Slowest Train:మనిషి నడిచే వేగం కన్నా.. నెమ్మదిగా కదిలే రైలు, ఈ రైలు ఎక్కడానికి క్యూలు కడుతున్న జనం, ఎక్కడో తెలుసా?

 Slowest Train: ఒక మనిషి గంటకు 8 నుంచి 9 కిలోమీటర్లు చాలా ఈజీగా నడిచేయగలడు. అలా మనిషి నడిచే వేగం కంటే తక్కువ వేగంతో నడిచే రైలు ఒకటి ఉందని మీకు తెలుసా? అది ఎక్కడానికి జనాలు క్యూలు కట్టేస్తుంటారు? ఏంటి ఆ రైలు స్పెషల్? 

Image Credit : Gemini

ఈ రైలు కంటే మనమే ఫాస్ట్ గా నడవచ్చు...

మన దేశంలో ప్రతి ఒక్కరూ ఏదో ఒక సమయంలో రైలు ఎక్కే ఉంటారు. రైలు ప్రయాణం కొన్ని గంటల పాటు, రోజుల పాటు సాగుతుంది. దూర ప్రయాణాలు చేసేటప్పుడు ఎక్కవ మంది రైలు జర్నీనే ఇష్టపడతారు. అయితే.. ఈ మధ్యకాలంలో రైలు ప్రయాణం చాలా సులువు అయ్యిందనే చెప్పాలి. అత్యంత వేగంగా నడిచే రైళ్లు చాలానే వచ్చాయి. అయితే.. ఇలాంటి రోజుల్లో కూడా మన దేశంలో అత్యంత నెమ్మదిగా నడిచే రైలు ఒకటి ఉందని మీకు తెలుసా..? అంత నెమ్మదిగా నడిస్తే.. ఆ రైలు ఎవరు ఎక్కుతారు అని మాత్రం అనుకోకుండి.. ఈ రైలు ఎక్కడానికి రోజూ క్యూలు కట్టేవారు కూడా ఉన్నారు.. ఇంతకీ ఆ రైలు ఎక్కడ ఉంది? ఎక్కడ నుంచి ప్రయాణిస్తుంది? ఇంత నెమ్మదిగా వెళ్లడం వెనక కారణం ఏంటి అనే విషయాలు ఇప్పుడు చూద్దాం...

Image Credit : easemytrip

అద్భుతమైన రైలు ప్రయాణం..

ఈ రైలు చాలా నెమ్మదిగా వెళ్లినా.. ఇంకాస్త నెమ్మదిగా వెళితే బాగుండు అనే అనుభూతి కలుగుతుంది. ఎందుకంటే.. ఇది దట్టమైన అడవులు, పొగమంచుతో నిండిన కొండలు, చీకటిగా ఉండే సొరంగాలు, టీ తోటల మధ్యలో సాగుతుంది. ఈ రైలు ఎక్కినప్పుడు ఎంత సేపు కూర్చొన్నాం అనే భావన కంటే..ప్రకృతి మీద మాత్రమే దృష్టి ఉంటుంది. చాలా అద్భుతమైన అనుభూతిని మిగులుస్తుంది.

Image Credit : easemytrip

నీలగిరి పర్వాతాల మధ్య నడిచే రైలు...

ఈ రైలు మెట్టపళయం, ఊటీ మధ్య నీలగిరి కొండల మధ్య నడుస్తుంది. భారతదేశంలోనే అత్యంత నెమ్మదిగా కదిలే రైలుగా దీనికి గుర్తింపు ఉంది. గంటకు 9 కిలోమీటర్ల వేగంతో ఈ రైలు ప్రయాణిస్తుంది. అంటే.. ఆ రైలు కంటే మనుషులే వేగంగా నడవగలరు. మొత్తం 46 కిలోమీటర్ల పాటు ఈ ప్రయాణం సాగుతుంది. అంటే మొత్తం ఐదు గంటల ప్రయాణం. అంత నెమ్మదిగా నడిచినా.. అత్యంత అందమైన ప్రయాణంగా.. ఆ రైలు ఎక్కిన ప్రతి ఒక్కరికీ గుర్తుండిపోతుంది.

Image Credit : easemytrip

నెమ్మదిగా రైలు కదలడానికి కారణం ఏంటి..?

ఈ రైలు నీలగిరి పర్వాతాల మధ్య ప్రయాణిస్తుంది. కొండల నిటారు భాగం మీద రైలు కదులుతుంది. అందుకే... ఇతర ప్యాసింజర్ రైలు కన్నా తక్కువ వేగంతో ఈ రైలు కదులుతుంది. ఈ మార్గం చాలా కష్టంగా ఉంటుంది. అందుకే.. భద్రతా కారణాల దృష్ట్యా నెమ్మదిగా కదులుతుంది. భద్రత కోసం నెమ్మదిగా కదిలినా.. చుట్టూ మనోహర దృశ్యాలు ఉండటంతో అందరినీ ఆకట్టుకుంటున్నాయి.

సినిమా పాటల చిత్రీకరణ...

ఈ రైలులో కొన్ని సినిమా పాటలు కూడా చిత్రీకరించడం విశేషం. షారూఖ్ ఖాన్, మలైకా అరోరా కలిసి నటించిన దిల్ సే మూవీలో చయ్య చయ్య పాట కూడా ఈ రైలులోనే చిత్రీకరించారు.