సమంత కళ్లెదుటే మానవబాంబు దాడి, పెను ప్రమాదం నుండి బయటపడ్డ స్టార్ లేడీ 

ఏమాయ చేసావే చిత్రంతో సమంత సిల్వర్ స్క్రీన్ కి పరిచయమైంది. నాగ చైతన్యకు జంటగా నటించిన ఈ రొమాంటిక్ లవ్ ఎంటర్టైనర్ మంచి విజయం అందుకుంది. తెలుగులో రెండో చిత్రమే ఎన్టీఆర్ తో చేసే ఛాన్స్ దక్కింది. బృందావనం మూవీలో ఎన్టీఆర్ తో ఆమె జతకట్టారు. ఇక మూడో చిత్రం దూకుడు. దర్శకుడు శ్రీను వైట్ల తెరకెక్కించిన ఈ చిత్రం బ్లాక్ బస్టర్ అనాలి. 

మహేష్ బాబు, సమంత జంటగా నటించారు. ఈ సినిమాతో సమంత తెలుగులో హ్యాట్రిక్ పూర్తి చేసింది. ఆమె కెరీర్లో వెనక్కి తిరిగి చూసుకోలేదు. కాగా దూకుడు మూవీ షూటింగ్ టైం లో సమంత పెను ప్రమాదం నుండి తృటిలో తప్పుకుందట. దూకుడు మూవీ చిత్రీకరణ కొంత భాగం టర్కీ లో జరిగింది. ఒక రోజు సమంతకు షూట్ లేదట. ఆ విషయం శ్రీను వైట్ల ఆమెకు చెప్పాడట. 

సరదాగా షాపింగ్ చేద్దామని బయటకు వెళ్లిందట. పది నిమిషాల్లోనే సమంత నుండి శ్రీను వైట్లకు  ఫోన్ వచ్చిందట. ఆమె కళ్ళ ఎదుట ఆత్మాహుతి దాడి జరిగిందట. సమీపంలోనే ఉన్న సమంత పెను ప్రమాదం నుండి తప్పుకుందట. దాంతో షాక్ కి గురైన సమంత సిబ్బంది ఫోన్ చేశారట. వెంటనే అక్కడ నుండి హోటల్ కి వెళ్లిపోయారట. ఈ విషయాన్ని శ్రీను వైట్ల ఓ ఇంటర్వ్యూలో చెప్పాడు. 

ఇదిలా ఉండగా..  సమంత జీవితంలో మరో విషాదం చోటు చేసుకుంది. ఆమె తండ్రి జోసెఫ్ ప్రభు హఠన్మరణం పొందారు. ''మళ్ళీ మనం కలిసే వరకు నాన్న'' అని కామెంట్ పెట్టిన సమంత , హార్ట్ బ్రేక్ ఎమోజీ జోడించారు. జోసెఫ్ ప్రభు మరణానికి కారణాలు తెలియాల్సి ఉంది. నిద్రలో ఆయన హార్ట్ అటాక్ కి గురయ్యారట, అదే ఆయన మరణానికి కారణం అని ప్రాథమిక సమాచారం.  సమంత తండ్రి జోసెఫ్ భార్యతో పాటు చెన్నైలో ఉంటున్నారు. ఈ న్యూస్ చిత్ర వర్గాల్లో విషాదం నింపింది. ఈ ఘటన సమంతను తీవ్ర వేదనలో నింపింది. తాను కెరీర్లో ఎదగడం వెనుక తండ్రి జోసెఫ్ కృషి ఎంతగానో ఉందని సమంత పలు ఇంటర్వ్యూలలో వెల్లడించారు. 
 

ఇటీవల సిటాడెల్ ప్రమోషన్స్ లో పాల్గొన్న సమంత తండ్రిని ఉద్దేశించి కీలక వ్యాఖ్యలు చేశారు. ఆయన ఎప్పుడూ సమంత జీవితాన్ని ఛాలెంజింగ్ గా మలిచేవారట. నువ్వు చదువులో ఫస్ట్ వచ్చినంత మాత్రాన గ్రేట్ కాదు. మన ఇండియన్ ఎడ్యుకేషన్ స్టాండర్స్ మాత్రమే అవి. నువ్వు స్మార్ట్, ఇంటెలిజెంట్ అని ఎప్పుడూ భావించకు అనేవారట. తనకున్న సామర్ధ్యాలను ఆయన దాచే ప్రయత్నం చేసేవారట.  

జోసెఫ్, నినెట్టే దంపతులకు సమంత 1987లో జన్మించారు. జోసెఫ్ ఆంగ్లో ఇండియన్ అని సమాచారం. సమంత కంటే ముందు ఇద్దరు అబ్బాయిలు జోసెఫ్ కి సంతానంగా ఉన్నారు. చెన్నై కి సమీపంలో గల పల్లవరం లో వీరు గతంలో నివసించేవారని తెలుస్తుంది. కాగా గత మూడేళ్ళలో సమంత జీవితంలో అనేక విషాదాలు చోటు చేసుకున్నాయి. భర్త నాగ చైతన్యతో విడాకులు తీసుకున్న సమంత డిప్రెషన్ కి గురైంది. 

విడాకుల వేదన నుండి బయటకు పడే లోపు.. మరో సమస్యలో ఆమె చిక్కుకున్నారు. మయోసైటిస్ అనే అరుదైన వ్యాధి బారినపడిన సమంత రెండేళ్లకు పైగా చికిత్స తీసుకుంటున్నారు. 2022 అక్టోబర్ లో తనకు మయోసైటిస్ సోకినట్లు సమంత వెల్లడించారు.