‘పుష్ప2’:శ్రీవల్లి క్యారక్టర్ ని చంపేసారా, అసలు నిజం ఏంటి

పుష్ప 2: ది రూల్ సినిమాలో శ్రీవల్లి పాత్ర చుట్టూ అనేక ఊహాగానాలు వస్తున్నాయి. శ్రీవల్లి పాత్ర చనిపోతుందా లేదా అనేది ప్రధాన చర్చనీయాంశం. కథలో ఆమె పాత్ర కీలక మలుపు తీసుకుంటుందని కొందరు భావిస్తున్నారు.

"పుష్ప 2: ది రూల్" అనేది సూపర్ హిట్ సినిమా "పుష్ప: ది రైజ్" ‌కు సీక్వెల్ గా వస్తున్న చిత్రం. మొదటి  సినిమా ఐడియాలను ముందుకు తీసుకెళ్తూ, కథలో మరిన్ని మలుపులు, కాంప్లిక్ట్ లతో ప్రేక్షకులను ఆకట్టుకునేలా డిజైన్ చేసారని సమాచారం.

సుకుమార్ ప్రాణం పెట్టి చేసిన ఈ సినిమా స్క్రీన్ ప్లే పరంగా ఓ స్దాయిలో ఉంటుందని చెప్తున్నారు. రెండు రోజుల్లో విడుదల కాబోతున్న ఈ సినిమా కథ చుట్టూ రకరకాల కథలు, రూమర్స్ వినపడుతున్నాయి. అందులో ఒకటి శ్రీవల్లి పాత్ర గురించి. 

Rashmika Mandanna

రష్మిక చేసిన శ్రీవల్లి పాత్ర సినిమాలో చాలా కీలకం. ఫస్ట్ పార్ట్ లో  పుష్ప (అల్లు అర్జున్),  శ్రీవల్లి (రష్మిక మందన్నా) మధ్య ఉన్న ప్రేమ కథకు కీలకమైంది. మొదటి పార్ట్‌లో వారి లవ్ జర్నీ  ఎంతగానో అభిమానులను మెప్పించింది.

రెండో భాగంలో శ్రీవల్లితో సంబంధించి మరింత ఎమోషనల్ మరియు ఆసక్తికరమైన మలుపులు ఉండొచ్చని భావిస్తున్నారు. ఈ క్రమంలో 
"పుష్ప 2: ది రూల్" కథకు సంబంధించి, శ్రీవల్లి (రష్మిక మందన్నా) గురించి చాలా రూమర్స్ వినపడుతున్నాయి. అభిమానుల మధ్య ఎక్కువగా చర్చ జరుగుతున్న ప్రశ్నలలో ఒకటి ఆమె పాత్ర చనిపోతుందా అని.

 పుష్ప 2 టీజర్ మరియు ప్రమోషన్స్ ద్వారా కథలో కొత్త మలుపులు ఉంటాయని సంకేతాలు కనిపిస్తున్నాయి. శ్రీవల్లి పాత్ర పుష్పరాజ్ జీవితంలో భావోద్వేగ పరమైన కీలకమైనది కాబట్టి, ఆమె పాత్రపై వచ్చే మార్పులు సినిమా కథనంలో ప్రధాన పాత్ర పోషించవచ్చు అనేది నిజం.  అయితే అందుతున్న సమాచారం మేరకు శ్రీవల్లి పాత్ర చనిపోదని తెలుస్తోంది.

శ్రీవల్లి చనిపోతుందని వస్తున్న వార్తలన్నీ ఆధారం లేని రూమర్స్ అంటున్నారు. ఆమె పాత్రతో కథలో  ఓ కీలకమైన ట్విస్ట్ ప్లే అవుతుందనేది కూడా నిజం కాదని, కథలో ఎమోషన్ , కొన్ని సీన్స్ కు లీడ్ గా ఉంటుందని తెలుస్తోంది. ముఖ్యంగా గంగమ్మ జాతర ఎపిసోడ్ కు ముందు శ్రీవల్లి పాత్రతో ఓ కాంప్లిక్ట్ ఉంటుందని, అది సెకండాఫ్ కు లీడ్ చేసే సీన్ అంటున్నారు. 

ఇక ఈ సినిమాలో రష్మిక తన సహజమైన అభినయంతో మరియు సున్నితమైన భావవ్యక్తీకరణతో శ్రీవల్లిగా ప్రేక్షకులను ఎంతగానో ఆకట్టుకుంది. "పుష్ప 2"లో ఆమె పాత్ర పుష్పరాజ్ హీరో గా ఎదిగే ప్రయాణంలో మరింతగా ప్రభావం చూపేలా ఉంటుందని భావిస్తున్నారు.  రష్మిక తన నటనతో ఈ పాత్రకు మరింత గాఢతను తీసుకురావడం ఖాయంగా చెప్తున్నారు. 

 ప్రస్తుతం ఎక్కడ చూసిన పుష్పమేనియా కనిపిస్తోన్న సంగతి తెలిసిందే. 2021లో తగ్గేదేలే అంటూ ‘పుష్ప’తో ప్రేక్షకుల ముందుకు వచ్చి రికార్డుల బ్రద్దలు కొట్టాడు అల్లు అర్జున్‌. తెలుగు సినీ చరిత్రలో ఎవరికీ సొంతం కానీ నేషనల్‌ అవార్డును సాధించాడు. అవార్డులతో పాటు రివార్డుల్లోనూ ‘తగ్గేదేలే’ అని నిరూపించాడు.

ఇప్పుడు ‘పుష్ప2’తో మరోసారి దానికి మించిన మేజిక్‌ను క్రియేట్‌ చేసేందుకు ‘అస్సలు తగ్గేదేలే’ అంటూ వచ్చేస్తున్నాడు పుష్పరాజ్‌ (Allu Arjun). ‘పుష్ప: ది రూల్‌’ అంటూ బాక్సాఫీస్‌ను రూల్‌ చేసేందుకు సిద్ధమయ్యాడు.