వాటర్ మెలన్ ఫ్రిడ్జ్ లో పెట్టకూడదా..? ఎందుకో తెలుసా?

వాటర్ మెలన్ ని నిజంగానే ఫ్రిడ్జ్ లో పెట్టకూడదట. ఎందుకు పెట్టకూడదో ఇప్పుడు మనం తెలుసుకుందాం..

ఎండాకాలం వచ్చింది అంటే చాలు.. మనలో అందరూ కామన్ గా చేసే పని.. ముందు వెళ్లి పుచ్చకాయ అదేనండి వాటర్ మెలన్ కొనడం. మార్కెట్ కి వెళ్లి మంచి కాయ చూసుకొని కొంటాం. తర్వాత.. ఇంటికి రాగానే దానిని ఫ్రిడ్జ్ లో పెడతాం. అలా ఫ్రిడ్జ్ లో పెట్టడంవల్ల చల్లగా మారి రుచి పెరుగుతుంది. కాస్త తీపిలేని కాయ అయినా.. ఫ్రిడ్జ్ లో పెట్టడం వల్ల తినడానికి హాయి అనుభూతిని ఇస్తుంది.

అయితే.. ఇక నుంచి మాత్రం ఇలా చేయవద్దని ఆరోగ్య నిపుణులు చెబుతున్నారు. వాటర్ మెలన్ ని నిజంగానే ఫ్రిడ్జ్ లో పెట్టకూడదట. ఎందుకు పెట్టకూడదో ఇప్పుడు మనం తెలుసుకుందాం..

ఈ పండులో 90% నీరు ఉండటం వల్ల మన ఆరోగ్యానికి ఎంతో మేలు చేస్తుంది. కానీ నిపుణుల అభిప్రాయం ప్రకారం, సరైన సమయంలో , సరైన పద్ధతిలో తినడం చాలా ముఖ్యం. లేదంటే ప్రతికూల పరిణామాలు ఎదురవుతాయి. పుచ్చకాయను శీతలీకరించడం వల్ల దాని రుచి,నాణ్యత రెండింటినీ పాడుచేయవచ్చు. అంతే కాకుండా, పుచ్చకాయను ఫ్రిజ్‌లో ఉంచడం కూడా విషంగా మారే ప్రమాదం కూడా ఉంది.

పుచ్చకాయను ఫ్రిజ్‌లో ఉంచడం వల్ల అందులోని పోషకాలు క్రమంగా తగ్గడం ప్రారంభిస్తాయి. అలాగే పుచ్చకాయను కోసి ఫ్రిజ్‌లో ఉంచడం వల్ల విషపూరితంగా మారే ప్రమాదం ఉంది. అలాగే, కోసిన పుచ్చకాయపై బ్యాక్టీరియా పెరగడం ప్రారంభమవుతుంది. అవి సాధారణంగా మన శరీరానికి హానికరం.

పుచ్చకాయను ఇలా తినండి:
పరిశోధన ప్రకారం, గది ఉష్ణోగ్రత వద్ద పుచ్చకాయలను ఉంచడం ఉత్తమం. తద్వారా దాని ప్రయోజనాలను పూర్తిగా ఆస్వాదించవచ్చు. అంతే కాకుండా రాత్రి పూట పుచ్చకాయ తినకూడదు. ఇది ఎల్లప్పుడూ పగటిపూట మాత్రమే తినాలి. అలాగే దీన్ని తిన్న తర్వాత నీళ్లు, పాలు, లస్సీ, శీతల పానీయాలు వంటివి తీసుకోకూడదని గుర్తుంచుకోండి.

పుచ్చకాయ తినడం వల్ల కలిగే ప్రయోజనాలు:

బరువు తగ్గడం: పుచ్చకాయ చాలా తక్కువ కేలరీల పండు. కాబట్టి బరువు తగ్గాలనుకునే వారికి ఇది ఆరోగ్యకరమైన ఎంపికగా పరిగణిస్తారు.

జీర్ణక్రియను మెరుగుపరుస్తుంది: పుచ్చకాయలో అధిక మొత్తంలో ఫైబర్ ఉంటుంది. ఇది జీర్ణక్రియకు మంచిది. ఇది తిన్న తర్వాత కూడా ఎక్కువసేపు ఆకలిని నివారిస్తుంది.

గుండె ఆరోగ్యం: పుచ్చకాయలో పొటాషియం ఎక్కువగా ఉంటుంది. ఇది అధిక రక్తపోటును నియంత్రించడంలో సహాయపడుతుంది. గుండె ఆరోగ్యాన్ని కాపాడుతుంది. అంతేకాకుండా.. ఈ ఎండా కాలంలో మన శరీరాన్ని హైడ్రేటెడ్ గా ఉంచడంలోనూ సహాయపడుతుంది.