వేసవిలో కరెంటు బిల్లులు మోతెక్కుతున్నాయా? ఇలా చేస్తూ తగ్గించుకోవచ్చు!
బిల్లులు తగ్గించే మార్గాలు: వేసవిలో ఏసీ, కూలర్లు, ఫ్యాన్లు అదేపనిగా పని చేస్తుంటాయి. దీంతో కరెంటు బిల్లు మోత మోగిపోతుంటుంది. ఎండ నుంచి ఉపశమనానికి వాటి వాడకం ఎలాగూ తప్పదు. ఇక మనం చేయాల్సింది కరెంటు బిల్లు తగ్గించుకునే మార్గాలు వెతుక్కోవడం. ఇంకెందుకు ఆలస్యం? పదండి అవేంటో చూద్దాం.
ఏసీ వాడకం
వేసవి తాపం నుండి ఉపశమనం పొందేందుకు కూలర్లు, ఎసిలు, ఫ్యాన్లు ఎక్కువగా వాడుతున్నాం. దీంతో కరెంటు బిల్లు పెరగడం సహజం. కానీ కొన్ని చిట్కాలతో బిల్లును తగ్గించుకోవచ్చు. రోజువారీ అలవాట్లను మార్చుకుంటే కరెంటు ఆదా చేయవచ్చు. చిన్న చిన్న మార్పులతో నెలంతా చాలా ఆదా అవుతుంది. ఎసిని 24°C వద్ద, ఫ్యాన్ వేసుకుంటే చల్లగా ఉంటుంది, కరెంటు కూడా తక్కువ అవుతుంది.
ఉత్తమ ఉపకరణాలు
5 స్టార్ రేటింగ్ ఉన్న ఎసి, ఫ్రిజ్, వాషింగ్ మెషిన్ లాంటివి కొనండి. ఇవి తక్కువ కరెంటుతో బాగా పనిచేస్తాయి. అత్యుత్తమంగా పని చేస్తాయి. టూ స్టార్ రేటింగ్ ఉపకరణాలతో పోలిస్తే ఫైవ్ స్టార్ ఉపకరణాలు సగం కరెంటు బిల్లు ఆదా చేస్తాయి.
గాలి ప్రసరణకు అనువుగా
ఉదయం, సాయంత్రం కిటికీలు తెరవండి, పగలు కర్టెన్లు వేయండి. ఇలా చేస్తే ఉదయం, సాయంత్రం కూలింగ్ ఉపకరణాలు వాడాల్సిన అవసరం తగ్గుతుంది. గది వాతావరణం చల్లగా ఉంటుంది.
ఉపకరణాల వాడకం
వాషింగ్ మెషిన్, మిక్సీ, డిష్ వాషర్ లాంటివి రాత్రిపూట లేదా తెల్లవారుజామున వాడితే కరెంటు డిమాండ్ తక్కువగా ఉండటం వల్ల ఆదా అవుతుంది. మధ్యాహ్నం అయితే ఎండ వేడి కారణంగా అవి ఎక్కువ కరెంటు తీసుకుంటాయి.
చార్జర్లు అలా ఉంచొద్దు
చార్జర్లు, ఉపకరణాలు ఆఫ్ చేసినా కరెంటు వాడతాయి. వాడనప్పుడు పూర్తిగా తీసేయండి. స్మార్ట్ పవర్ స్ట్రిప్స్ వాడండి. ఎసి, ఫ్రిజ్ ఫిల్టర్లు శుభ్రంగా ఉంచుకోండి.