Upma: ఉప్మా అని తీసిపారేయకండి.. ఎంత మంచిదో తెలుసా?

 ఉప్మా అంటే చాలా మందికి నచ్చదు. కానీ.. దానిలో ఉండే పోషకాల గురించి తెలిస్తే కచ్చితంగా  దానిని తినకుండా ఉండరు. మరి, ఆ ప్రయోజనాలేంటో చూద్దామా... 

దక్షిణాదిన రెగ్యులర్ గా రోజూ చేసుకునే బ్రేక్ ఫాస్ట్ లలో ఉప్మా ముందు వరసలో ఉంటుంది. కానీ చాలా మందికి ఉప్మా నచ్చదు. రోజూ ఇడ్లీ, దోశ, పూరీ లాంటివి తినడానికి ఇష్టపడతారు. కానీ ఉప్మా మాత్రం వద్దు అంటారు. కానీ.. ఉప్మా తినడం వల్ల కలిగే ప్రయోజనాలు తెలిస్తే.. కచ్చితంగా దానిని దూరం పెట్టరు. మరి, రెగ్యులర్ గా ఉప్మా తింటే కలిగే ప్రయోజనాలేంటో చూద్దాం..

ఉప్మాని  రవ్వ, బియ్యం లేదా సేమ్యాతో తయారు చేస్తారు. ఇది తమిళనాడు, ఆంధ్రప్రదేశ్, కర్ణాటక, కేరళలో ఎక్కువగా తింటారు. ఉదయం బ్రేక్‌ఫాస్ట్‌కి ఉప్మా ఒక మంచి ఎంపిక. ఉప్మా రుచికరంగా ఉండటమే కాకుండా ఆరోగ్యంగా కూడా ఉంటుంది. ఇతర బ్రేక్‌ఫాస్ట్ ఆప్షన్లతో పోలిస్తే ఉప్మాలో క్యాలరీలు చాలా తక్కువగా ఉంటాయి. బరువు తగ్గాలనుకునే వారికి ఇది మంచి ఆప్షన్.

ఐరన్ మన శరీరానికి చాలా అవసరం. రవ్వ ఉప్మా తినడం వల్ల మీ శరీరానికి సులభంగా ఐరన్ అందుతుంది. ఇతర కూరగాయలు కూడా చేర్చడం వల్ల.. ఇది మరింత ప్రయోజనం కలిగిస్తుంది. ఆరోగ్యానికి సహాయం చేస్తుంది.

ఫైబర్, విటమిన్లు సమృద్ధిగా ఉంటాయి

ఒక కప్పు ఉప్మాలో ఫైబర్, విటమిన్లు, ఆరోగ్యకరమైన కొవ్వులు ఉంటాయి. కొలెస్ట్రాల్ కూడా తక్కువగా ఉంటుంది. ఫైబర్ అధికంగా ఉండే ఆహారం బరువును అదుపులో ఉంచుతుంది. ఉప్మాలో కార్బోహైడ్రేట్లు పుష్కలంగా ఉంటాయి. ఇది శరీరానికి శక్తిని ఇస్తుంది. మీ రోజును ప్రారంభించడానికి ఇది ఒక మంచి అల్పాహారం.

అధిక పోషక విలువలు

ఉప్మాలో క్యారెట్, బఠానీలు, బీన్స్ వంటి కూరగాయలు వేసి మరింత పోషకమైనదిగా చేసుకోవచ్చు. ఉప్మాలో సోడియం తక్కువగా ఉంటుంది. ఇది రక్తపోటును నియంత్రించడంలో సహాయపడుతుంది.