iPhone ట్రంప్ టారిఫ్ దెబ్బ.. ఐఫోన్ ప్రియులకు భారీ షాక్!

అమెరికా అధ్యక్షుడు ట్రంప్ టారిఫ్ వార్ ఐఫోన్ ప్రియులకు శాపంగా మారింది. చైనా సహా ఇతర దేశాల్లో తయారయ్యే ఉత్పత్తులపై ఇబ్బడిముబ్బడిగా సుంకాలు విధించడంతో ఐఫోన్ ధరలు  పెరగనున్నాయి. యాపిల్ గ్యాడ్జెట్లకు ప్రపంచవ్యాప్తంగా అభిమానులు ఉన్నసంగతి తెలిసిందే. 

యాపిల్ ఐఫోన్ ధరల పెరుగుదల

అమెరికా భారత్‌ నుంచి దిగుమతి అయ్యే వస్తువులపై 26% సుంకాలు విధించింది. అలాగే  చైనాపై 34% పన్నులు వేసిన సంగతి తెలిసిందే.  ఐఫోన్ల తయారీ ఎక్కువగా చైనాలో జరుగుతోంది. అమెరికా ఇప్పుడు అదనంగా 34% పన్ను వేయడం వల్ల ఐఫోన్ల ధరలు భారీగా పెరిగే ఛాన్స్ ఉంది.

ఐఫోన్ 16 బేసిక్ మోడల్ ధర 43% వరకు పెరిగి 1,142 డాలర్లకు చేరవచ్చు. మన రూాపాయల్లో చెప్పాలంటే.. దాదాపు 98వేల రూపాయలు. ఇతర మోడళ్లు మరింత ప్రియం కానున్నాయి. రూ.5 నుంచి రూ.30వేల వరకు పెరగనున్నాయి. అయితే ట్రంప్ పన్నులు ప్రకటించే ముందే, యాపిల్ సంస్థ భారీగా ఐఫోన్లను నిల్వ చేసిందనే వార్తలు వెలువడ్డాయి.

గతంలో ట్రంప్ చైనాపై పన్నులు వేసినప్పుడు, యాపిల్ ఐఫోన్లపై కొంత తగ్గింపు ఇచ్చారు. ఈసారి ఐఫోన్లపై ఎలాంటి తగ్గింపు లేదు. కొత్త పన్నుల వల్ల యాపిల్ ధరలు పెంచక తప్పదు. ఆపిల్ చైనాలోనే కాకుండా భారత్‌లో కూడా ఐఫోన్లను తయారు చేస్తుంది. అయితే చైనాతో పోలిస్తే ఈ తయారీ శాతం నామమాత్రంగానే ఉంది.