ఇలా చేస్తే చంకల్లో చెమట అస్సలు పట్టదు

ఎండాకాలంలో కొద్దిసేపు బయట ఉన్నా చంకలు చెమటతో తడిసిపోతాయి. దీనివల్ల డ్రస్ పై మరకలు కూడా ఏర్పడతాయి. ముఖ్యంగా దుర్వాసన వస్తుంది. దీనివల్ల నలుగురిలోకి వెళ్లడానికి ఎంతో ఇబ్బంది పడతారు. 

ఎండాకాలంలో చంకల్లో చెమటలు పట్టడం చాలా సాధారణం. తక్కువ చెమట సర్వ సాధారణమే. కానీ చెమట ఎక్కువగా పట్టడమే ఆందోళన కలిగించే విషయం. చెమట దుస్తులపై మరకలు అయ్యేలా చేస్తుంది. చికాకు కలిగిస్తుంది. ముఖ్యంగా దుర్వాసన వచ్చేలా చేస్తుంది. అయితే కొన్ని చిట్కాలు చంకల్లో చెమటను తగ్గిస్తాయి. 

sweating

చెమటను ఎలా ఆపాలి?

చంకల్లో చెమట శారీరక పని వల్ల వస్తుంది. ఇది శరీర ఉష్ణోగ్రతను నియంత్రించడానికి సహాయపడుతుంది. శరీరం చాలా వేడిగా అయినప్పుడు శరీరాన్ని చల్లబరుస్తుంది. అయినప్పటికీ కొంతమందికి ఎక్కువ చెమట ఇబ్బందికరంగా ఉంటుంది. చంకల్లో ఎక్కువ చెమట పట్టకుండా ఉండేందుకు ఏం చేయాలో ఇప్పుడు తెలుసుకుందాం..

మంచి పరిశుభ్రత 

అండర్ ఆర్మ్ చెమటను నియంత్రించడానికి సరైన పరిశుభ్రతను పాటించడం చాలా చాలా అవసరం. దుర్వాసనను కలిగించే బ్యాక్టీరియా పెరుగుదలను నివారించడానికి మీ అండర్ ఆర్మ్స్ ను యాంటీ బ్యాక్టీరియల్ సబ్బుతో క్రమం తప్పకుండా కడగండి. స్నానం చేసిన తర్వాత మీ చంకలను ను బాగా ఆరబెట్టండి.

యాంటీ పెర్స్పిరెంట్లను ఉపయోగించండి

డియోడరెంట్ల కంటే యాంటిపెర్స్పిరెంట్లను ఎంచుకోవడం మంచిది. ఎందుకంటే ఇవి చెమట ఉత్పత్తిని తగ్గించడానికి సహాయపడతాయి. అల్యూమినియం క్లోరైడ్ కలిగి ఉన్న యాంటీ పెర్స్పిరెంట్లను వాడండి. ఇది చెమట గ్రంథులను నిరోధించడానికి సహాయపడుతుంది. రాత్రి పడుకునే ముందు వీటిని పెట్టండి. 

శ్వాసించే బట్టలు 

చంకలకు గాలి చేరేలా, తేమను గ్రహించడానికి సహాయపడే పత్తి, నార లేదా వెదురు వంటి సహజ వస్త్రాలను వేసుకోండి. వేడి, తేమను ట్రాప్ చేసే నైలాన్ లేదా పాలిస్టర్ వంటి సింథటిక్ దుస్తులను వాడకండి. ఎందుకంటే ఇవి చెమట ఎక్కువ పట్టేలా చేస్తాయి. 

summer sweat

ఒత్తిడిని తగ్గించండి

ఒత్తిడి, ఆందోళనలు కూడా చెమట ఎక్కువగా పట్టేలా చేస్తాయి. యోగా, ధ్యానం, లోతైన శ్వాస వ్యాయామాలు ఒత్తిడిని తగ్గిస్తాయి. అలాగే మీకు ఇష్టమైన పనులను చేసినా ఒత్తిడి తగ్గిపోతుంది. 

ట్రిగ్గర్లను నివారించండి

మీ అండర్ ఆర్మ్స్  లో చెమట ఎక్కువగా పట్టడానికి కొన్ని రకాల ఆహారాలు కూడా కారణమవుతాయి. కారంగా ఉండే ఆహారాలు, కెఫిన్, ఆల్కహాల్, వేడి పానీయాలను తీసుకుంటే మీకు చంకల్లో చెమట ఎక్కువగా పడుతుంది. చెమటను తగ్గించడానికి వీటిని తీసుకోవడం తగ్గించండి. లేదా మొత్తమే తీసుకోకండి. 

హైడ్రేట్ గా ఉండండి

పుష్కలంగా నీటిని తాగితే మీ శరీర ఉష్ణోగ్రత నియంత్రణలో ఉంటుంది. చెమటను కూడా తగ్గిస్తుంది. హైడ్రేట్ గా ఉండటానికి, మొత్తం శారీరక విధులను నిర్వహించడానికి రోజుకు కనీసం ఎనిమిది గ్లాసుల నీటిని తాగండి. 

చెమట ప్యాడ్లు లేదా లైనర్లు

చెమటను గ్రహించడానికి, మీ బట్టలపై మరకలు కాకుండా ఉండేందుకు అబ్జార్బెంట్ ప్యాడ్లను మీ అండర్ ఆర్మ్ లో పెట్టండి. రోజంతా మిమ్మల్ని పొడిగా ఉంచడానికి ఇవి సహాయపడతాయి. 

ఆరోగ్యకరమైన బరువును నిర్వహించండి

బరువు ఎక్కువగా ఉండటం వల్ల కూడా చెమట ఎక్కువగా పడుతుంది. సమతుల్య ఆహారం, క్రమం తప్పకుండా వ్యాయామం చేస్తే మీ బరువు నియంత్రణలో ఉంటుంది. ఇది మీ అండర్ ఆర్మ్ చెమటతో సహా మొత్తం చెమటను తగ్గిస్తుంది.