెందుతాయి.

సూదులు పంచుకోవడం వల్ల.. 

కలుషితమైన ఇంజెక్షన్ డ్రగ్ అంటే సూదులు, సిరంజీలను పంచుకోవడం వల్ల హెచ్ఐవి, హెపటైటిస్ వంటి ఇతర అంటు వ్యాధులొచ్చే ప్రమాదం కూడా ఉంది. అందుకే ఒకరికి వాడిన సిరంజీలను, ఇంజక్షన్లను  మరొకరు వాడొద్దని ఆరోగ్య నిపుణులు చెప్తారు.

రక్తమార్పిడి నుంచి..

రక్తమార్పిడి ద్వారా కూడా వైరస్ వ్యాప్తి చెందుతుంది. హెచ్ఐవీ ఎయిడ్స్ మాత్రమే కాదు రక్తమార్పిండితో ఎన్నో రోగాలు వస్తాయి. అందుకే  ఆసుపత్రులు, బ్లడ్ బ్యాంక్స్ హెచ్ఐవి కోసం రక్తాన్ని పరీక్షిస్తాయి. అందుకే యు.ఎస్, ఇతర ఎగువ-మధ్య-ఆదాయ దేశాలలో ఈ ప్రమాదం చాలా తక్కువగా ఉంటుందని నిపుణులు అంటున్నారు. రక్తాన్ని దానం చేసిన మొత్తం రక్తాన్ని పరీక్షించలేని తక్కువ ఆదాయ దేశాలలో ఈ ప్రమాదం ఎక్కువగా ఉండొచ్చని నిపుణులు అంటున్నారు.

గర్భధారణ సమయంలో..

ప్రెగ్నెన్సీ సమయంలో లేదా ప్రసవ సమయంలో లేదా తల్లి పాలివ్వడం వల్ల.. కూడా సోకిన తల్లులు నుంచి తమ పిల్లలకు వైరస్ వ్యాపిస్తుంది.హెచ్ఐవి-పాజిటివ్ ఉన్న, గర్భధారణ సమయంలో సంక్రమణకు చికిత్స పొందే తల్లులు వారి శిశువులకు  ఈ వ్యాధి రాకుండా జాగ్రత్తపడొచ్చు.