పెరుగు, మజ్జిగ.. ఈ రెండింటిలో ఏది బెటర్ .?

 ఎవరికైనా బ్లోటింగ్ సమస్య ఉంటే.. అది తొందరగా తగ్గిస్తుంది. ఉదయాన్నే పెరుగు తీసుకోవడం వల్ల  మనకు కడుపు మంచిగా నిండిన అనుభూతి కలిగిస్తుంది. రోజంతా ఉత్సాహంగా ఉండటానికి సహాయపడుతుంది. మొత్తం ఆరోగ్యానికి కూడా మేలు చేస్తుంది.

ఈ ఎండాకాలం బయట మాత్రమే కాదు.. మన బాడీలోనూ వేడి పెరిగిపోతూ ఉంటుంది. ఏది తిన్నా వేడి చేస్తూ ఉంటుంది.  ఆ వేడి తగ్గించుకునేందుకు.. మనం పెరుగు, మజ్జిగ తీసకుంటూ ఉంటాం. ఈ రెండూ మన గట్ హెల్త్ కి చాలా సహాయం చేస్తాయి. ఈ రెండింటిలో ఉదయం పూట దేనిని తీసుకోవడం మంచిది.? దీని పై నిపుణులు ఏమంటున్నారో ఓసారి చూద్దాం..

పెరుగు, మజ్జిగ రెండింటిలోనూ న్యూట్రియంట్స్ ఉంటాయి. ప్రో బయోటిక్స్ కూడా ఉంటాయి.  ఈ రెండింటినీ తీసుకోవడం వల్ల మనకు ఉపయోగం ఉంది.  పెరుగు విషయానికి వస్తే... లాక్టివ్ యాసిడ్ బ్యాక్టీరియా కారణంగా పాలు.. పెరుగుగా మారతాయి.  ఇది మనపు క్రీమీ టెక్చర్ లో ఉంటుంది.  ఇది తినడం వల్ల ప్రోటీన్, కాల్షియం, పొటాషియం, మెగ్నీషియం, బి విటమిన్స్ లభిస్తాయి. దీనిలో ఉండే ప్రో బయోటిక్ బ్యాక్టీరియా.. మనం తీసుకున్న ఆహారం చక్కగా జీర్ణమవ్వడానికి, గట్ ఆరోగ్యానికి సహాయపడుతుంది. మన రోగ నిరోధక శక్తిని పెంపొందించడానికి కూడా ఉపయోగపడుతుంది. ఎవరికైనా బ్లోటింగ్ సమస్య ఉంటే.. అది తొందరగా తగ్గిస్తుంది. ఉదయాన్నే పెరుగు తీసుకోవడం వల్ల  మనకు కడుపు మంచిగా నిండిన అనుభూతి కలిగిస్తుంది. రోజంతా ఉత్సాహంగా ఉండటానికి సహాయపడుతుంది. మొత్తం ఆరోగ్యానికి కూడా మేలు చేస్తుంది.

butter milk

ఇక.. మజ్జిగ విషయానికి వస్తే...  పెరుగుతోనే మజ్జిగ తయారు చేస్తారు. మజ్జిగలోనూ లాక్టిక్ యాసిడ్ బ్యాక్టీరియా ఉంటుంది.  అయితే... పెరుగుతో పోలిస్తే.. మజ్జిగలో ఫ్యాట్ తక్కువగా ఉంటుంది. మజ్జిగ పలుచగా ఉంటుంది. పెరుగు రుచే ఉంటుంది. ఇది కూడా మనకు కాల్షియం, పాస్పరస్, రైబోఫ్లేవిన్, విటమిన్ బి12 అందిస్తుంది. బరువు పెరగకుండా ఉండాలి అనుకునేవారికి ఇది బెస్ట్ ఛాయిస్ అని చెప్పొచ్చు. ఎందుకంటే.. ఫ్యాట్ తో పాటు క్యాలరీలు కూడా చాలా తక్కువగా ఉంటాయి. తీసుకున్న ఆహారం సులభంగా జీర్ణ మవ్వడానికి కూడా ఎంతో సహాయం చేస్తుంది. గ్యాస్టిక్ సమస్యలు ఏవైనా ఉంటే తగ్గిస్తాయి. అంతేకాదు..  ఈ ఎండాకాలం మన బాడీని మంచిగా హైడ్రేటెడ్ గా ఉంచడంలో హెల్ప్ చేస్తుంది.

ఈ రెండింటి వల్ల మనకు ఉపయోగాలు ఉన్నాయి . ఈ రెండింటిలో మీ ఛాయిస్ ని బట్టి ఏదైనా తీసుకోవచ్చు. ఈ రెండింటిలో ఏది తీసుకున్నా.. మీ గట్ ఆరోగ్యం మెరుగుపడుతుంది. ఆ రోజంతా ఉత్సాహంగా ఉంటాం. ఆహారం సులభంగా జీర్ణమవ్వడానికి హెల్ప్ చేస్తుంది. ఈ రెండింటినీ డైరెక్ట్ గా తీసుకోకపోయినా.. వేరే  ఫుడ్స్ కాంబినేషన్ లో అయినా తీసుకోవచ్చు. మజ్జిగ కలిపిన జావ, లేక పెరుగుతో స్మూతీస్, బ్రేక్ ఫాస్ట్ బౌల్  ఇలా ఎలా తీసుకున్నా.. మీ ఆరోగ్యానికి మేలే చేస్తుంది.  కాబట్టి.. ఈ రెండింటినీ ఏదో ఒక రూపంలో ఆహారంలో భాగం చేసుకోవడం మర్చిపోవద్దు.