రోజూ అన్నం తింటే... షుగర్ వ్యాధి వచ్చేస్తుందా..?

డయాబెటిస్ ఒక్కసారి వచ్చింది అంటే..చాలు లేనిపోని సమస్యలు వచ్చినట్లే.  ఇది చాలా తీవ్రమైన వ్యాధి. ఈ వ్యాధి కారణంగా.. మనం తీసుకునే ఆహారం, మన లైఫ్ స్టైల్ పూర్తిగా మార్చుకోవాల్సి వస్తుంది. ఒక్క మాటలో చెప్పాలి అంటే దీనికి శాశ్వతమైన చికిత్స అంటూ ఏదీ లేదు. లైఫ్ స్టైల్ లో మార్పులు చేసుకోవడం ఒక్కటే దీనికి ఉన్న పరిష్కారం. ఆహారం విషయంలో జాగ్రత్తలు తీసుకుంటూ ఉంటే.. దీనిని కంట్రోల్ లో ఉంచుకోవచ్చు.

అయితే...అన్నం ఎక్కువగా తింటూ ఉండటం వల్ల షుగర్ వ్యాధి వచ్చేస్తుంది అని చాలా మంది అంటూ ఉంటారు. రోజూ తీసుకునే ఆహారంలో వైట్ రైస్ తక్కువగా తీసుకోవాలని లేకపోతే.. డయాబెటిస్ వచ్చే ప్రమాదం ఉంది అని చాలా మంది భావిస్తారు. ఇందులో ఎంత వరకు నిజం ఉంది..? రైస్ తింటే షుగర్ వచ్చేస్తుందా..? దీని గురించి నిపుణులు ఏం చెబుతున్నారో  చూద్దాం...

రక్తంలో చెక్కర లెవల్స్ పెరిగి.. ఇన్సలిన్ లోపం ఏర్పడే పరిస్థితినే మధుమేహం అంటారు. శరీరంలో ఇన్సులిన్  సరిగ్గా ఉపయోగించలేకపోతుంది.  బియ్యంలో కార్బోహైడ్రేట్లు ఎక్కువగా ఉంటాయని నిపుణులు భావిస్తున్నారు. అటువంటి పరిస్థితిలో, డయాబెటిక్ రోగులు దీనిని పెద్ద పరిమాణంలో తీసుకుంటే, మధుమేహం స్థాయి పెరుగుతుంది. కాబట్టి మధుమేహ వ్యాధిగ్రస్తులు రోజూ అన్నం తినకూడదు. వీలైనంత వరకు వైట్ రైస్ తక్కువ తినడం ముఖ్యం.

బియ్యం శుద్ధి చేసిన ధాన్యంగా పరిగణిస్తారు., దాని నుండి ఊక తొలగిస్తారు.. కాబట్టి.. శుద్ధి చేసిన ధాన్యాల అధిక వినియోగం రక్తంలో చక్కెర స్థాయిని పెంచుతుంది. ఊబకాయం, మధుమేహం వచ్చే ప్రమాదం కూడా ఉంది. షుగర్  ఉన్నవారు ఎక్కువగా రోజూ అన్నం తింటే ప్రమాదం కానీ...  రోజూ అన్నం తినడం వల్ల షుగర్ వ్యాధి వస్తుంది అనడానికి రుజువు లేదు. 
 

మీరు అన్నం తిన్నా సరే, దానిని సమతులంగా ఉంచుకోవడం ముఖ్యమని, అన్నం ఎక్కువగా తినడం వల్ల మధుమేహం వచ్చే అవకాశాలు పెరుగుతాయని నిపుణులు చెబుతున్నారు. అన్నం ఎప్పుడూ ప్రొటీన్ వెజిటేబుల్స్ ,సలాడ్ తో తినాలి. అన్నం కంటే ఎక్కువ మోతాదులో కూరగాయలు ఉండేలా చూసుకోవాలి. ఇది కాకుండా, మీరు క్రమం తప్పకుండా వ్యాయామం చేయాలి, ఇది డయాబెటిస్ అవకాశాలను తగ్గిస్తుంది. మీకు అన్నం ఇష్టమైతే బ్రౌన్ రైస్ తినవచ్చు, ఇది ఆరోగ్యానికి మరింత మేలు చేస్తుంది.